Luke 6:20 - Nouveau Testament bété de Gagnoa

²⁰ "Ne Zezu yi -lɔ 'ɔnɛɛ gɛlenya "ku wolo-, 'ɔ nɛɛ: 'Ŋwɛnɛ "lɔbhɔ 'anye 'nyɛzenya, "naa-, Lagɔ 'na 'Kamalezikpɛ 'anye nɛ yɛ -lɔ.

Luke 6:20 Iomraidhean Croise

Matie 11:5

-Kpelɔbhɔnya 'ye 'siɛ, "ne bhogbeyibhlinya 'nɔŋo, 'Zlɛlɔbhɔnya yamale "ne 'yukwligbɔgbɔnya 'no 'gbo, 'kwia 'wlo gluzɔ, 'nyɛzenya 'no Lagɔ 'na 'Denaade.

Matie 25:34

"Ne -klɔgbɔnyɔ "kɛ 'ce -lɔ -wa -ko lilikwlɛ "ku -wɛ bhulɛle- nɛɛ: 'Anye -ye -a To Lagɔ 'pɔ- 'ŋu -wɛ, 'a yi, 'e 'je 'anye 'Kamalezikpɛ -ye Lagɔ 'jijalea- 'wli zikpɛ 'na "kucidɛku 'anyɛɛ za -wɛ kɔ.

Matie 5:1

Zezu 'ye- 'nyakpa 'na -zakpɛ 'ylime, "ne 'ɔ yi -lɔ tlo 'vli 'gblɛ, "ne 'ɔ yi -lɔ -duku 'gli, "ne 'ɔnɛɛ gɛlenya yu -lɔ yɔko 'nyiɔ-.

Luke 12:32

Nyanɔ te 'anye 'lɔbhɔ, -zakpɛ 'tekeyi lɛ, "naa-, 'a To 'je- 'anye 'Kamalezikpɛ kɔ zɛ.»

Luke 13:28

Lɔbhɔ 'ye 'a "kɛ 'ce -lɔ "tule "ne 'a "kɛ 'ce -lɔ 'glɛ nimile-, -sɔɔdɛku 'a "kɛ 'ce Ablame, Izake, Zakɔbo "ne "guɔkwɔmenya 'klekle Lagɔ 'na 'Kamalezikpɛ "me 'ylime 'yele, "ne 'anye 'a "kɛ -lɔ zikpoku pɔ-.

Luke 14:15

'Ɔ "kɛ "ɛ weli -wɛ 'no ne, -wa -nyɛ Zezu "bhaa 'wa lile 'awɔ 'gɔme 'na -bholo nɛɛ: «'Ŋwɛnɛ 'lɔbhɔ -ɔ "kɛ Lagɔzikpɛ "me 'na lilɛ li -me -wɛ!»

Luke 16:25

"Ne Ablame yu -lɔ bhulɛle- nɛɛ: 'Na yu, -neɛ' 'dle sibhɔ 'se -klɔgbɔ -ye -e 'pɔ- -neɛ' zikpɛ "me -wɛ "ku, -sɔɔdɛku Laza 'ye nɛ 'kle. -Dɛmeda 'ɔyi 'ye 'ŋwɛnɛ lɔbhɔ -la -lɔ "ne -eyi, -e 'gbape -la -lɔ.

Luke 4:18

Anyinɛnyɔ 'na zuzu -ko -ame "ku, sɛko -wɛ nea, 'ɔ 'ŋwɛnɛ- -ame, -se 'e "kɛ 'Denaade 'nyɛzenya -sɛle. 'Ɔ -lebhe -ame -se 'e "kɛ -jiɛnya 'lu 'wlime -sɛ, -se 'e "kɛ -kpelɔbhɔnya 'na 'yli "ku vulu-, -se 'e "kɛ -ye 'wa ziɛ 'nyɛze -wɛ 'na galu 'di.

Nonoli 14:22

"Ne 'wa yi -lɔ gɛlenya bhulɛle -gbɔ 'wa -kɛle Lagɔ 'dleku, 'kwɛme "tamaleɛ "me, "ne 'wa yi 'lelee -lɔ no nɛɛ: «-A yi -gbape kpɛnyee "ne -a "kɛ -lɔ Lagɔ 'na 'Kamalezikpɛ "me plɛ.»

