Luke 6:30 - Nouveau Testament bété de Gagnoa

³⁰ -Ɔ kɛ -eyi zlɛ, "nyɔ. -Ɔ kɛ -neɛ' -bɛɛ' "ku libhi-, te no -gbɔ 'ɔ 'je -eyi kɔ.

Luke 6:30 Iomraidhean Croise

Matie 18:35

"Ne Zezu yi -da -lɔ nunɛ 'wli -sɛ -gbɔ nɛɛ: «Soɔ -ame To -ɔ -ko "nɔgɔ "me -wɛ "kɛ -lɔ 'anye "sa, 'a "mɔ 'aluyu 'na "nyɛnye 'yi 'tale- 'dlewɔtɛ "me.»

Matie 5:39

-Mɔ -ame 'e bhulɛle 'anye nɛɛ: -Ɔ -gble -eyi -wɛ 'to -kɛ gble -me, -mɔ -ye 'a "kɛ lɛ no -tiaa 'ɛɛ ne lɛ: 'Nyɔkpɔ kɛ -neɛ' lilikwlɛ -takpe kwlɛ 'pɔ-, tuɔ- -me 'lelee kɔpɛ -takpe.

Matie 6:12

'Tale- -anyɛɛ "nyɛnye -ye -a no -eyi 'wli -wɛ 'yi, -see -anye 'nabhɛ -a 'tale "nyɛnye -ye -alua -no -anye 'wli -wɛ 'yi.

Luke 11:41

Zaa, -ye -a -kɛ -wɛ, 'a 'nyɛ 'alua -se 'a "kɛ 'wlele ko.

Luke 12:33

«'A 'pɔ -ye 'a -kɛ -wɛ 'pɔlo "ku, -se 'a "nyɛ 'ɛnɛɛ dlɛ "nyɛzenya. 'A 'nɔŋo ziziledɛ 'na -ɛ -ka nyimɔ gou -wɛ. 'Kamalezikpɛ 'na -ye 'a "kɛ "nɔgɔ "me ylele "ne 'winya -cɛ kɔme, "ne ŋɔnoa -cɛ li -wɛ.

Luke 18:22

"Ɛ 'nyɔkpɔ "kɛ bhulɛ "bhuɔ ne, "ne Zezu yu -lɔ no nɛɛ: «'Ɛ -to "bhle -bɛɛ' -bholo 'na -ye -e "ne lɛ -no ne. Me, -se -ye -e -kɛ -wɛ 'pɛ 'pɔlo "ku. -Se 'ɛnɛɛ 'dlasi -wɛ 'je "nyɛzenya kɔ -se -e "kɛ -kɛ "nɔgɔ "me 'na -klɔgbɔ yle. -E "kɛ 'ɛyi -wɛ kɔ -bhiɛ ne, yi -se 'gɛle- -ame.»

Luke 6:29

'Nyɔkpɔ kɛ -neɛ' -takpe kwlɛ 'pɔ-, tuɔ- -me 'lelee 'ɛnɛɛ "sɔ -nɛ. 'Nyɔkpɔ kɛ -neɛ' "meplakoti "ku libhi- ne, 'jo mo 'lelee -neɛ' "kupɔlokwi kɔ.

Luke 6:31

-Ye 'a 'yɔbhɔ -gbɔ 'wa no 'anyɛɛ za -wɛ, 'a no -me sɔbhɔ 'alua za.

Luke 6:38

'A "nyɛ 'alua -se Lagɔ "kɛ -kɛ 'anye "nyɛ me. 'Wa yi -neɛ' "me sɛlelemɔ 'yiɛ, 'wa 'yi "ku ko, 'ɛ "kɛ yɔko 'kwlile-. "Naa- -ye 'a wɔkɔle 'alua -nɛ "me -wɛ, 'ɛyi 'wa "kɛ 'ce -lɔ 'anye -nɛ "me 'wɔkɔle- -me.

Nonoli 20:35

'E 'sloa 'ce 'anye -godogodo, 'e nɛɛ: 'A no libhɔ -se 'e "kɛ 'nyɛzenya 'kwɛle, Anyinɛnyɔ Zezu Kli 'na 'ye 'ɔ bhulɛ 'ɔyigɛsɛ ne lɛ: "Nyɛnyɛɛ 'nɛne "ne -ɛ -zi -ye 'wa 'je -eyi kɔ -wɛ "ku.»

2 Kolɛtenya 8:9

"Naa-, 'a -yi Anyinɛnyɔ Zezu Kli 'na -jɔlo. 'Ɔyi, -klɔgbɔnyɔ, 'ɔ "zoa- 'ɔyi 'poɛnyɔ 'anyɛɛ za, -se 'ɔnɛɛ 'poɛ -wɛ "me, 'a "kɛ -klɔgbɔnya "zo.

Efɛzenya 4:28

-Ɔ 'yli nɛ 'wi -wɛ te kɛ -la 'wi 'yli, 'ɔyi 'ye 'ɔ "kɛ -lɔ kɔ gwele, "ne 'ɔ "kɛ -lɔ 'ɔyigɛsɛ 'na libhɔ no 'tee. 'Ɛ kɛ -soɔ -ko, 'ɔ yi 'ce 'nyɔkpɔ 'na -ɔ 'tɛle 'kwɛle-kwɛleɛ 'siɛ -wɛ "ku yi.