Luke 5:17 - Nouveau Testament bété de Gagnoa

¹⁷ 'Yli -bholo "me, Zezu -ko 'awɔ slo dɛku, "ɛ 'nyakpa 'na -zakpɛ -wɛ "me 'ye Faliziɛnya "ne -Lɔsloanya -ko me 'awɔ -lɔ, 'wa 'bhale 'awɔ Galile -glɔ, Zude -glɔ "ne Zeluzalɛme. Lagɔ 'na 'bhɛloɛ -ko 'awɔ "ku za, 'ɔ 'yamalea 'awɔ gwizinya.

Luke 5:17 Iomraidhean Croise

Matie 11:5

-Kpelɔbhɔnya 'ye 'siɛ, "ne bhogbeyibhlinya 'nɔŋo, 'Zlɛlɔbhɔnya yamale "ne 'yukwligbɔgbɔnya 'no 'gbo, 'kwia 'wlo gluzɔ, 'nyɛzenya 'no Lagɔ 'na 'Denaade.

Matie 15:1

Faliziɛnya "ne -Lɔsloanya 'waa- 'bha- -lɔ Zeluzalɛme -se 'wa -nyɛ Zezu "bhaa 'wa "kɛ 'lɛtɛ-. Ŋwɛnɛɛ:

Malke 1:45

-Mɔ, "ɛ 'nyɔkpɔ -wɛ "kɛ Zezu yɔko 'bha- ne, "ɛ 'de -wɛ 'ye 'ɔ -me -lɔ moɔ 'klekle ŋwenia- -ka. -Ɛwɛza, Zezu kɛ -la -glɔ "ku -me ne, 'ɔ "ne plɛ -la 'nyakpa 'yliku 'du "me, -mɔ, 'kɔsɛku 'ye 'ɔ "neni -lɔ. 'Nyakpa 'bhale -da moɔ 'klekle "ne 'wa 'mo -lɔ lɔbhɔ ylele- -ka.

Malke 16:18

'Wa yi 'tɛbhea "ku 'libhi "ne 'wa -koa nimi. 'Wa kɛ -bɛɛ' 'na -ye 'wa "zo "gu "me -wɛ -li ne, "ɛ -koa -bɛɛ' no. 'Wa yi gwizinya 'kwlɛ 'wli 'piɛ "ne 'wa yi yamale-.»

Malke 3:22

-Lɔsloanya -wa 'bhale- Zeluzalɛme -wɛ, 'waa- 'gbɔ -lɔ sɛne nɛɛ: «-Ɔwɛ, zuzu -nyɛnyea 'na "cifi Bɛlzebule -ko -lɔ "me. Zuzu -nyɛnyea 'na "cifi gbɔ -lɔ za 'ɔ "kpeti -lɔ Zuzu -nyɛnyea 'nyakpa keyi.»

Malke 5:30

"Ɛ -gbabhuɛ -bhele -wɛ "me, Zezu -yibhlele sɛ -gbɔ 'bhɛloɛ 'bhɔ- ku "me: "Ne 'ɔ yi -lɔ 'beme 'wolo- "ɛ -zakpɛ -wɛ "me, 'ɔ nɛɛ: «-Ɔ -ze bhɔ 'na koti kɔ 'a?»

Malke 7:1

Faliziɛnya "ne -Lɔsloanya 'na yɛ, 'waa- 'bha- -lɔ Zeluzalɛme, "ne 'wa yi -lɔ Zezu yɔko 'wli "zole -ka yi.

Luke 15:2

"Ne Faliziɛnya -nyɛ -Lɔsloanya 'wɔ "bhaa 'ŋuŋwaŋuŋwale nɛ -lɔ "me, 'wa nɛɛ: «'Nyɔpkɔ ne -su nyinyonolinonya 'tee "ne 'ɔ -nyɛ 'wayi 'wɔ "bhaa lili 'gɔme!»

