Luke 7:13 - Nouveau Testament bété de Gagnoa

¹³ Anyinɛnyɔ "kɛ "ɛ 'ŋɔnɔ -wɛ "ylime 'ye, -nyɛze "ku 'ye 'ɔ lelo- -lɔ, "ne 'ɔ yu -lɔ bhulɛle- nɛɛ: Te -la 'tu.

Luke 7:13 Iomraidhean Croise

Malke 8:2

«'Nyakpa ne -le -ame 'nyɛze "ku. "Naa-, 'yli ta ne lɛ -se 'wa -ko -ame yɔko "ne 'wa "ne lilibɛɛ -kɛ.

Luke 10:1

'Ɛyi -wɛ "kɛ 'ple "bhuɔ ne, Anyinɛnyɔ -sɛ lɔbhɔ gɛlenya 'na glota yɛ 'kogbɔ "sɔ 'na -vinoa, "ne 'ɔ yua -lɔ 'lebhe- "sɔ "sɔ -gbɔ 'wa 'plo 'yuku, -se 'wa me 'du "yiti 'klekle "ku -nyɛ 'du -jejeyuɛ -wɛ 'wɔ "ku, -dee 'ɔyigɛsɛ "kɛ nɛ me -wɛ.

Luke 11:1

Zezu -ko 'awɔ dɛne -bholo bhubhɔ- -dɛku, 'ɔ bhiɛ- lɛ kɔ ne, 'ɔnɛɛ gɛlenya 'na 'glɛme -na -bholo 'yɔbhɔ- -lɔ lo nɛɛ: «Anyinɛnyɔ, 'sloa- -anye bhubhɔsɛ, -see Zaa 'sloa- lɛ 'ɔnɛɛ gɛlenya -wɛ.»

Luke 11:39

"Ne "Bhenyɔ yu -lɔ bhulɛle- nɛɛ: «-Dɛmeda 'anye faliziɛnya, 'baa 'na keyi "ku 'ye 'a 'wɛle -lɔ, -mɔ, 'anyɛɛ 'mene 'yiɛ -didi, konyinɛ, tɛtɛ -nyɛ zizi "bhaa "ku.

Luke 12:42

Anyinɛnyɔ nɛɛ: «-Ɔ -noɔ bhɔ "kulɔbhɔnyɔ 'na "namanɔ "ne 'nɛnenyɔ yɔ 'a? 'Ɔnɛɛ -ye "bhenyɔ -sɛ lɔbhɔ nɛɛ: 'E 'je- -eyi libhɔ ne kɔ, -se lɔbhɔ kɛ ylɛ ne, "nyɛ "kulɔbhɔnya 'na -vinoa -wɛ lilɛ.»

Luke 13:15

"Ne Anyinɛnyɔ yu -lɔ bhulɛle- nɛɛ: «'Nyakpa -gbeyia -lɛ, 'anye 'glɛme 'na -bholo "ne -sɛ bhɔ gbajɛzle 'ɔnɛɛ bhli o, -soko o lu 'yli "ne 'ɔ "kɔ 'ŋu nɔmɔ -ka kɔme?»

Luke 17:5

"Kɔlepɔnya -bhulɛle -lɔ Zezu nɛɛ: Zimalea- 'anyɛɛ 'dleku 'kɛleɛ "ku.

Luke 17:6

"Ne "Bhenyɔ yi -lɔ no nɛɛ: 'Anyɛɛ 'dlekukɛleɛ kɛ bhueyi -noɔ sɛgbɛɛ su -ye 'wa la mutade -wɛ 'na yɛ, -a yi su 'na -zuglujɛ bhulɛle- nɛɛ: 'Bha- glu, -se me jinyɛ "me -eyi glo -ka, "ne 'ɛ yi nɛ 'anye 'plome "zo.

Luke 18:6

"Bhenyɔ nɛɛ: «'A 'no -na "ɛ gbobhlenyɔ -gbeyi 'na -see 'ɔ lɛ -wɛ "me 'tee.

