Luke 4:6 - Nouveau Testament bété de Gagnoa

⁶ "Ne 'ɔ yu -lɔ bhulɛle- nɛɛ: 'E yi -eyi "ɛ 'bhɛloɛ -wɛ kɔ 'je, 'ɛ -nyɛ dodo ne "ku 'na -klɔgbɔ "bhaa. Sɛko -wɛ -ame 'ye 'wa 'je- -lɔ kɔ, "ne 'e 'je -lɔ -ye 'e 'yɔbhɔ -wɛ kɔ.

Luke 4:6 Iomraidhean Croise

Luke 4:7

Zaa -eyi, -e kɛ -ame "zo-, 'e 'yi -eyi kɔ 'je 'klekle.

Zezu Kli 'na 'Denaade ‑ye Zaa kɛle‑ ne lɛ 12:31

-Dɛmeda, lɔbhɔ 'ya ylɛ, -dee 'wa "kɛ lɛ dodo ne "ku 'na 'nyakpa 'gbobhlele. -Dɛmeda ne, "kɛ -da dodo ne "ku 'na "cifi -nyɛnye zikpɛ "ku "pɔ.

Zezu Kli 'na 'Denaade ‑ye Zaa kɛle‑ ne lɛ 14:30

'Ɛ 'bhale lɛ dɛne ne, 'e -ka -la 'anye weli 'na "kwleyi bhulɛle-. "Naa-, dodo ne "ku 'na "cifi -nyɛnye yi zɛ. 'Ɔ "ne -ame 'bhɛle-,

Zezu Kli 'na 'Denaade ‑ye Zaa kɛle‑ ne lɛ 8:44

Sata -noɔ -lɔ 'a 'to yɔ, "ne 'a 'yɔbhɔ -gbɔ 'a "kɛ 'a 'to 'na -ye 'ɔ 'yɔbhɔ -wɛ no, -see 'ɛ 'bhale- "kucidɛku -ce, 'ɔyi 'nyakpa -lɔbhɔnyɔ yɔ -lɔ. "Ne 'ɔ "ne gbaa "me -ko, "naa-, gbɛklɛklɛ "no "me -ko zɛ. "Ne 'ɔ kɛ bhulɛ-, yo 'na -kpakpɛ yɛ -lɔ, "Naa- yonyɔ yɔ -lɔ, "ne 'ɔɔ 'wlɛ- -lɔ yo.

2 Kolɛtenya 11:14

'Ɛ "ne 'nyea 'se: "Naa-, Sata 'nabhɛ zigbalea 'ɔyi "me sɛgbɛɛ "nɔgɔzilɔ -ɔ 'le "ku -wɛ.

Efɛzenya 2:2

'A -ko 'awɔ 'nyinyonoli "me -sɔɔdɛku 'a -gɛlele 'awɔ dodo ne "ku 'na kosɛ -wɛ. 'A "zo 'awɔ zuzu -nyɛnyea 'na "cifi -ɔ -ko dodo -nyɛ "nɔgɔ "bhaa 'na -jijɛku -wɛ 'plome. "Ɛ "cifi -wɛ, Sata, 'ɔɔ -ko -lɔ -dɛme 'na 'nyakpa -wa "ne "zo Lagɔ 'plome -wɛ 'na zikpɛ "me.

1 Piɛle 1:24

"Naa-, Lagɔ-bɔgo nɛɛ: «'Nyakpa 'klekle -ko sɛgbɛɛ -piti, "ne 'wanɛɛ "nanoɛ -ko sɛgbɛɛ 'kwlɛ -piti 'na -bhebhe. -Piti yɛ "ku, "ne -bhebhe slu 'siɛ,

1 Zaa 5:19

-A -yi sɛ -gbɔ Lagɔ 'na yua 'ye -a -noɔ -lɔ, -mɔ glɔnya 'klekle -ko Sata 'na 'bhɛloɛ zɔ.

'Ylikloylɛleweli 12:9

"Ne 'wa yi -lɔ "ɛ -gbogbomɛnɛgɔ -gwli -wɛ zikpoku 'pɔ. "Ɛ -gbogbomɛnɛgɔ ne, bhlɛgɔgɔtɛbhɛ yɛ -lɔ. 'Ɔyi 'wa la me -lɔ zuzu-nyɛnyea 'na "cifi "ne Sata. 'Ɔɔ no -lɔ -glɔ ne zɔ 'na 'nyakpa 'klekle ylo. 'Wa 'pɔ- dodo "ku 'ɔnɛɛ -zilia 'wɔ "bhaa.

'Ylikloylɛleweli 13:2

"Ɛ nɛmɛ -ye 'e -gɛ 'yli -wɛ 'wlole- gbi, 'ɔnɛɛ bho -ko sɛgbɛɛ -kaakpɔ 'na bho, "ne 'ɔnɛɛ nuɛ -ko sɛgbɛɛ sluku 'na nuɛ. "Ɛ nɛmɛ ne -gbogbomɛnɛgɔ 'nyɔ- -lɔ 'ɔnɛɛ 'bhɛloɛ, 'ɔnɛɛ -klɔgbɔ-gbɔglo, "ne 'ɔnɛɛ 'kamaleɛ "yitɛ.

'Ylikloylɛleweli 13:7

'Wa 'nyɔ- 'bhɛloɛ -se 'ɔ "kɛ Lagɔ 'na 'nyakpa to "me yle, -se 'ɔ "koa to "me lu. 'Ɔ -yle -glɔ 'klekle 'na 'kamaleɛ, 'gbɔgbɔgbo 'klekle, "ne dodo klekle.