Luke 5:21 - Nouveau Testament bété de Gagnoa

²¹ -Lɔsloanya -nyɛ Faliziɛnya "bhaa 'wa lɛ -lɔ sɛne nɛɛ: 'Nyɔkpɔ 'na -ɔ ziɛ bhɔ doɔ Lagɔ 'dii 'a? 'Nyɔkpɔ 'na -ɔ 'bhɛle- bhɔ -se 'ɔ "kɛ 'ɔluyu -nyɔkpɔ 'na 'nyinyonoli "ku "titli 'a? 'Ɛ "mɔ Lagɔ -bholo -kpee yɔ.

Luke 5:21 Iomraidhean Croise

Matie 26:65

Bɔbɔnyɔ "yitɔ -ylɛylɛle 'ɔnɛɛ "koti "me, 'ɔ nɛɛ: «Lagɔ 'ye 'ɔ ziɛ -lɔ doɔ 'dii. -A -na -da -wayeɛdɛ 'na -vinoa lo 'yɔbhɔ-! 'A 'no- -see 'ɔ 'yli- Lagɔ -wɛ "me.»

Matie 9:3

-Lɔsloanya 'na yɛ -wa -ko -me lɔbhɔ -wɛ bhulɛle -lɔ 'dlezɔ nɛɛ: «Lagɔ 'ye 'ɔ 'yli -lɔ!»

Luke 3:8

'A 'tlo- bhi, -se 'wa "kɛ 'sɛ yibhlele- -gbɔ 'a 'bheliɔ- kɔ. -Mɔ, 'a te -kɛ no -gbɔ nɛɛ: -Anye, Ablame 'na yua 'na yua 'ye -a -noɔ. Sɛne 'ye 'e bhulɛle lɛ 'anye nɛɛ: 'Tiyi ne, -ye 'a 'wolo dɛne "ku ne, Lagɔ 'yi Ablame 'na yua 'na yua "zoa-!

Luke 5:17

'Yli -bholo "me, Zezu -ko 'awɔ slo dɛku, "ɛ 'nyakpa 'na -zakpɛ -wɛ "me 'ye Faliziɛnya "ne -Lɔsloanya -ko me 'awɔ -lɔ, 'wa 'bhale 'awɔ Galile -glɔ, Zude -glɔ "ne Zeluzalɛme. Lagɔ 'na 'bhɛloɛ -ko 'awɔ "ku za, 'ɔ 'yamalea 'awɔ gwizinya.

Luke 5:22

-Mɔ, Zezu -yi 'wanɛɛ 'dlepɔsɛ za, 'ɔ yua -lɔ bhulɛle- nɛɛ: Sɔɔbɛɛza 'a 'pɔ bhɔ "ɛ soɔ 'dle 'a?

Luke 7:49

-Nyɔ 'wɔ "bhaa 'wa lile 'gɔme -wɛ 'pɔ -lɔ sɛne 'dle nɛɛ: Sɔɔnyɔ yɔ bhɔ "ne 'ɔ 'tale bhɔ 'nyinyonoli 'na 'gbo 'yi 'a?

Zezu Kli 'na 'Denaade ‑ye Zaa kɛle‑ ne lɛ 10:33

"Ne Zufonya yu -lɔ bhulɛle- nɛɛ: «-A -na no -gbɔ -e -no -li 'na -li za -a "kɛ -eyi 'tiyi nu 'lɔbhɔ, -mɔ, Lagɔ 'ye -e 'yli- -lɔ. Sɛko -wɛ, -eyi 'nyɔkpɔ -fu 'ye -e -noɔ -lɔ, "ne -e la -lɔ -eyi Lagɔ.»

Wlomɛnya 8:33

-Ɔ "kɛ bhɔ -ye Lagɔ -tɔ -wɛ 'wɔ gbo 'lua-? 'Nyɔkpɔ "ne 'bhɛle! "Naa-, Lagɔ "zoa- "meŋwinɛlenya.