Luke 6:23 - Nouveau Testament bété de Gagnoa

²³ 'Ɛnɛɛ zle -wɛ 'a 'vluvlule- "me, 'a "kpa "me, 'a zigbɔ- 'ŋwɛnɛ za, "naa-, 'peɛleɛ "yitɛ -wole 'anye "nɔgɔ "me. Soɔ -ye 'wa 'to 'wɔ 'sa- 'awɔ -lɔ "guɔkwɔmenya.

Luke 6:23 Iomraidhean Croise

Matie 5:12

'A 'vluvlule- "me, 'a "kpa "me 'ŋwɛnɛ za, "naa-, 'peɛleɛ "yitɛ -wole 'anye "nɔgɔ "me! "Ɛ soɔ 'wa -zia 'awɔ -lɔ bhlɛme "guɔkwɔmenya 'nyɛze.»

Luke 1:41

Elizabɛte "kɛ Mali 'na bhɛleweli "me 'no ne, 'ɔnɛɛ 'mene 'na yu kɔ 'ye 'ɔ -zuzuɔ -lɔ 'ŋwɛnɛ za, "ne Zuzu Wlewle yi -lɔ Elizabɛte "ku 'kwlile-.

Luke 1:44

"Naa-, -ye 'e 'no- -neɛ' bhɛleweli "me -wɛ, 'neɛ 'mene 'na yu -zuzuɔ kɔ 'ŋwɛnɛ za.

Luke 6:35

Zaa, 'a wamale- 'anyɛɛ -gblenya. -Se 'a 'noa 'nɛne 'wli. -Ye 'wa bho 'anye -wɛ, 'wa 'wlɛ- -se 'a te lebhe gwele keyi "zo. 'Anyɛɛ peɛloɛ yi 'ce 'kpɔmale-. "Ne 'wa "kɛ -lɔ 'anye "ku zi Lagɔ 'na yua la. "Naa- 'ɔ -ko 'nɛne konyinɛnya za, "ne -wa "ne yibhlele- 'nɛne -wɛ za.

Nonoli 14:10

'ɔ yu -lɔ 'gbo 'dile "yitɛ "ku nɛɛ: «-Sɔ "ku -se "nyegbele- 'ya -gbii.» "Ne "ɛ 'nyɔkpɔ yi -lɔ "ku -sɔ -vaa, "ne 'ɔ yi -lɔ 'nɔŋo.

Nonoli 3:8

"Ne 'ɔ yi -lɔ "ku -sɔ -vaa, "ne 'ɔ yi -lɔ 'nɔŋo, "ne 'ɔ -nyɛ Piɛle "ne Zaa "bhaa, 'wa yi -lɔ "ɛ "Mebɔbɔlebhudu "me plɛ. "Ɛ 'gwizinyɔ 'nɔŋo, 'ɔ "vluvlule "me, "ne 'ɔ yi -lɔ Lagɔ 'ŋlu 'kwa-.

Nonoli 5:41

"Ɛ "kɔlepɔnya, 'ŋwɛnɛ 'lɔbhoa "ne 'wa yi -lɔ "ɛ gbobhle-zejilɛ "ku 'bha- "naa-, -see 'wa -zua nɛ 'nyɛze Zezu 'na 'tɔ "me -wɛ "kpɔmaloa- nɛ "ku.

Wlomɛnya 5:3

-Ɛ -le 'lelee -anye 'ŋwana "ku -noɔ -lɔ -anyɛɛ gbapegbapeɛ yɛ. Sɛko -wɛ, -a -yi 'lelee 'sɛ nɛɛ gbapegbapeɛ 'nɛme -lɔ 'dle 'na "bhle 'piɛ,

2 Kolɛtenya 12:10

'Ɛ soɔ za, 'e 'nɛne -ayi -gɛ, 'kwɛme yɔleɛ "me 'yliyliɛ, 'kplɛkplɛɛ, 'gbape 'ye 'wa -gbapea -ame -wɛ "ne 'nyɔŋokuloɛ -ye 'e no Klise za -wɛ! 'E 'ŋunu 'ɛ gbo 'ŋwɛnɛsɛ. "Naa-, 'kwɛme -ka -ame yɔle-, lɔbhɔ -wɛ 'ye 'kwɛme "tamale -lɔ -ame -tiaa.

Kolɔsenya 1:24

-Dɛmeda, 'ŋwɛnɛ lɔbhɔ -ame -ye 'e 'gbape 'anyɛɛ za -wɛ. "Naa-, 'neɛ ku "me, 'e 'gbape -me -nazɛ Klise 'na -see 'ɔ 'gbape 'yiɛ -wɛ 'ɔnɛɛ ku za, 'ɛ sɛ zɔ nɛɛ: Lagɔgligbɛ za.

2 Timote 2:12

Klise "bhaa -a kɛ 'gɔme gbapele- ne, -a yi 'ce 'gɔme -klɔgbɔ 'pɔle. Zaa, -a kɛ 'ɔ lo -sɛ ne, 'ɔyi 'ce 'lelee -anyɛɛ lo -sɛ -me.

