Luke 7:16 - Nouveau Testament bété de Gagnoa

¹⁶ Nyanɔ 'lɔbhoa- 'klekle "ne 'wa kwa nɛ -lɔ Lagɔ 'ŋlu nɛɛ "guɔkwɔmenyɔ "yitɔ 'wlole- -anye 'glɛme zɔ, "ne Lagɔ -yi 'ɔnɛɛ 'nyakpa "ku 'be -ka.

Luke 7:16 Iomraidhean Croise

Matie 15:31

"Ɛ -zakpɛ -wɛ 'na 'wolo, 'nyakpa 'na -wa "ne 'di nɛ gbo -wɛ, bhulɛ 'tee, 'bhogbeyinya -yamale 'gbligbli, 'kɔtɔkɔtɔnya -yamale 'klekle "ne -kpelɔbhɔnya 'ye 'siɛ, "ne "ɛ -zakpɛ -wɛ 'klekle 'kwa -lɔ Izlayɛle 'na Lagɔ 'ŋlu!

Matie 21:11

"Ne 'nyakpa yi -lɔ no nɛɛ: «Nazalɛte, Galile -glɔ "me 'na "guɔkwɔmenyɔ Zezu 'ple -lɔ.»

Matie 28:8

"Ɛ 'ŋwenea -wɛ 'bha- "ɛ -biɛ "ku cuu, "naa-, 'wa gu nɛ kpɛnyee "ne 'ŋwɛnɛ 'lɔbhoa nɛ kpɛnyee. 'Wa -guɔ, -se 'wa "kɛ nɛ 'ɔnɛɛ gɛlenya 'de -sɛle -ka me.

Matie 9:8

'Nyakpa 'na -zakpɛ 'cɛ 'ylime 'ye ne, nyanɔ 'lɔbhoa- -lɔ. Ŋwɛnɛɛ: «Lagɔ me 'ŋlu -se 'ɔ kɛ -kɛ 'nyakpa 'bhɛloɛ "yitɛ 'nyɛ-.»

Luke 1:65

'Ɔnɛɛ suemegbalenya 'klekle nyanɔ 'lɔbhoa nɛ, "ne 'wa bhulɛ nɛ -lɔ tloglɔ -ye 'wa la Zude -wɛ 'klekle "ku -ɛ -ylɛle lɔbhɔ 'na weli.

Luke 1:68

Anyinɛnyɔ 'pɔ- 'ŋu, Izlayɛle 'na Lagɔ. "Naa-, 'ɔ -yi 'ɔnɛɛ -gligbɛnya "ku 'be 'ka, "ne 'ɔ -soa galu 'yli.

Luke 19:44

'Wa yi 'ce -eyi dutɛmɛ "ku 'sule- -eyi -nyɛ -neɛ' yua "bhaa "ne 'wa yi 'ce -neɛ' za -bhudu 'klekle 'wlɛ "ne -bɛɛ' -ka 'ce lɔbhɔ 'to-. "Naa-, -sɔɔdɛku Lagɔ -yi -eyi "ku 'be 'ka -wɛ, -e "no -yibhlele zɛ.»

Luke 2:20

"Ɛ wliagɛlenya -sɔbhɔ 'wli, 'wa bhubhɔ Lagɔ "ne 'wa -kwɔ 'ŋlu, -ye 'wa 'no- "me "ne -ye 'wa 'ye- 'ylime -wɛ za. 'Ɛ -nyɛ -ye 'wa sɛloa -wɛ "bhaa.

Luke 24:19

"Ne Zezu yua -lɔ lo 'yɔbhɔ nɛɛ: «-Ɛ 'ple bhɔ "bhle 'a?» 'Wa nɛɛ: «-Ɛ -yle Nazalɛte 'na Zezu -wɛ. "Guɔkwɔmenyɔ -ɔ -kɛ nɛ 'bhɛloɛ "ne -nyɔ 'na "mesɛleweli me Lagɔ 'yliku "ne 'nyakpa 'klekle 'yliku.

Luke 5:26

Nyanɔ 'lɔbhɔa 'awɔ 'klekle, "ne 'wa kwɔ 'awɔ -lɔ Lagɔ 'ŋlu nɛɛ: «-A 'ya -zeka -li 'na -ɛ zi "ku 'ylime 'ye.»

Luke 5:8

'Wa 'ye- lɛ 'ylime ne, Simɔ Piɛle kokomini 'ye 'ɔ 'pɔ- -lɔ Zezu 'yliku 'ɔ nɛɛ: "Bhenyɔ, 'ylile- -ame yɔko "guɔ, sɛko -wɛ -ame nyinyonolinonyɔ 'ye 'e -noɔ -lɔ zɛ.

Luke 7:15

"Ne "ɛ gɛzɛ -wɛ yi -lɔ 'guɔ 'glile-, "ne 'ɔ yi -lɔ 'gbo 'di, "ne Zezu yu -lɔ 'ɔ "nɔ kɔ 'je.

