Luke 7:22 - Nouveau Testament bété de Gagnoa

²² "Ne 'ɔ bhulɛle -lɔ "ɛ -ye 'wa -lebhe -wɛ nɛɛ: «'A me -se 'a -sɛle Zaa -ye 'a 'ye- 'ylime "ne -ye 'a 'no- -wɛ 'na 'de: -Kpelɔbhɔnya 'ye 'siɛ, "ne 'bhogbeyibhlinya 'nɔŋo. 'Zlɛlɔbhɔnya -yamale "ne 'yukwligbɔgbɔnya 'no gbo, 'kwia 'wlo gluzɔ. "Ne 'nyɛzenya 'no Lagɔ 'na 'Denaade "me.

Luke 7:22 Iomraidhean Croise

Matie 11:5

-Kpelɔbhɔnya 'ye 'siɛ, "ne bhogbeyibhlinya 'nɔŋo, 'Zlɛlɔbhɔnya yamale "ne 'yukwligbɔgbɔnya 'no 'gbo, 'kwia 'wlo gluzɔ, 'nyɛzenya 'no Lagɔ 'na 'Denaade.

Matie 21:14

"Ɛ "Mebɔbɔlebhudu -wɛ "me 'ye -kpelɔbhɔnya "ne 'bhogbeyinya 'yli -lɔ Zezu lo, "ne 'ɔ yua -lɔ yamalea-.

Luke 4:18

Anyinɛnyɔ 'na zuzu -ko -ame "ku, sɛko -wɛ nea, 'ɔ 'ŋwɛnɛ- -ame, -se 'e "kɛ 'Denaade 'nyɛzenya -sɛle. 'Ɔ -lebhe -ame -se 'e "kɛ -jiɛnya 'lu 'wlime -sɛ, -se 'e "kɛ -kpelɔbhɔnya 'na 'yli "ku vulu-, -se 'e "kɛ -ye 'wa ziɛ 'nyɛze -wɛ 'na galu 'di.

Luke 7:21

"Ɛ "tɛnye -wɛ "me Zezu -yamalea 'gwizinya 'na -kwleyia, -wa "ne nɔŋo "ne -ye zuzu -nyɛnyea -ko keyi -wɛ, "ne kpelɔbhɔnya 'na -kwleyia 'na 'yli -vuluɔ "ku.

Luke 7:23

-Se, 'ŋwɛnɛ 'lɔbhɔ 'nyɔkpɔ 'na 'ɔ -ka 'neɛ za 'kwlɛ bhli -wɛ.»

Zezu Kli 'na 'Denaade ‑ye Zaa kɛle‑ ne lɛ 1:46

"Ne Natanayɛle yi -lɔ Filipo bhulɛle- nɛɛ: «"Ɛ Nazalɛte -wɛ, -bɛɛ' 'na -bɛɛ' yi bhɔ "bhle zɔ 'wlole 'a?» "Ne Filipo yu -lɔ bhulɛle- nɛɛ: «Yi -se -e "cɛ 'ylime 'ye.»

Nonoli 26:18

-Se -e "kɛ 'wanɛɛ 'yli "ku -vulu, -se 'wa "kɛ titiɛ "me 'bha, 'se 'wa "kɛ zle "ku 'sibhɔ. -Se 'wa te -kɛ -la Sata 'na 'bhɛloɛ "me ko, -se 'wa "kɛ Lagɔ lo 'yli. -Wa -kɛ -ame 'dleku -wɛ, 'wanɛɛ 'nyinyonoli 'na gbo yi "ku 'titliɔ-. "Ne 'wa yi Lagɔ 'na "gugbɛ 'na 'cibhɛ yle -me, -wa -kɛ -ame 'dleku -wɛ 'nasɛ.

Nonoli 8:7

Zuzu -nyɛnyea -kwleyia 'bha 'awɔ 'nyakpa "me, "ne -ye 'wa 'bha 'awɔ "ɛ 'nyakpa "me -wɛ, 'wa "kpa 'awɔ "me "ne -gbolulɔbhɔnya -nyɛ bho -gbeyinya "bhaa 'yamale 'awɔ -lɔ 'klekle.

Zake 2:5

'A 'fo 'yukwli, -awale 'wanye, Lagɔ "ne bhɔ -glɔnya 'yliku "ɛ 'nyɛzenya -wɛ lɔbhɔ -sɛ 'a? 'Ɔ 'yɔbhɔ -gbɔ 'ɔ "koa -klɔgbɔnya "zoa- 'dlekukɛleɛ "me, -se 'wa "kɛ Lagɔ 'na 'Kamalezikpɛ -ye 'ɔ -sɛ lɔbhɔ -wa -kɛ 'ɔnɛɛ 'ŋwɛnɛ "me -wɛ za yle.