Luke 6:8 - Nouveau Testament bété de Gagnoa

⁸ -Mɔ, Zezu 'yi 'wanɛɛ 'dlepɔsɛ. 'Ɔ -bhulɛle "ɛ sɔyɔkobhlinyɔ: -Sɔ "ku! -Se -e yi dɛne 'nyakpa 'klekle 'yli "ku. "Ne 'nyɔkpɔ 'yi -lɔ "ku -sɔ, "ne 'ɔ 'yi -lɔ 'ya 'nyegble-.

Luke 6:8 Iomraidhean Croise

Matie 9:4

Zezu -yi -see 'wa 'pɔ 'dle, "ne 'ɔ yua -lɔ bhulɛle- nɛɛ: «Sɛko bhɔ "ne 'a -kɛ bhɔ 'dlepɔsɛ -nyɛnye 'a?»

Malke 3:3

"Ne Zezu yi -lɔ "ɛ sɔyɔkobhlinyɔ -wɛ bhulɛle- nɛɛ: «-Sɔ "ku! -Se yi -dɛne 'nyakpa 'klekle 'yliku!»

Luke 13:12

Zezu kɔ 'ylime 'ye ne, 'ɔ 'lɔ- "ne 'ɔ yu -lɔ bhulɛle- nɛɛ: «'ŋɔnɔ, -neɛ' 'gu bhiɛ.»

Luke 5:22

-Mɔ, Zezu -yi 'wanɛɛ 'dlepɔsɛ za, 'ɔ yua -lɔ bhulɛle- nɛɛ: Sɔɔbɛɛza 'a 'pɔ bhɔ "ɛ soɔ 'dle 'a?

Luke 6:9

Zezu yua -lɔ bhulɛle- nɛɛ: Lo 'yɔbhɔ lɛ 'anye. -Gbajɛzle, 'wa yi bhɔ 'nyɔkpɔ -li 'na -li 'wli no, -mɔ, 'wa yu bhɔ -nyɛnye 'wli no? 'Wa yi bhɔ 'nyɔkpɔ fuɔ -mɔ 'wa yu 'lɔbhɔ?

Zezu Kli 'na 'Denaade ‑ye Zaa kɛle‑ ne lɛ 2:25

'Ɔ "ne 'yɔbhɔ -gbɔ wa -sɔlo nɛ 'nyakpa 'na 'de, "naa-, 'ɔyi 'ɔ -yi 'nyɔkpɔ 'na dle -pɔ -sɛ zɛ.

Zezu Kli 'na 'Denaade ‑ye Zaa kɛle‑ ne lɛ 21:17

"Ku ta -dɛku, "ne Zezu yu -lɔ lo 'yɔbhɔ nɛɛ: «Simɔ, Zaa yowli, -e -wa bhɔ -ame 'a?» "Ne Piɛle yi -lɔ "klo nyɛne, "naa- 'ɛnɛɛ "ku ta -dɛku 'ye Zezu 'yɔbhɔ -lɔ lo -gbɔ «-e -wa bhɔ -ame -a?» "Ne 'ɔ yi -lɔ no nɛɛ: «Anyinɛnyɔ, -e -yi -li 'klekle 'na 'sɛ, zaa, -e -yi 'se 'sɛ nɛɛ 'e -wa -eyi ne.» "Ne Zezu yu -lɔ bhulɛle- nɛɛ: «Zaa, lia- -kɛ 'na wlia.»

Zezu Kli 'na 'Denaade ‑ye Zaa kɛle‑ ne lɛ 9:4

-Ye zle -gɛ -mlɛ ne, -a -ya no -ɔ -lebhe -ame -wɛ 'na libhɔ. -Mɔ, titiɛ kɛ -la -yi, 'nyɔkpɔ -ka -la libhɔ no.

Nonoli 20:24

-Mɔ -ame, 'neɛ zikpɛ ne, 'ɛ "ne -bɛɛ' "me -ko. -Mɔ 'ɛnɛɛ -ye 'e 'yɔbhɔ lɛ 'tiaa, 'ɛ -leɛ 'e no Anyinɛnyɔ Zezu 'na libhɔ 'ye 'ɔ 'je- -ame kɔ -wɛ -se 'e -sɛ 'wli, zaa Anyinɛnyɔ Zezu 'na libhɔ -ye 'ɔ 'no -gbɔ 'e no -wɛ, 'ɛyi 'ye 'e no -lɔ, -ɛɛ -noɔ -lɔ -gbɔ To Lagɔ 'na 'Denaade, "ne 'ɔnɛɛ 'ŋwanade -wɛ 'e -sɛle -glonya.

Nonoli 26:26

-Klɔgbɔnyɔ -ye 'e 'nyegbe 'yliku "ne 'e bhulɛ ne -yi "ɛ -li -wɛ 'klekle za sɛ. 'Ɛza 'e bhulɛ -lɔ 'dlekukɛlesɛ 'ɔyi 'yliku. 'E -cɛ 'dleku -gbɔ 'ɔ -yi -li -wɛ 'klekle za sɛ, sɛko -wɛ, -bɛɛ' 'na -ɛ zizɔ- "ku 'ye 'ɛ "ne -noɔ.

Filiponya 1:28

'E yi 'lelee 'sɛ yibhlele- -gbɔ 'a "ne "gu 'anyɛɛ -gblenya -gɛ: 'Ɛɛ "kɛ -lɔ -gbɔ "ne 'wa "kɛ -lɔ 'luɔ- -gbɔ "kwlɛ 'wa bhli -lɔ. 'Anyɛɛ dɛku 'ɛɛ "kɛ -lɔ -gbɔ "ne 'a "kɛ -lɔ 'sɛ yibhlele- -gbɔ 'wanɛɛ "kwlɛbhliɛ "ne 'anyɛɛ "popoɛ Lagɔ "me 'ye 'ɛ 'bhale -lɔ. 'Ɛyi 'klekle Lagɔ "me 'ɛ 'bhale -lɔ.

Eblenya 4:13

-Ɛ zizɔ- "ku Lagɔ za -wɛ "ne -le. 'Ɔ 'ye -li 'klekle 'ylime. "Ne 'ɔ -yi 'ye -a "kɛ -lɔ 'de -sɛle.

1 Piɛle 4:1

Klise 'gbapele- 'ɔnɛɛ ku "me. Zaa, 'anye 'lelee, 'ɛ ko sɔbhɔ 'anye 'wlime -gbɔ 'a yi 'gbape -me: 'Klecɛnyɔ -ɔ 'gbapele 'ɔnɛɛ ku "me Zezu Kli za -wɛ, 'ɔ 'tale- 'nyinyonoli 'yi. 'Anyɛɛ dɛku, "ɛ 'dlepɔsɛ -wɛ, 'anyɛɛ 'togweli 'ye 'ɛ "kɛ -lɔ "zo.

'Ylikloylɛleweli 2:23

'E yi 'lelee 'ɔnɛɛ yua 'lɔbhɔ "ne 'wa 'yi ku, -se Lagɔgligbɛ 'klekle "kɛ 'sɛ yibhlele- -gbɔ -ame, "mɔ yibhlele -lɔ 'nyakpa 'klekle 'na 'dlepɔsɛ, "ne -ɛ -koa 'dlezɔ, "ne -ɔkɔkokɔko 'na -ye 'ɔ no -wɛ 'na 'peɛleɛ 'ye Lagɔ "kɔ -lɔ kɔ 'je.