Luke 2:46

'Yli 'na ta -zle -wɛ "me, 'ye 'wa 'yelo- -lɔ "Mebɔbɔlebhudu "me 'ylime, 'ɔ 'gli- nɛ -Lɔsloanya 'na jijɛ "ku, 'ɔ 'foa nɛ 'yukwli "ne 'ɔ 'yɔbhɔa nɛ -lɔ lo.

Luke 5:21

-Lɔsloanya -nyɛ Faliziɛnya "bhaa 'wa lɛ -lɔ sɛne nɛɛ: 'Nyɔkpɔ 'na -ɔ ziɛ bhɔ doɔ Lagɔ 'dii 'a? 'Nyɔkpɔ 'na -ɔ 'bhɛle- bhɔ -se 'ɔ "kɛ 'ɔluyu -nyɔkpɔ 'na 'nyinyonoli "ku "titli 'a? 'Ɛ "mɔ Lagɔ -bholo -kpee yɔ.

Luke 5:30

Faliziɛnya -nyɛ -Lɔsloanya "bhaa 'wa 'yɔbhɔ -lɔ Zezu 'na gɛlenya lo: Sɔɔbɛɛza -lɛposanya "ne "nyinyonolinonya "bhaa 'a li bhɔ "ne 'a nɔmɔ bha?

Luke 6:19

'Nyakpa -kwleyia gwegwele yɔko "me -se 'wa "kɛ Zezu 'kwlɛ libhi, "naa- -bɛɛ' 'bhalo "me "ne 'ɛ yamaloa 'awɔ 'klekle zɛ.

Luke 7:30

-Mɔ, Faliziɛnya "ne -Lɔsloanya -sɛ "ɛ -ye Lagɔ 'yɔbhɔ 'wanɛɛ dɛku -wɛ 'na lo, 'ɛnɛɛ 'ylime Zaa "noa batɛme 'nyɛ-.

Luke 8:46

-Mɔ, Zezu nɛɛ: «'Nyɔkpɔ 'sa- -ame kɔ. 'E -yibhlele sɛ -gbɔ -bɛɛ' 'bha- -ame "ku "me.»

Zezu Kli 'na 'Denaade ‑ye Zaa kɛle‑ ne lɛ 3:10

"Ne Zezu yu -lɔ lo 'yɔbhɔ- nɛɛ: «-Eyi -mɔɔ -noɔ Izlayɛle 'na sloanyɔ "yitɔ yɔ -wɛ, -e "ne "ɛ -li ne -yi!»

Zezu Kli 'na 'Denaade ‑ye Zaa kɛle‑ ne lɛ 3:21

-Mɔ, -ɔ no -ye Lagɔ 'yɔbhɔ -wɛ, zle "ku 'ye 'ɔ me -lɔ; -Se, -ye 'ɔ no -wɛ "kɛ 'yli pleɔ- gbɛklɛklɛ, -se 'nyakpa 'cɛ 'ylime 'ye -gbɔ 'ɔ "zo Lagɔ 'plome.

Nonoli 19:11

Lagɔ "pɔle Pɔle 'na 'kwlɛ "me zɛzɛ "yitɛ.

Nonoli 4:30

'Glo 'se -neɛ' zɛzɛ -sɔ -wɛ "me, -se 'gwizinya "kɛ yamale-, -se zɛzɛ -li "kɛ 'yli 'wlole, -se -li 'na -ɛ "kɛ 'nyakpa 'nyea- -wɛ "kɛ noɔ-. -Neɛ' "kulɔbhɔyu Zezu -ɔ -ko 'wlewle -wɛ 'na 'tɔ me.»

Nonoli 5:34

"Ne 'wanɛɛ 'glɛme 'na -bholo yi -lɔ "ku -sɔ. Faliziɛnyɔ yɔ 'awɔ -lɔ. 'Ɔ 'pa- 'awɔ Gamaliɛle. -Lɔslonyɔ "yitɔ yɔ 'awɔ -lɔ, "ne 'nyakpa 'klekle "zo 'awɔ 'plome. 'Ɔ -bhulɛloa -gbɔ 'wa 'wloa- "ɛ "kɔlepɔnya zɔ 'tekeyi.