Luke 4:5 - Nouveau Testament bété de Gagnoa

⁵ "Ne "ɛ Sata yu 'lelee -lɔ -zicɛtlo 'vli kɔme-, "ne 'ɔ yu -lɔ dodo ne "ku 'na -glɔ 'klekle -nyɛ "bhle 'na -klɔgbɔ "bhaa 'ylime tua-.

Luke 4:5 Iomraidhean Croise

Matie 24:14

"Ɛ Lagɔ 'na 'Kamalezikpɛ "me 'na 'Denaade -wɛ 'wa 'yi 'ce -glɔ 'klekle zɔ -sɛle. "Ne -wa "ne Lagɔ -yi 'klekle -wɛ 'yi 'ce "me no. "Ɛ doɔ 'ye zikpɛ 'na "kubhiɛ dɛku "kɛ -lɔ ylɛ.»

Matie 4:8

"Ne "ɛ Sata yu 'lelee -lɔ -zicɛtlo 'vli kɔme-, "ne 'ɔ yu -lɔ dodo ne "ku 'na -glɔ 'klekle -nyɛ "bhle 'na -klɔgbɔ "bhaa 'ylime tua-.

1 Kolɛtenya 15:52

'Gba 'bhle -wɛ "me 'ɛ 'yi -noɔ cuu, 'wa kɛ lɛglɛ 'gbo 'dia- 'bebhiɛle 'yli "me. Lɔbhɔ 'ye -glukonya "kɛ 'ce -lɔ gluzɔ 'wlo zikpɛ 'na -ɛ -ka "kubhiɛ "me, "ne -anye, -a "kɛ "ce -lɔ kɔ 'bheliɔ-.

1 Kolɛtenya 7:31

-Wa -kɛ zikpɛ ne "ku 'na -li "ne 'ŋwɛnɛ 'lɔbhoa -wɛ no sɛgbɛɛ -wa "ne -bɛɛ' -kɛ, "naa-, -zeka 'na zikpɛ ne yi 'ple.

2 Kolɛtenya 4:17

-Ɛɛ, -anyɛɛ -dɛme 'na 'gbapeɛ "ne "me 'tɛ-, "ne 'ɛ "ne gwlɛ "me, -mɔ, 'ŋlu -ɛ 'ple 'ŋlu 'klekle yɔko "me -wɛ -wo -lɔ -anye. "Ɛ 'ŋlu -wɛ gwlɛ "me, "ne 'ɛ 'kpɔ- kpɛnyee, "ne 'ɛ -zi -anyɛɛ 'gbapeɛ "ku.

Efɛzenya 2:2

'A -ko 'awɔ 'nyinyonoli "me -sɔɔdɛku 'a -gɛlele 'awɔ dodo ne "ku 'na kosɛ -wɛ. 'A "zo 'awɔ zuzu -nyɛnyea 'na "cifi -ɔ -ko dodo -nyɛ "nɔgɔ "bhaa 'na -jijɛku -wɛ 'plome. "Ɛ "cifi -wɛ, Sata, 'ɔɔ -ko -lɔ -dɛme 'na 'nyakpa -wa "ne "zo Lagɔ 'plome -wɛ 'na zikpɛ "me.

Efɛzenya 6:12

'Bhɔ, 'nyakpa "bhaa "ne -a -gba "kɛ -kɛ 'gwe. -Mɔ, zuzu -nyɛnyea 'na 'bhɛloɛ -ɛ -ŋnɛ kpɛnyee -wɛ "bhaa yɛ -lɔ. -Wa -kɛ 'bhɛloɛ "ne 'wa 'kamalea "ne -wa -su 'sabo -titiɛ "me zikpɛ -wɛ 'waa -lɔ, zuzu -nyɛnyea -wa -ko "nɔgɔ -nyɛ dodo "bhaa 'na gbanyede -wɛ "bhaa "ne -a 'gwe -lɔ.