Luke 19:8

-Mɔ, Zase "kɛ "ku -sɔ ne, Anyinɛnyɔ 'ye 'ɔ bhulɛle- -lɔ nɛɛ: «"Bhenyɔ, 'e yi 'neɛ -li 'na 'cibhɛ nyɛzenya kɔ 'je, "ne -ye 'e -no ylo "ne 'e yi 'ɔnɛɛ 'dlasi li -wɛ, 'e 'yi ki -mɔɔnɔ "ku 'beme "zole.»

Luke 22:61

"Ne Anyinɛnyɔ yi -lɔ 'beme 'yli "pɔ "ne 'ɔ yi -lɔ Piɛle "ku wolo-. "Ne Piɛle 'na 'dle yi -lɔ "Bhenyɔ 'na weli -ye 'ɔ -bhulɛlo -wɛ "ku 'luɔle-. «Nunu -gba "pɔ 'weli 'sabo ne "me, -e 'ya -lɔ "ku ta 'na lo -sɛle.»

Luke 24:3

'Wa -plɛ "bhle, -mɔ, 'wa "ne Anyinɛnyɔ Zezu 'na gɛzɛ "bhle -ylele.

Luke 24:34

'Wayi 'klekle -bhulɛloa sɛne: «'Diɛɛ yɛ -lɔ! Anyinɛnyɔ 'wlo- gluzɔ. "Ne 'ɔ -tua 'ɔyi Simɔ Piɛle 'ylime.»

Luke 7:12

'Ɔ "kɛ "ɛ 'du -wɛ "me 'na -gbanuɛ "ku ylɛ ne, 'nyakpa -su gɛzɛ, 'wa mo zizi -ka, kwiziŋɔnɔ 'na yu -bholo -kpee yɔ nɛ -lɔ, "ne "ɛ 'du -wɛ "me 'na 'nyakpa kwɛle nɛ -lɔ "ɛ 'ŋɔnɔ -wɛ -gwe "ku.

Luke 7:14

"Ne 'ɔ yu -lɔ lo mele-, "ne 'ɔ yi -lɔ "ɛ 'cesu -wɛ kɔ ze "ne -wa -su yi -lɔ 'nyegbe-. 'Ɔ nɛɛ: Teyigbɔ -mɔɔ bhulɛle lɛ -eyi, glɔ.

Luke 7:19

"Ne 'ɔ yua -lɔ Anyinɛnyɔ "ku 'lebhele- -gbɔ 'wa 'yɔbhɔ lo nɛɛ: -Mɔɔ -noɔ bhɔ -ɔ "kɛ yi -wɛ yɔ, -mɔ, -a yi 'na bhɔ -vinɔ wo 'a?

Luke 8:52

'Wa 'na 'wolo 'lugbu -jiji, 'wa sibhɔle 'wli, Zezu nɛɛ: 'A te "tu, "ɛ yu ne -na 'se "ku ne, ŋɔŋo 'ɔ 'ŋɔŋo- -lɔ.

Zezu Kli 'na 'Denaade ‑ye Zaa kɛle‑ ne lɛ 11:2

Mali, 'ŋɔnɔ -ɔ 'slu- 'awɔ Anyinɛnyɔ -lasiklɔ bhopopɛ "ku, "ne 'ɔ 'yi 'awɔ 'ɔnɛɛ 'nyi 'nu siɛle- -wɛ yɔ 'awɔ -lɔ. "Ɛ Mali -wɛ, 'ɔ "nɔwli Laza "ne 'awɔ -lɔ -yɛ.

Zezu Kli 'na 'Denaade ‑ye Zaa kɛle‑ ne lɛ 11:3

"Ne "ɛ "nɔyoa "sɔ -wɛ yi -lɔ 'nyɔkpɔ Zezu "ku lebhele- nɛɛ: «Anyinɛnyɔ, -neɛ' -ye -e -wa -wɛ "ne -yɛ.»

