Luke 6:49 - Nouveau Testament bété de Gagnoa

⁴⁹ -Mɔ, 'nyɔkpɔ 'na -ɔ 'no 'na weli "me, "ne 'ɔ "ne "zo 'plome -wɛ, 'ɔ -ko sɛgbɛɛ 'nyɔkpɔ 'na -ɔ 'sɔbhɔ- -bhudu, "ne -ɔ ne 'tee 'bhlu-: Zaa, 'ŋu -lɔbhɔ, 'ɛ -gbisiɔ "ne 'ɛ -sɛ "ɛ -bhudu -wɛ glu "ne 'ɛ yi -lɔ bhli-, -bɛɛ' 'na yɛ -bholo "ne lɔbhɔ -to kplokplo.

Luke 6:49 Iomraidhean Croise

Matie 23:3

-Ye 'wa bhulɛ -wɛ 'a "zo -kɛ 'plome, -se -ye 'wa bhulɛle 'anye 'klekle -wɛ 'a 'no, -mɔ, 'a te kɛ 'wanɛɛ -li no, sɛko -wɛ, 'wa bhulɛ -kɛ "fu, -mɔ 'wa "ne no -kɛ -ye 'wa bhulɛ -wɛ.

Matie 24:10

"Ne 'nyakpa -kwleyia 'na -wa -kɛ nɛ Lagɔ 'dleku -wɛ, yi 'ce 'ɔ lo -sɛ. 'Wa yi 'ce ylo 'nonole-, "ne 'wa yi 'ce 'gblegblele-.

Malke 4:17

-Mɔ, Lagɔweli "noa -kpulu "me -mile, zaa, kɔ 'ye 'wa 'bheliɔ -lɔ cuu. 'Ɛnɛɛ 'ylime, 'wa "koa Lagɔweli za 'gbapea-, "ne 'wa "koa "nyɛzezia- ne, keyi 'wa glɛɛ -lɔ cuu.

Luke 12:47

'Kulɔbhɔnyɔ 'na -ɔ -yi -ye 'ɔnɛɛ "Bhenyɔ 'yɔbhɔ "ne 'ɔ no -wɛ, 'ɔ yu 'lɔbhɔ kple nu.

Luke 19:14

-Mɔ, 'ɔ 'luku 'na 'nyakpa 'wa "no "me za, 'wa lebhelo lɔ 'nyakpa "ku nɛɛ: -A "ne 'yɔbhɔ -gbɔ 'ɔ 'kamale- 'anye.

Luke 19:27

Zaa, 'ɛ kɛ 'neɛ -gblenya, -wa "ne nɛ "ku 'ŋunu- -gbɔ 'e 'kamaloa- nɛ -wɛ, 'a -nɛmoa -dɛne, -se 'a 'diloa -ame 'yliku 'wli "ku.

Luke 6:46

Sɔɔbɛɛza 'a la bhɔ -ame Anyinɛnyɔ, Anyinɛnyɔ "ne 'a "ne no bhɔ -see 'e lɛ -wɛ 'a?

Luke 6:48

'Ɔ -ko sɛgbɛɛ 'nyɔkpɔ 'na 'ɔ sɔbhɔ -bhudu. 'Ɔ -bhlu "sɔkɔ 'na -ɛ tlo "me, 'ɔ gilɛ- 'ɛnɛɛ -kpulu 'tiyi "klo. 'Ŋu -lɔbhɔ, 'ɛ -gbisiɔ "yitɛ "ku. 'Ɛ -ylɛle -bhudu yɔko, -mɔ, 'ɛ "ne glu -sɛ. 'Ɛ 'sɔbhɔ- 'tee -zɛ.

Luke 7:1

Zezu "kɛ 'ɔnɛɛ weli 'nyakpa 'yliku bhulɛle- "bhuɔ ne, Kafanaɔme 'ye 'ɔ -me -lɔ.

Zezu Kli 'na 'Denaade ‑ye Zaa kɛle‑ ne lɛ 15:2

Klɛ 'klekle 'na -ɛ -glɛ -ame 'glɛ "ne 'ɛ "ne tlo bhi -wɛ, -ame To "ku 'ye 'ɔ 'di -lɔ. "Ne klɛ 'klekle 'na -ɛ tlo bhi -wɛ, 'ɔ tɛle 'tee -se 'ɛnɛɛ bhi "kɛ zimale- 'yiɛ-.

Nonoli 20:29

-Mɔ, 'e -yi -sɛ -gbɔ, 'e "kɛ 'anye yɔko 'bha ne 'nyakpa -wa -ko sɛgbɛɛ 'slukua -wɛ yi 'anye 'glɛme -plɛ. "Ne 'wa -ka 'ce Lagɔ 'na wlia 'na -zakpɛ "ku 'tle-.

Nonoli 26:11

Zufonya 'na "mebhubhɔlebhudu -wɛ klekle "me, 'ye 'e ylɛle 'awɔ -lɔ, "ne 'e 'kpla- 'awɔ -lɔ 'klecɛnya -gbɔ 'wa ziɛ- Zezu Kli 'na 'tɔ 'dii, -se 'wa nyimɔ- 'ɔnɛɛ 'tɔ. 'Kɛle 'lɔbhɔ nɛ -ame "yitɛ "ku 'wanɛɛ za, 'ɛza 'e moa -lɔ 'sa -ka mɛne 'na 'du ne "me -kaa 'lowlime.

1 Tesalonikenya 3:5

'Ɛnɛɛ za, 'e "ne nɛ -da 'bhɛle- -se 'e "kɛ wo. "Ne 'e yi -lɔ Timote 'lebhe- -se 'ɔ "kɛ 'anyɛɛ 'dlekukɛleɛ 'na 'de -ame -sɛle. 'E gu nɛ -bɛɛ' -bholo -gɛ zɛ. "Mebeanyɔ -no -ka -lalɛce 'anye ylo, -a te nɛ -kɛ "fu kɔ ylɔ- zɛ.

2 Piɛle 2:20

-Wa -yi Anyinɛnyɔ "ne -anyɛɛ 'Fuɔnyɔ Zezu Kli, 'wa 'bha- zikpɛ ne "ku 'na -li -nyɛnye 'beku, -mɔ 'wa kɛ 'wayi 'yi 'tale- ne, 'ɛ -koa "kusɔ 'wlime -gblile ne, 'wayi -wɛ 'wanɛɛ zikpɛ yi -gbeyi "zo "ne 'ɛ yi -watɔ -nɛ "ku 'zi.

1 Zaa 2:19

"Ɛ 'nyakpa -wɛ, -anyɛɛ -gligbɛ "me 'wa 'bhale -lɔ, -mɔ, 'wa "ne nɛ -a "nowlia 'waa, -mɔ. 'Wa kɛ nɛ -anyɛɛ -gligbɛnya 'waa ne, 'wa yi nɛ -anye 'glɛme to-. -Dɛmeda, 'ɛ -ko gbɛklɛklɛ: "Ɛ 'nyakpa -wɛ "ne nɛ -anyɛɛ -gligbɛnya 'waa.