Luke 7:39

"Ɛ Faliziɛnyɔ -ɔ la- Zezu -wɛ 'cɛ "ylime 'ye ne, 'ɔ bhulɛle -lɔ sɛne 'dlezɔ nɛɛ: "Ɛ 'nyɔkpɔ ne kɛ nɛ "guɔkwɔmenyɔ yɔ, 'ɔ yi nɛ "ɛ 'ŋɔnɔ, -ɔ 'sɔ kɔ -wɛ 'na kosɛ "me yibhlele-, 'widiaseseliaŋɔnɔ yɔ -lɔ.

Luke 8:37

-Ɛwɛza, "ɛ Zelazeniɛnya 'klekle -bhulɛle -lɔ Zezu nɛɛ: 'Ylile- 'anye yɔko 'guɔ, "naa-, sɛko -wɛ, "ku 'tɛtɛloa 'awɔ nyanɔ za. "Ne Zezu yi -lɔ gɔlo "me "gblɛ "ne 'ɔ yi -lɔ me.

Luke 9:19

Ŋwɛnɛɛ: «-bedia nɛɛ Zaa Batise 'ye -e -noɔ. -Wawɛ nɛɛ Eli 'ye -e -noɔ. -Wace nɛɛ bhlɛme 'na "guɔkwɔmenyɔ 'wlo- -lɔ gluzɔ.»

Zezu Kli 'na 'Denaade ‑ye Zaa kɛle‑ ne lɛ 1:21

"Ne 'wa yu -lɔ lo 'yɔbhɔ- nɛɛ: «-Ye -e -noɔ bhɔ? -Mɔɔ -noɔ bhɔ Eli yɔ 'a?» 'Ɔ nɛɛ: «'E "ne -kɛ 'ɔyi yɔ.» "Ne 'wa yu -lɔ "kusɔ lo 'yɔbhɔ- nɛɛ: «Zaa, "guɔkwɔmenyɔ 'ye -e -noɔ bha?» 'Ɔ nɛɛ: «'Bhɔ -kɛ.»

Zezu Kli 'na 'Denaade ‑ye Zaa kɛle‑ ne lɛ 1:25

"Ne 'wa 'yɔbhɔ -lɔ "ɛ Zaa lo 'yiɛ, ŋwɛnɛɛ: «-E nɛɛ -e "ne 'Fuɔnyɔ yɔ, -e "ne Eli yɔ, "ne -e "ne 'lelee "guɔkwɔmenyɔ yɔ, zaa, sɔɔbɛɛza -e 'nyɛ bhɔ 'nyakpa batɛme?»

Zezu Kli 'na 'Denaade ‑ye Zaa kɛle‑ ne lɛ 4:19

"Ne "ɛ 'ŋɔnɔ -wɛ yu -lɔ bhulɛle- nɛɛ: «Anyinɛnyɔ, 'e -yi -la -dɛme sɛ -gbɔ "guɔkwɔmenyɔ 'ye -e -noɔ -lɔ.

Zezu Kli 'na 'Denaade ‑ye Zaa kɛle‑ ne lɛ 6:14

'Nyakpa 'ye- lɛ "ɛ zɛzɛ -ye Zezu 'pɔ- -wɛ 'ylime ne, ŋwɛnɛɛ: «'nyɔkpɔ 'na -ɔne, "guɔkwɔmenyɔ yɔ -lɔ 'diɛ, -ɔ "kɛ nɛ zikpɛ "ku yi -wɛ.»

Zezu Kli 'na 'Denaade ‑ye Zaa kɛle‑ ne lɛ 9:17

"Ne 'wa yi -lɔ "kusɔ "ɛ -kpelɔbhɔnyɔ -wɛ lo 'yɔbhɔ nɛɛ: «-Eyi, -se -e lɛ bhɔ "ɛ 'nyɔkpɔ -ɔ -vlu -neɛ' 'yli "ku -wɛ 'na dɛku?» "Ne 'ɔ yi -lɔ no nɛɛ: «"guɔkwɔmenyɔ yɔ -lɔ.»

Nonoli 5:5

Ananiaase 'no- lɛ "ɛ weli -wɛ ne, zɔ 'ye 'ɔ -bhli -lɔ, "ne 'ɔ yi -lɔ "ku, "ne 'nyakpa 'klekle 'na -wa 'no- "ɛ -ɛ 'ple- -wɛ, 'wayi 'klekle -nyanɔ "yitɛ yua -lɔ 'lɔbhɔ.

Nonoli 7:37

'Ɔyi Moyize -wɛ, 'ɔ -bhulɛle -lɔ Izlayɛleyua nɛɛ: Lagɔ yi 'anye 'glɛme "guɔkwɔmenyɔ -sɛ, sɛgbɛɛ -ame.

Galatenya 1:24

"Ne 'klecɛnya 'kwa 'awɔ -lɔ Lagɔ 'ŋlu 'neɛ za.