Luke 6:21 - Nouveau Testament bété de Gagnoa

²¹ 'Ŋwɛnɛ "lɔbhɔ 'anye -ye ŋɔŋo 'lɔbhɔ -dɛme ne, 'a yi 'ce lo. 'Ŋwɛnɛ "lɔbhɔ 'anye -wa tu -dɛme ne, 'a yi 'ce gɛlɛ si.

Luke 6:21 Iomraidhean Croise

Matie 5:4

-Wa 'tu -wɛ, 'ŋwɛnɛ "lɔbhoa-, "naa-, Lagɔ yua 'ce 'ylime siɛ.

Matie 5:6

'Ŋwɛnɛ "lɔbhɔ -ye ŋɔŋo "ne 'ŋuto 'lɔbhɔ Lagɔ 'na "meŋwinɛlezikpɛ za -wɛ, "naa-, 'wa yi 'ce lo!

Luke 1:53

Ŋɔŋolɔbhɔnya -plɔkɔle -me -la -za. "Ne -klɔgbɔnya 'biti 'kwlɛ "ne 'ɔ yua 'kpeti-.

Luke 6:20

"Ne Zezu yi -lɔ 'ɔnɛɛ gɛlenya "ku wolo-, 'ɔ nɛɛ: 'Ŋwɛnɛ "lɔbhɔ 'anye 'nyɛzenya, "naa-, Lagɔ 'na 'Kamalezikpɛ 'anye nɛ yɛ -lɔ.

Luke 6:22

'Ŋwɛnɛ "lɔbhɔ 'anye -sɔɔdɛku 'wa -gble 'anye, 'wa 'pɔ 'anye 'kwlɛ "me, 'wa 'yli 'anye, 'wa 'kpeti 'anye, "ne 'wa 'gbli 'anye gbagba -gbo 'wlime 'Nyɔkpɔ Yowli za -wɛ.

Luke 6:25

'Anye -lo klekle -dɛme -wɛ, 'kpilɛkpilɛ 'ye 'a lale -lɔ 'ayi "ku, ŋɔŋo yi 'ce 'anye 'lɔbhɔ, kpilɛkpilɛ 'ye 'a lale -lɔ 'ayi "ku, 'anye si dɛme -wɛ, 'a yi 'ce gbudu 'wuɔ "ne 'a yi 'ce tu.

Zezu Kli 'na 'Denaade ‑ye Zaa kɛle‑ ne lɛ 11:35

"Ne Zezu yi -lɔ 'tu.

Zezu Kli 'na 'Denaade ‑ye Zaa kɛle‑ ne lɛ 4:10

"Ne Zezu yu -lɔ bhulɛle- nɛɛ: «-E kɛ nɛ Lagɔ 'na -jɔlo -yi, "ne -e kɛ nɛ -ɔ zlɛ -eyi 'ŋu -wɛ -yi, -eyi -mɔɔ "kɔ nɛ -lɔ zɛlɛ-, "ne 'ɔ "kɛ nɛ -lɔ -eyi 'ŋu 'na -ɛ 'nyɛ zikpɛ -wɛ kɔ 'je.»

Zezu Kli 'na 'Denaade ‑ye Zaa kɛle‑ ne lɛ 6:35

"Ne Zezu yua -lɔ bhulɛle- nɛɛ: «"Ɛ "fɔlɔ -ɛ 'nyɛ zikpɛ -wɛ, -ame yɔ -lɔ. -Mɔ, 'nyɔkpɔ kɛ -ame -gɛle ne, ŋɔŋo -kɔ 'ce 'lɔbhɔ, "ne 'ɔ kɛ -ame 'dleku -kɛ, 'ŋuto -kɔ 'ce 'lɔbhɔ gou.

1 Kolɛtenya 4:11

-Kaa -dɛme ne, ŋɔŋo -nyɛ 'ŋuto "bhaa lɔbhɔ -anye, "ne -a "ne "meplakoti -kɛ. 'Wa no -anye "nyɛnye 'wli, "ne -a "ne 'bhɛle- "ne -a "kɛ 'dɛ 'bhle 'gli.

2 Kolɛtenya 11:27

'E -no libhɔ 'na -ɛ 'kpla kpɛnyee -wɛ "ne -zle -wɛ yi "ne 'e -ka 'ŋɔŋo. Ŋɔŋo "ne 'ŋuto 'lɔbhɔ -ame, "ne 'e -ko lɔbhɔ "ne -ye 'e "kɛ li -wɛ -ka 'yleɔ-, wɔtlɔ lɔbhɔ -ame "ne 'e -ka "meplakoti yle-.

2 Kolɛtenya 12:10

'Ɛ soɔ za, 'e 'nɛne -ayi -gɛ, 'kwɛme yɔleɛ "me 'yliyliɛ, 'kplɛkplɛɛ, 'gbape 'ye 'wa -gbapea -ame -wɛ "ne 'nyɔŋokuloɛ -ye 'e no Klise za -wɛ! 'E 'ŋunu 'ɛ gbo 'ŋwɛnɛsɛ. "Naa-, 'kwɛme -ka -ame yɔle-, lɔbhɔ -wɛ 'ye 'kwɛme "tamale -lɔ -ame -tiaa.

2 Kolɛtenya 6:10

'wa 'gbɔ "ne -a -nyɛne "klo, -mɔ, 'ɛ -ko "ɛ -soɔ "ne 'dlezɔ 'nɛne -anye yiɛ. 'Wa -kɛ 'dleku -gbɔ 'poɛnya 'ye -a -noɔ, "ne -anye 'gbɔ -lɔ "ne 'nyakpa -kwleyia "zo -lɔ -klɔgbɔnya, 'wa -tɔle -gbɔ -a "ne -bɛɛ' -kɛ, "ne -anye -kɛ -lɔ -li 'klekle!

Zake 1:12

'Ŋwɛnɛ 'lɔbhɔ 'se 'nyɔkpɔ 'na -ɔ "ne bhlile- "mebeamɔ, "ne 'ɔ "tamalea 'ɔyi 'kwɛme -wɛ. "Naa-, 'ɔ kɛ 'ɔnɛɛ -kosɛ "namanɔ 'nyakpa 'ylime 'tua ne, 'ɔ yi 'ce zikpɛ yle. Lagɔ 'na 'peɛleɛ -ye 'ɔ no -gbɔ 'ɔ "kɛ -wa "zo- 'wanɛɛ 'ŋwɛnɛ "me kɔ 'je -wɛ yɛ -lɔ.

'Ylikloylɛleweli 21:3

"Ne 'e yi -lɔ weli "yitɛ 'no, 'ɛ 'bhale 'leyli-gbɔglo "me, 'ɛ nɛɛ: -Dɛmeda Lagɔ 'na glidɛ -ko 'nyakpa 'na jijɛ "ku, 'ɔ -nyɔ 'wɔ "bhaa 'wa "kɛ "ku 'glile- -se 'wa "kɛ 'ɔnɛɛ 'nyakpa "zo. Lagɔ 'nabhɛ "bhaa 'wa yi "ku 'glile- "ne 'ɔ yi 'ce 'wanɛɛ Lagɔ "zo

'Ylikloylɛleweli 7:16

Ŋɔŋo -koa 'ce 'lɔbhɔ, 'ŋuto -koa 'ce 'lɔbhɔ, ylo -koa 'ce 'lɔbhɔ, "ne sinɔ -koa 'ce 'lɔbhɔ.