Eblenya 11:26

Ezipte 'na -klɔgbɔ 'kpɔ- 'awɔ. -Mɔ, Moyize 'na dɛku, 'wa "kɔ 'yli-, ŋwlɛŋwlɛyu 'na -see 'wa "kɔ 'yli- -wɛ, 'ɛ 'kpɔ "ne 'ɛ zi "ku. "Naa-, 'yuku 'ye 'ɔ wlo 'awɔ lɛ -ce, -me 'peɛleɛ -ɛ "kɛ yi -ko -wɛ.

Eblenya 11:6

'Nyɔkpɔ "ne 'bhɛle "ne 'ɔ "kɛ Lagɔ -gɛ namale-, 'ɔ "mɔ 'dleku -kɛ ne. -Ɔ 'nyiɔ Lagɔ yɔko 'na -ye 'ɔ "kɛ 'dleku kɛle- ne lɛ: Lagɔ -le, "ne 'ɔ 'peɛle -wa 'tɛlo siɛ -wɛ.

Zake 1:2

-Nyɔsɔwanye, 'a kɛ 'kplɛkplɛɛ "me -ko ne 'ŋwɛnɛ 'lɔbhɔ 'anye.

1 Piɛle 4:13

-Mɔ, 'a kɛ -diɛnadiɛ Klise 'nasɛ 'gbape ne, 'ŋwɛnɛ 'lɔbhɔ 'anye. 'Naa-, 'ɔnɛɛ 'ŋlu kɛ zɔ 'wlo-, 'ŋwɛnɛ yi 'ce 'anye 'lɔbhɔ, "ne "ɛ 'ŋwɛnɛ -wɛ yi 'ce 'anye "ku yiɛ -blɛblɛ.

'Ylikloylɛleweli 2:17

'Ɔ kɛ 'yukwli -kɛ, 'ɔ 'fo -ye Zuzu Wlewle bhulɛle Lagɔgligbɛ -wɛ 'wɔ 'yukwli! -Ɔ -to 'wliku -wɛ, 'e yu lilɛ -ye 'wa la mane -ɛ zizɔ- "ku -wɛ "nyɛ. "Ne 'e yu 'lelee 'tiyi 'fɛɛ kɔ 'je. "Ɛ 'tiyi -wɛ 'tɔ 'lele kɛleɔ- "klo, "ɛ 'tɔ -wɛ 'nyɔkpɔ "ne -yi, 'ɛ "mɔ -ɔ -yle "ɛ 'tiyi -wɛ yɔ.»

'Ylikloylɛleweli 2:26

-Wa "kɛ 'ce 'neɛ "ku lɔbhɔgbo "ku 'ŋunu- -kaa zikpɛ 'na "kubhiɛɛ, 'wa 'nya -wɛ 'waa- -to -lɔ 'wliku, 'e yua 'ce 'bhɛloɛ -ye 'a To 'je- -ame kɔ -wɛ "nyɛ, "ne 'ɔ yi 'nyakpa 'klekle 'na "bhenyɔ "zo, "ne 'ɔ yua -glasɛ 'slu-. "Ne 'wa yua "ku 'bhia-, sɛgbɛɛ mɛ 'na -slɔ 'wa -wlɛ, "ne 'e yua zegbakpɔzeli kɔ 'je.

'Ylikloylɛleweli 2:7

-Ɔ kɛ 'yukwli -kɛ, 'ɔ fo -ye Zuzu Wlewle bhulɛle Lagɔgligbɛ 'wɔ -wɛ 'yukwli! -Ɔ kɛ 'wliku 'to-, 'e yu 'ce subhi -ɛ 'nyɛ zikpɛ "ne -ɛ -ko Lagɔ 'na 'laabhueyi "me -wɛ kɔ 'je -se 'ɔ 'cɛ li.»

'Ylikloylɛleweli 21:7

'Wlikutonyɔ yi 'ce "ɛ 'gugbɛ ne yle -me, "ne 'e yi 'ce 'ɔnɛɛ Lagɔ "zo, "ne 'ɔ yi 'ce 'neɛ yu "zo

'Ylikloylɛleweli 3:12

'Nyakpa -wa -to 'wli "ku -wɛ, 'e yua 'neɛ "mebɔbɔle-bhudu "me "zo sɛgbɛɛ 'gblɛ "ne 'wa -ka 'ce "bhle zɔ 'wlo gou. "Ɛ -wa -to 'wli "ku -wɛ, 'e yua 'ce 'neɛ Lagɔ 'na 'tɔ -nyɛ 'ɔnɛɛ 'du 'na 'tɔ "bhaa "klo kɛle. "Ɛ 'du -wɛ, Zeluzalɛme -lele -ɛ 'bhale "nɔgɔ "me 'neɛ Lagɔ yɔko -wɛ yɛ -lɔ. 'Wayi, 'e yua 'lelee 'neɛ 'tɔ lele -ye 'e -yle -wɛ "klo 'kɛle.

'Ylikloylɛleweli 3:5

Sɔbhɔ, -ɔ -to 'wliku "kɛ -lɔ "koti 'fɛɛ 'slu-, 'ɔnɛɛ 'tɔ -ɛ kɛleɔ- zikpɛ 'na "bɔgo "me -wɛ, 'e -cɛ "ku 'titli, -ame To 'yli "ku, "ne 'ɔnɛɛ "nɔgɔzilia 'yli "ku, 'e yu yibhlele- -gbɔ 'nyɔkpɔ ne 'neɔ yɔ -lɔ.