Luke 7:19 - Nouveau Testament bété de Gagnoa

¹⁹ "Ne 'ɔ yua -lɔ Anyinɛnyɔ "ku 'lebhele- -gbɔ 'wa 'yɔbhɔ lo nɛɛ: -Mɔɔ -noɔ bhɔ -ɔ "kɛ yi -wɛ yɔ, -mɔ, -a yi 'na bhɔ -vinɔ wo 'a?

Luke 7:19 Iomraidhean Croise

Malke 6:7

'Ɔ la- "ɛ "kɔlepɔnya kogbɔ "sɔ -wɛ, "ne 'ɔ yua -lɔ -glɔ "ku 'lebhele- "sɔ "sɔ. 'Ɔ 'nyoa- 'bhɛloɛ -se 'wa "kɛ -kɛ zuzu -nyɛnyea 'kpeti-.

Luke 10:1

'Ɛyi -wɛ "kɛ 'ple "bhuɔ ne, Anyinɛnyɔ -sɛ lɔbhɔ gɛlenya 'na glota yɛ 'kogbɔ "sɔ 'na -vinoa, "ne 'ɔ yua -lɔ 'lebhe- "sɔ "sɔ -gbɔ 'wa 'plo 'yuku, -se 'wa me 'du "yiti 'klekle "ku -nyɛ 'du -jejeyuɛ -wɛ 'wɔ "ku, -dee 'ɔyigɛsɛ "kɛ nɛ me -wɛ.

Luke 11:1

Zezu -ko 'awɔ dɛne -bholo bhubhɔ- -dɛku, 'ɔ bhiɛ- lɛ kɔ ne, 'ɔnɛɛ gɛlenya 'na 'glɛme -na -bholo 'yɔbhɔ- -lɔ lo nɛɛ: «Anyinɛnyɔ, 'sloa- -anye bhubhɔsɛ, -see Zaa 'sloa- lɛ 'ɔnɛɛ gɛlenya -wɛ.»

Luke 11:39

"Ne "Bhenyɔ yu -lɔ bhulɛle- nɛɛ: «-Dɛmeda 'anye faliziɛnya, 'baa 'na keyi "ku 'ye 'a 'wɛle -lɔ, -mɔ, 'anyɛɛ 'mene 'yiɛ -didi, konyinɛ, tɛtɛ -nyɛ zizi "bhaa "ku.

Luke 12:42

Anyinɛnyɔ nɛɛ: «-Ɔ -noɔ bhɔ "kulɔbhɔnyɔ 'na "namanɔ "ne 'nɛnenyɔ yɔ 'a? 'Ɔnɛɛ -ye "bhenyɔ -sɛ lɔbhɔ nɛɛ: 'E 'je- -eyi libhɔ ne kɔ, -se lɔbhɔ kɛ ylɛ ne, "nyɛ "kulɔbhɔnya 'na -vinoa -wɛ lilɛ.»

Luke 13:15

"Ne Anyinɛnyɔ yu -lɔ bhulɛle- nɛɛ: «'Nyakpa -gbeyia -lɛ, 'anye 'glɛme 'na -bholo "ne -sɛ bhɔ gbajɛzle 'ɔnɛɛ bhli o, -soko o lu 'yli "ne 'ɔ "kɔ 'ŋu nɔmɔ -ka kɔme?»

Luke 17:5

"Kɔlepɔnya -bhulɛle -lɔ Zezu nɛɛ: Zimalea- 'anyɛɛ 'dleku 'kɛleɛ "ku.

Luke 17:6

"Ne "Bhenyɔ yi -lɔ no nɛɛ: 'Anyɛɛ 'dlekukɛleɛ kɛ bhueyi -noɔ sɛgbɛɛ su -ye 'wa la mutade -wɛ 'na yɛ, -a yi su 'na -zuglujɛ bhulɛle- nɛɛ: 'Bha- glu, -se me jinyɛ "me -eyi glo -ka, "ne 'ɛ yi nɛ 'anye 'plome "zo.

Luke 18:6

"Bhenyɔ nɛɛ: «'A 'no -na "ɛ gbobhlenyɔ -gbeyi 'na -see 'ɔ lɛ -wɛ "me 'tee.

