Luke 5:14 - Nouveau Testament bété de Gagnoa

¹⁴ "Ne Zezu yu -lɔ bhulɛle nɛɛ: Te -kɛ 'nyɔkpɔ 'de -sɛle: Me cuu, -se -e "kɛ -eyi bɔbɔnyɔ 'ylime tua- -se bɔbɔli -ye Moyize no -gbɔ 'wa -sɛ -wɛ, 'wlɛ-. -Se 'nyakpa "kɛ 'sɛ yibhlele- -gbɔ -e -yamale 'diɛɛ.

Luke 5:14 Iomraidhean Croise

Matie 10:18

"Ne 'neɛ 'tɔ "me, 'wa yi -kɛ 'anye kamalenya -nyɛ -klɔgbɔnya 'wɔ "bhaa 'yliku kɔme-. Lɔbhɔ 'ye 'a "kɛ -lɔ 'neɛ -wayeɛdɛ "zo 'wayi 'yliku, "ne -wa "ne Zufonya 'waa -wɛ 'yliku.

Matie 12:16

"Ne Zezu yua -lɔ kɔ 'titli nɛɛ: 'A te -kɛ 'neɛ "kukoweli 'nyɔkpɔ bhulɛle-.

Matie 8:4

"Ne Zezu yu -lɔ kɔ 'titli nɛɛ: «Te -kɛ 'nyɔkpɔ 'de -sɛle, -mɔ, me -se -e "kɛ -eyi bɔbɔnyɔ 'ylime tuɔ-, -se bɔbɔli -ye Moyize no -gbɔ 'wa -sɛ -wɛ, 'wlɛ-. 'Ɛɛ "kɛ -lɔ 'de -sɛ nɛɛ -e -yamale.»

Matie 9:30

Gbɛklɛklɛ, "ne 'wanɛɛ 'yli yi -lɔ "ku 'vuluɔ-. "Ne Zezu yua -lɔ kɔ 'titli -gbɔ: «'nyɔkpɔ te -kɛ sɛ yibhlele- gou!»

Malke 1:44

«'Luɔ- -kɛ, te -kɛ 'nyɔkpɔ 'de -sɛle. -Mɔ, me -e "kɛ -eyi bɔbɔnyɔ 'ylime tuɔ-. "Ne bɔbɔli -ye Moyize no -gbɔ 'wa -sɛ -wɛ, 'wlɛ-. -Se 'nyakpa "kɛ sɛ yibhlele- -gbɔ -e -yamale 'diɛɛ.»

Malke 6:11

Du -bholo "ku 'na 'nyakpa, 'wa kɛ 'anyɛɛ lo -sɛ, "ne 'wa "mɔ 'anyɛɛ weli 'yukwli -fo ne, 'a 'bha- 'wanɛɛ zoku, 'a 'gbɔtɔ 'anyɛɛ bho yɔko 'na bhibhi, -se 'ɛ "koa bhulɛle- -gbɔ -ye 'wa -no 'anye 'wli -wɛ "nyɛnye yɛ -lɔ.

Luke 17:14

Zezu 'yoa- lɛ 'ylime ne, "ne 'ɔ yua -lɔ bhulɛle- nɛɛ: «'A me 'a "kɛ 'ayi bɔbɔnya 'ylime tua.» -Sɔɔdɛku 'wa -le me dɛku -wɛ 'wa na wolo cuu, 'wanɛɛ 'zlɛ -bhiɛ.

Luke 5:13

Zezu -glo sɔ "me, 'ɔ -zo kɔ, 'ɔ nɛɛ: 'E 'yɛbhɛ, plɛ 'wlele. "Ɛ doɔ cuu, 'ɔnɛɛ 'zlɛ -bhiɛ.

Luke 9:5

'Wa "mɔ 'anye 'tee 'sa-, "ne 'a -gba "kɛ "ɛ zoku -wɛ 'bha-, 'a gbɔtɔ 'anyɛɛ bho yɔko 'na 'bhibhi, 'ɛɛ "koa -lɔ 'dle 'luɔle-.