Luke 6:45 - Nouveau Testament bété de Gagnoa

⁴⁵ 'Nyɔkpɔ kɛ 'nɛne, -li 'na "namanɔ -ɛ 'yiɔ- 'dlezɔ -wɛ 'ye 'ɔ 'wlɛ -lɔ zɔ. 'Nyɔkpɔ kɛ "nyɛnye yɔ ne, -li -nyɛnye -ɛ 'yiɔ- 'dlezɔ -wɛ 'ye 'ɔ 'wlɛ -lɔ zɔ.

Luke 6:45 Iomraidhean Croise

Zezu Kli 'na 'Denaade ‑ye Zaa kɛle‑ ne lɛ 7:38

"Naa- sɛne 'ye Lagɔbɔgo -gbɔ -lɔ nɛɛ: 'Nyɔkpɔ 'na -ɔ kɛ -ame 'dleku -kɛ, 'ŋuwli "yitɛ yu 'ce 'dlezɔ 'plele.»

Nonoli 5:3

Lɔbhɔ 'ye Piɛle -no -lɔ nɛɛ: «Ananiaase, sɔɔbɛɛza Sata -plɛ bhɔ soɔ -eyi 'dlezɔ 'a? -E -wlɛle Zuzu Wlewle yo yɔko. Dodo -ye -e 'pɔ- 'pɔlo "ku -wɛ 'na 'dlasi, -e zizi- 'ɛ 'cibhɛ.

Efɛzenya 3:8

-Ame Pɔle, 'mɔɔ -noɔ -lɔ 'klecɛnya 'klekle 'na 'glɛme 'na yu yɔ. -Mɔ 'ɛ -ko "ɛ -soɔ "ne 'e -yle lɛ -jɔlo ne: 'E "kɛ -wa "ne zufonya 'waa -wɛ Klise 'na -klɔgbɔ -ɛ "ne "nenidɛ -kɛ -wɛ 'na 'de -sɛle.

Efɛzenya 4:29

Weli -nyɛnye 'na yɛ -bholo te -kɛ -la 'anye 'nu 'bhale-. 'A bhulɛ weli 'na -ɛ -kɛ bhulɛsɛ, "ne 'ɛ "kɛ -bedia kwɛle-, "ne 'wa "kɛ 'dlekukɛleɛ "me 'kpɔmale -wɛ, "ne 'ɛ no -wa -fo 'anye 'yukwli -li 'na -li 'wli -wɛ.

Efɛzenya 5:19

'A bhulɛ 'gɔme Some "me, Lagɔ 'na lo, Lagɔ 'na zozo lo -ɛ 'bhale Zuzu Wlewle "me -wɛ, 'a 'dile Anyinɛnyɔ lo keyi -se 'a 'kwɔ 'ŋlu 'anyɛɛ 'dle 'klekle "me.

Kolɔsenya 3:16

Klise 'na weli -ko 'anye 'glɛme, 'ɛ -nyɛ 'ɛnɛɛ -klɔgbɔ 'klekle "bhaa. 'A 'sloasloale 'ylimeyamalesɛ, -se 'a "zozole 'de "me. 'A 'bhɛle- Lagɔ 'anyɛɛ 'dle 'klekle zɔ, 'a bhle lo: Some, Lagɔ -lo 'na -ye 'a 'wɛlɛ- 'ayigɛsɛ -wɛ "ne lo -ye Zuzu Wlewle pɔ 'anye -gwe "ku -wɛ.

Kolɔsenya 4:6

-Se, 'anyɛɛ bhulɛweli 'piɛ 'dle -duku, 'ɛ 'lele- 'ŋwanaku. 'A -sɛ -ɔkɔkokɔko 'na weli keyi 'tee.

Eblenya 8:10

'Ɛ -ko "ɛ -soɔ, -mɔ Anyinɛnyɔ 'pɔ- lɔbhɔ 'cibhɛ ne: "Ɛ 'yli -wɛ "kɛ 'ple- "bhuɔ ne, 'mɛnenoɛ 'ye 'e -nyɛ Izlayɛleyua "bhaa -a "kɛ "me -ko ne lɛ: 'E yua "nanoɛ "nyɛ -se 'wa "kɛ 'neɛ -lɔ -wɛ 'wɔ yibhlele-. 'E yua 'dlezɔ 'kɛle. 'E yi 'wanɛɛ Lagɔ "zo "ne 'wayi, 'wa yi 'neɛ 'nyakpa "zo.

Zude 1:15

-Se 'ɔ "kɛ -glɔnya 'klekle gbobhlele-. 'Ɔ yi 'nyakpa -gbeyia 'klekle gbo 'wlime gbli 'wanɛɛ jɛzloli -ye 'wa -no 'wli -wɛ za. 'Ɔ yi 'nyinyonolinonya 'na 'bhabhanoa -wɛ 'gbapea-, 'yli -ye 'wa 'ylu- -wɛ za.»