Luke 7:10 - Nouveau Testament bété de Gagnoa

¹⁰ "Ne "ɛ -ye 'wa -lebhe -wɛ yi -lɔ sueme 'wlizɔ zi, 'wa 'na me "ɛ 'juyu -yamale.

Luke 7:10 Iomraidhean Croise

Matie 15:28

"Ne Zezu yu -lɔ bhulɛle- nɛɛ: «'Ŋɔnɔ, -neɛ' 'dlekukɛleɛ 'kpɔ, zaa -see -e 'yɔbhɔ -wɛ 'ɛ ylɛle- sɔbhɔ!» "Ne "ɛ yu yi -lɔ yamale- "ɛ -gbabhele -wɛ "me.

Matie 8:13

"Ne Zezu yi -lɔ "ɛ Wlɔmo 'na "slojayu "yitɔ -wɛ bhulɛle- nɛɛ: «Me, -see -e -kɛ 'dleku -wɛ, 'ɛ ko sɔbhɔ.» -Sɔɔdɛku Zezu -le nɛ bhulɛ dɛku -wɛ 'ye "ɛ Wlɔmo 'na "slojayu 'na "kulɔbhɔnyɔ -wɛ -yamale -lɔ.

Malke 9:23

Lɔbhɔ 'ye Zezu -bhulɛlo -lɔ sɛne: «Sɔɔbɛɛza -e no bhɔ -gbɔ: -E kɛ 'bhɛle- -gbɔ -e yi -bɛɛ' no, 'e no 'a? -Li 'klekle 'bhɛleɔ- -ɔ -kɛ 'dleku -wɛ za.

Luke 7:11

Zezu "me 'du -ye 'wa la Nayine -wɛ. 'Ɔyi, 'ɔnɛɛ gɛlenya -nyɛ -zakpɛ "yitɛ "bhaa 'wa mele nɛ 'gɔme.

Luke 7:9

Zezu no- lɛ "ɛ weli -wɛ ne, "ɛ 'nyɔkpɔ -wɛ 'tɔ "ku 'ɔ -lelo -lɔ. 'Ɔ -ziɔ "me "ne 'ɔ yi -lɔ -zakpɛ -ɛ gɛlelo -wɛ 'klo glɛ-, 'ɔ nɛɛ: 'E bhulɛle 'anye -gbɔ Izlayɛleyua 'glɛme, 'e -na 'ce -zɛ "bhle soɔ 'na 'dlekukɛleɛ 'ylime 'ye.