Zezu Kli 'na 'Denaade ‑ye Zaa kɛle‑ ne lɛ 20:13

"Ne 'wa yu -lɔ lo 'yɔbhɔ nɛɛ: «'Ŋɔnɔ -lɛ, sɔɔbɛɛza -e 'tu bhɔ?» "Ne 'ɔ yua -lɔ bhulɛle nɛɛ: «'Wa -sɛ 'neɛ Anyinɛnyɔ 'na -gɛzɛ dɛku, "ne 'e "ne -dee 'wa -kɔmo -yi.»

Zezu Kli 'na 'Denaade ‑ye Zaa kɛle‑ ne lɛ 20:15

"Ne Zezu yu -lɔ lo 'yɔbhɔ nɛɛ: «'Ŋɔnɔ -lɛ, sɔɔbɛɛza -e 'tu bhɔ? -Nyɔ za -e 'pɔ bhɔ 'yli?» -Mɔ, Mali -tɔle nɛ -gbɔ -ɔ -kole -biɛ "klo -wɛ yɔ. Zaa, "ne 'ɔ yu -lɔ bhulɛle- nɛɛ: «'Nyɔkpɔ 'tuku, -eyi -mɔɔ kɔ "bhle -sɛ ne, sloa- -ame -dee -kɔmo -wɛ 'dɛ -see "kɔ 'yukwɔ me.»

Zezu Kli 'na 'Denaade ‑ye Zaa kɛle‑ ne lɛ 4:1

-Sɔɔdɛku Zezu 'no- lɛ "me -gbɔ Faliziɛnya -yibhlele sɛ nɛɛ 'ɔnɛɛ gɛlenya "ne 'nyakpa 'na -ye 'ɔ 'nyɛ- batɛme -wɛ -zu "ne 'wa -zi Zaa -noa "ku ne,

Zezu Kli 'na 'Denaade ‑ye Zaa kɛle‑ ne lɛ 6:23

'Wa 'na wolo ne, gɔlo 'na -vinɛ 'wɔ 'bhale Tibeliade "ne 'ɛ yi -lɔ -dee 'wa -lile "fɔlɔ -ye Anyinɛnyɔ Zezu 'pɔ- nɛ 'ŋu -wɛ yi.

1 Kolɛtenya 7:30

-Wa 'tu -wɛ 'ko sɛgbɛɛ 'tu 'wa -na 'tu. -Ye 'ŋwɛnɛ lɔbhɔ -wɛ 'ko sɛgbɛɛ 'ŋwɛnɛ -noa 'lɔbhɔ. -Wa 'pea -wɛ 'ko sɛgbɛɛ 'wa "ne -bɛɛ' -kɛ.

1 Tesalonikenya 4:13

-Nyɔsɔwanye, -a 'yɔbhɔ -gbɔ -a "kɛ 'anye -wa "ku- -wɛ 'na "kukoweli bhulɛle- gbɛklɛklɛ, -se 'a te -kɛ "klo "nyɛne sɛgbɛɛ 'nyakpa 'na -wa "ne 'dletɛleɛ -kɛ kpolokpolo.

Eblenya 2:17

-Ɛwɛza, 'ɔ "kɛ nɛ -lɔ 'ɔ "nowlia 'wlole -li 'klekle "me -se 'ɔ "kɛ bɔbɔnyɔ "yitɔ 'na -ɔ -ko 'nɛne "ne -ɔ tɛle- lagɔlibhɔ 'dle, -se 'ɔ "kɛ 'nyakpa 'na 'nyinyonoli 'na gbo "ku 'titli.

Eblenya 4:15

Sɛko -wɛ -a -kɛ bɔbɔnyɔ "yitɔ, -ɔ 'bhɛle- "ne 'ɔ "kɛ -anyɛɛ sɛ 'gbape -me -anyɛɛ 'kwɛme-yɔleɛ 'na za. "Naa- -anyɛɛ sɛ, 'wa 'beɔ- -li 'klekle za "me, -mɔ 'ɔyi, 'ɔ "ne 'nyinyonoli -no.