Luke 19:8

-Mɔ, Zase "kɛ "ku -sɔ ne, Anyinɛnyɔ 'ye 'ɔ bhulɛle- -lɔ nɛɛ: «"Bhenyɔ, 'e yi 'neɛ -li 'na 'cibhɛ nyɛzenya kɔ 'je, "ne -ye 'e -no ylo "ne 'e yi 'ɔnɛɛ 'dlasi li -wɛ, 'e 'yi ki -mɔɔnɔ "ku 'beme "zole.»

Luke 22:61

"Ne Anyinɛnyɔ yi -lɔ 'beme 'yli "pɔ "ne 'ɔ yi -lɔ Piɛle "ku wolo-. "Ne Piɛle 'na 'dle yi -lɔ "Bhenyɔ 'na weli -ye 'ɔ -bhulɛlo -wɛ "ku 'luɔle-. «Nunu -gba "pɔ 'weli 'sabo ne "me, -e 'ya -lɔ "ku ta 'na lo -sɛle.»

Luke 24:34

'Wayi 'klekle -bhulɛloa sɛne: «'Diɛɛ yɛ -lɔ! Anyinɛnyɔ 'wlo- gluzɔ. "Ne 'ɔ -tua 'ɔyi Simɔ Piɛle 'ylime.»

Luke 7:13

Anyinɛnyɔ "kɛ "ɛ 'ŋɔnɔ -wɛ "ylime 'ye, -nyɛze "ku 'ye 'ɔ lelo- -lɔ, "ne 'ɔ yu -lɔ bhulɛle- nɛɛ: Te -la 'tu.

Luke 7:20

'Wa "kɛ Zezu yɔko ylɛ ne, "ɛ 'nyakpa -wɛ -bhulɛlolɔ nɛɛ: Zaa Batise -lebhe -lɔ -anye -eyi "ku -gbɔ -a yi -se -a "kɛ -eyi lo 'yɔbhɔ- -gbɔ, -mɔɔ -noɔ bhɔ -ɔ "kɛ yi yɔ? -Mɔ, -a wo- -na -vinɔ?

Zezu Kli 'na 'Denaade ‑ye Zaa kɛle‑ ne lɛ 11:2

Mali, 'ŋɔnɔ -ɔ 'slu- 'awɔ Anyinɛnyɔ -lasiklɔ bhopopɛ "ku, "ne 'ɔ 'yi 'awɔ 'ɔnɛɛ 'nyi 'nu siɛle- -wɛ yɔ 'awɔ -lɔ. "Ɛ Mali -wɛ, 'ɔ "nɔwli Laza "ne 'awɔ -lɔ -yɛ.

Zezu Kli 'na 'Denaade ‑ye Zaa kɛle‑ ne lɛ 4:1

-Sɔɔdɛku Zezu 'no- lɛ "me -gbɔ Faliziɛnya -yibhlele sɛ nɛɛ 'ɔnɛɛ gɛlenya "ne 'nyakpa 'na -ye 'ɔ 'nyɛ- batɛme -wɛ -zu "ne 'wa -zi Zaa -noa "ku ne,

Zezu Kli 'na 'Denaade ‑ye Zaa kɛle‑ ne lɛ 4:25

"Ne "ɛ 'ŋɔnɔ yu -lɔ bhulɛle- nɛɛ: «'E -yi sɛ -gbɔ Lagɔ 'na ŋwɛnɛŋwɛnɛyu -ye 'wa la Klise -wɛ yi 'ce yi. 'Ɔ "kɛ 'ce -yi, 'ɔ yi 'ce -anye -li 'klekle zɔ -sɛle.»

Zezu Kli 'na 'Denaade ‑ye Zaa kɛle‑ ne lɛ 6:23

'Wa 'na wolo ne, gɔlo 'na -vinɛ 'wɔ 'bhale Tibeliade "ne 'ɛ yi -lɔ -dee 'wa -lile "fɔlɔ -ye Anyinɛnyɔ Zezu 'pɔ- nɛ 'ŋu -wɛ yi.

'Ylikloylɛleweli 11:3

'E yi 'ce 'neɛ -wayeɛdɛ "sɔ -wa -pla -gbudukoti "me -wɛ 'lebhe-. 'Wa yi 'ce Lagɔ 'na 'tɔ "me bhulɛle- 'yli 'na -gɛmɛnɛ -wlulu -bholo, 'yli -glo 'umgbu 'na 'wukwɛ "sɔ 'yli -glo ta 'na dɛ (1.260).»