2 Kolɛtenya 6:10

'wa 'gbɔ "ne -a -nyɛne "klo, -mɔ, 'ɛ -ko "ɛ -soɔ "ne 'dlezɔ 'nɛne -anye yiɛ. 'Wa -kɛ 'dleku -gbɔ 'poɛnya 'ye -a -noɔ, "ne -anye 'gbɔ -lɔ "ne 'nyakpa -kwleyia "zo -lɔ -klɔgbɔnya, 'wa -tɔle -gbɔ -a "ne -bɛɛ' -kɛ, "ne -anye -kɛ -lɔ -li 'klekle!

2 Kolɛtenya 8:2

'Wa ylɛle- 'kplɛkplɛɛ 'na 'kwleyi "me, -mɔ, 'ŋwɛnɛ lɔbhɔa 'ce kpɛnyee yiɛ. 'Wa -noɔ 'poɛnya 'wa, -mɔ 'ɛ -ko -sɔbhɔ "ne 'wa 'tale 'dlasi 'yi.

2 Kolɛtenya 8:9

"Naa-, 'a -yi Anyinɛnyɔ Zezu Kli 'na -jɔlo. 'Ɔyi, -klɔgbɔnyɔ, 'ɔ "zoa- 'ɔyi 'poɛnyɔ 'anyɛɛ za, -se 'ɔnɛɛ 'poɛ -wɛ "me, 'a "kɛ -klɔgbɔnya "zo.

1 Tesalonikenya 1:6

Zaa, 'anye, 'a 'didale- -anye "ne Anyinɛnyɔ. 'A 'sa Lagɔweli kɔ 'gbapeɛ "yitɛ "me, 'ɛ -nyɛ Zuzu Wlewle 'na 'ŋwɛnɛ -ye 'ɔ "zo- 'anye "me -wɛ "bhaa.

2 Tesalonikenya 1:5

"Ɛ 'gbapegbapeɛ ne tua -lɔ 'anye Lagɔ 'na -see 'ɔ bhle "meŋwinɛlesɛ gbo -wɛ 'ylime. "Naa-, "ɛ 'gbapegbapeɛ -wɛ "kɛ -lɔ gbɔ "ne 'wa "kɛ -lɔ 'sɛ yibhlele- -gbɔ 'a 'bhɛle- -se 'a "kɛ Lagɔ 'na 'Kamalezikpɛ nyɔ za 'a 'ye "kle -wɛ "me plɛ -me.

Zake 1:12

'Ŋwɛnɛ 'lɔbhɔ 'se 'nyɔkpɔ 'na -ɔ "ne bhlile- "mebeamɔ, "ne 'ɔ "tamalea 'ɔyi 'kwɛme -wɛ. "Naa-, 'ɔ kɛ 'ɔnɛɛ -kosɛ "namanɔ 'nyakpa 'ylime 'tua ne, 'ɔ yi 'ce zikpɛ yle. Lagɔ 'na 'peɛleɛ -ye 'ɔ no -gbɔ 'ɔ "kɛ -wa "zo- 'wanɛɛ 'ŋwɛnɛ "me kɔ 'je -wɛ yɛ -lɔ.

Zake 2:5

'A 'fo 'yukwli, -awale 'wanye, Lagɔ "ne bhɔ -glɔnya 'yliku "ɛ 'nyɛzenya -wɛ lɔbhɔ -sɛ 'a? 'Ɔ 'yɔbhɔ -gbɔ 'ɔ "koa -klɔgbɔnya "zoa- 'dlekukɛleɛ "me, -se 'wa "kɛ Lagɔ 'na 'Kamalezikpɛ -ye 'ɔ -sɛ lɔbhɔ -wa -kɛ 'ɔnɛɛ 'ŋwɛnɛ "me -wɛ za yle.

'Ylikloylɛleweli 2:9

'E -yi -neɛ' 'gbapegbapeɛ "ne -neɛ' 'poɛkɛlesɛ, 'ɛ -ko sɔbhɔ "ne -e -noɔ lɛkɛlenyɔ yɔ! -Wa la 'wayi Zufonya "ne -wa "ne 'wayi 'waa -wɛ 'na -slowli -ye 'wa 'pɔ -eyi "ku -wɛ, 'e -yi. Sata 'na -zakpɛ 'waa -lɔ.