Luke 6:27 - Nouveau Testament bété de Gagnoa

²⁷ -Mɔ 'anye fo -ame 'yukwli ne, 'anye 'ye 'e bhulɛle sɛne: 'A wamale- 'anyɛɛ -gblenya, -se 'a 'noa 'nɛne 'wli.

Luke 6:27 Iomraidhean Croise

Malke 4:24

"Ne Zezu bhulɛloa nɛ 'lelee sɛne: «'A 'luɔle- -kɛ weli -ye 'a 'no -wɛ "ku! -Mee -e wɔkɔle -wɛ "bhle Lagɔ "kɛ -lɔ -neɛ' wɔkɔle- -me. "Ne -ye 'ɔ "kɛ 'anye "nyɛ -wɛ yi 'ce lɔbhɔ 'ple.

Luke 23:34

Zezu la- -lɔ sɛne nɛɛ: -A To, "pɔ -kɛ 'wanɛɛ nyɛzedle, -mɔ 'wa "ne -kɛ -ye 'wa no -yi. 'Wa "kɛ -kɛ 'ɔnɛɛ 'koti "ku 'libhi za "ne 'wa 'yi -lɔ -negbe "ku "pɔ.

Luke 6:22

'Ŋwɛnɛ "lɔbhɔ 'anye -sɔɔdɛku 'wa -gble 'anye, 'wa 'pɔ 'anye 'kwlɛ "me, 'wa 'yli 'anye, 'wa 'kpeti 'anye, "ne 'wa 'gbli 'anye gbagba -gbo 'wlime 'Nyɔkpɔ Yowli za -wɛ.

Luke 6:35

Zaa, 'a wamale- 'anyɛɛ -gblenya. -Se 'a 'noa 'nɛne 'wli. -Ye 'wa bho 'anye -wɛ, 'wa 'wlɛ- -se 'a te lebhe gwele keyi "zo. 'Anyɛɛ peɛloɛ yi 'ce 'kpɔmale-. "Ne 'wa "kɛ -lɔ 'anye "ku zi Lagɔ 'na yua la. "Naa- 'ɔ -ko 'nɛne konyinɛnya za, "ne -wa "ne yibhlele- 'nɛne -wɛ za.

Luke 8:15

'Ɛnɛɛ -ɛ -bhli dodo "namanɔ "ku -wɛ, 'naa -wa 'no- Lagɔ 'na weli "me 'dle "namanɔ kɔ "ne -wa -sule 'wayi "me -wɛ, 'waa- "kɛ -lɔ bhi tlo 'dlekutamaleɛ "me.

Luke 8:18

'A "luɔle- -kɛ -anyɛɛ 'yukwli 'fo -sɛ "ku, "naa-, sɛko -wɛ, -ɔ kɛ -wɛ, 'wa yu "nyɛ, "ne -ɔ "ne -kɛ -wɛ, 'tekeyi 'na -ye 'ɔ kɛ nɛ -kɛ, 'wa yu kɔ -sɛ.

Luke 8:8

"Ne 'ɛnɛɛ -bedi 'na -ɛ -bhli 'dodo 'na -dodo "ku -wɛ, 'ɛ 'wlo- zɔ "ne 'ɛ -tlo 'wlɛ 'na -kwleyi.» "Ne Zezu yi -lɔ "me 'kpa "yitɛ "ku, 'ɔ nɛɛ: «-Ɔ kɛ 'yukwli -kɛ, 'ɔ 'no -kɛ "me.»

Nonoli 10:38

"Ɛ Nazalɛte 'na Zezu -wɛ, 'a -yi 'se sɛ -gbɔ Lagɔ -ŋwɛnɛlo Zuzu Wlewle "me, "ne 'ɔ jo- 'se 'bhɛloɛ kɔ ne, 'ɛza, -mee 'ɔ -ylɛle 'klekle -wɛ, 'ɔ -no 'nɛne, "ne 'ɔ -yamalea 'nyakpa -ye zuzu -nyɛnyea lia 'yalɛ -wɛ, "naa-, Lagɔ "bhaa 'wa -kole "ku zɛ.

Nonoli 16:28

"Ne Pɔle yi -lɔ "me "kpa "yitɛ "ku: «Te "kɛ -eyi -nyɛnye no, -mɔ -anye 'klekle -a -ko -kɛ "bhle.»

Nonoli 7:60

"Ne 'ɔ yi -lɔ kokomini "pɔ, "ne 'ɔ yi -lɔ "me "kpa "yitɛ "ku. 'Ɔ nɛɛ: Anyinɛnyɔ, 'nyakpa -wa 'lɔbhɔ dɛ -ame ne, 'tale- -kɛ 'wanɛɛ 'nyinyonoli 'na gbo 'yi. 'Ɔ "kɛ bhulɛ- "bhuɔ ne, "ne 'ɔ yi -lɔ 'nyɔŋo bhli-.

Galatenya 6:10

Zaa, -a -ka -namlɛ "tɛnye -kɛ ne, -a no -li 'na -li -alua 'klekle za, -wa -kɛ me 'dleku -anyɛɛ sɛne -wɛ za -tiaa.

1 Tesalonikenya 5:15

-Se 'a kɛ lɔbhɔ -ko ne, 'kpɛsɛdɛ te 'ce 'anye 'dlezɔ ko, -mɔ, 'a tɛle- -li 'na -li 'na nonoɛ 'siɛ 'anye 'glɛme "ne 'nyakpa 'klekle 'glɛme.

3 Zaa 1:11

'Na -wawa 'tito, te -ɛ "ne 'nɛne -wɛ 'didale-, -mɔ, 'didale- -ɛ 'nɛne -wɛ. -Ɔ no 'nɛne -wɛ, Lagɔ -nɔ yɔ -lɔ, -ɔ no "nyɛnye -wɛ "ne Lagɔ -yi.