Luke 4:41 - Nouveau Testament bété de Gagnoa

⁴¹ Zuzu -nyɛnyea 'bha- nɛ 'nyakpa -kwleyia keyi, "ne 'wa 'kpa nɛ -lɔ "me nɛɛ: Lagɔ 'na Yu 'ye -e -noɔ -lɔ! -Mɔ, 'ɔ "ne 'taloa- nɛ yi "ne 'wa kɛ 'gbo 'di, "naa-, 'wa -yi -see 'ɔ -noɔ Klise yɔ zɛ.

Luke 4:41 Iomraidhean Croise

Matie 26:63

-Mɔ, Zezu -tli "ku. "Ne bɔbɔnyɔ "yitɔ yi -lɔ no- nɛɛ: «Anyinɛnyɔ Lagɔ, -ɔ -yɛ lɛ 'na 'tɔ "me 'ye 'e bhulɛle lɛ -eyi, plele- -anye weli kɔ! Klise, Lagɔ 'na Yu 'ye -e -noɔ bha?»

Matie 4:3

"Ne "ɛ Sata yi -lɔ Zezu yɔko 'nyiɔ-, "ne 'ɔ yu -lɔ bhulɛle- nɛɛ: «-E kɛ 'diɛɛ Lagɔ 'na Yu yɔ, bhulɛle- "ɛ 'tiyi ne 'wɔ -se 'ɛ "kɛ "fɔlɔ "me 'ylile-.»

Matie 8:16

Kugbedɛku, 'nyakpa 'na 'kwleyia -ye zuzu -nyɛnye -ko keyi -wɛ 'ye 'wa -nɛme -lɔ Zezu. Welicibhɛ kɔ, 'ɔ -soa zuzu -nyɛnyea keyi "ne 'ɔ -yamalea 'gwizinya 'klekle.

Matie 8:29

"Ne 'wa 'kpa 'awɔ -lɔ "me nɛɛ: «-Ye -e 'yɔbhɔle bhɔ -anye "me Lagɔ Yowli? Lɔbhɔ -namlɛ ylɛ -se -e "kɛ bhɔ -anye 'gbapea- 'a?»

Matie 8:4

"Ne Zezu yu -lɔ kɔ 'titli nɛɛ: «Te -kɛ 'nyɔkpɔ 'de -sɛle, -mɔ, me -se -e "kɛ -eyi bɔbɔnyɔ 'ylime tuɔ-, -se bɔbɔli -ye Moyize no -gbɔ 'wa -sɛ -wɛ, 'wlɛ-. 'Ɛɛ "kɛ -lɔ 'de -sɛ nɛɛ -e -yamale.»

Malke 1:25

"Ne Zezu yi -lɔ "ɛ Zuzu -nyɛnye -wɛ 'nuɔ "ku bhli, 'ɔ nɛɛ: «'Tli- doɔ "ku, -se 'bha- 'nyɔkpɔ ne keyi!»

Malke 1:32

Kugbedɛku, ylo -bhli lɛ "bhuɔ ne, 'wa -nɛme Zezu 'gwizinya "ne 'nyakpa 'na -ye zuzu -nyɛnyea -ko keyi -wɛ.

Malke 1:34

Zezu -yamalea 'gwizinya -kwleyia 'na -ye gu 'klekle 'lɔbhɔ -wɛ, "ne 'ɔ -kpeti -me 'lelee zuzu -nyɛnyea 'na 'kwleyia. 'Ɔ "ne 'taloa- yi "ne 'wa "kɛ 'gbo 'di, "naa-, 'wa -yi sɔɔnyɔ 'ye 'ɔ -noɔ zɛ.

Malke 3:11

-Se zuzu -nyɛnyea 'ye Zezu 'ylime 'yiɛ -wɛ ne, sɔbhɔ 'wa yu -lɔ 'bho yɔko "pɔle -ka. "Ne 'wa 'kpa -lɔ "me nɛɛ: «Lagɔ Yowli 'ye -e -noɔ -lɔ 'diɛɛ!»

Luke 4:39

"Ne 'ɔ yu -lɔ 'wli "ku bhliale-, "ne 'ɔ yi -lɔ "ɛ wɔtlɔ "ku 'gbɔtɔle-, "ne 'ɔnɛɛ ku yi -lɔ "ku wɔtɔ-, "ne 'ɔ yi -lɔ "ku -sɔ cuu, "ne 'ɔ yua -lɔ "ku lɔbhɔ-.

Zezu Kli 'na 'Denaade ‑ye Zaa kɛle‑ ne lɛ 20:31

'Ɛnɛɛ -ɛ kɛleɔ- ne, 'a 'cɛ 'dleku kɛle- -gbɔ Zezu -noɔ -lɔ Lagɔ Yowli yɔ, "ne 'ɔɔ -noɔ -lɔ 'Fuɔnyɔ yɔ. Zaa, 'a 'cɛ 'dleku -kɛ, 'a yi 'ce zikpɛ 'na -ɛ -ka "kubhiɛ -wɛ yle, 'ɔnɛɛ -tɔ "me.

Zake 2:19

-E -kɛ bhɔ 'dleku -gbɔ Lagɔ yle -bholo -kpee 'a? -Ɛɛ, -neɛ' weli 'nɛne. -Mɔ, zuzu -nyɛnyea -cɛ -me -kɛ 'lelee 'dleku, "ne 'guguza 'wa tɛtɛle.