Luke 4:35 - Nouveau Testament bété de Gagnoa

³⁵ "Ne Zezu yi -lɔ "ɛ Zuzu -nyɛnye -wɛ 'nuɔ "ku bhli, 'ɔ nɛɛ: «'Tli doɔ "ku, -se 'bha- 'nyɔkpɔ ne keyi!» "Ne "ɛ zuzu -nyɛnye yi -lɔ "ɛ 'nyɔkpɔ -wɛ zɔ "pɔ, 'nyakpa 'klekle 'yliku -mɔ 'ɔ "no nyɛnye -no.

Luke 4:35 Iomraidhean Croise

Matie 17:18

"Ne Zezu yi -lɔ "ɛ zuzu -nyɛnye -wɛ "ku "kpale-, "ne 'ɔ yi -lɔ yu keyi 'bha- cuu, "ne 'ɔ yi -lɔ yamale-.

Matie 8:26

"Ne Zezu yua -lɔ bhulɛle- nɛɛ: «Sɔɔbɛɛza 'a gu bhɔ? 'Nyakpa -nyɔ 'na 'dlekukɛleɛ "ne lɛ 'kpɔ- ne!» "Ne 'ɔ yi -lɔ "ku -sɔ, "ne 'ɔ yi -lɔ gbɔtɔ- "ne "ɛ -pepe -nyɛ jinyɛ "bhaa yi -lɔ 'diɔle- 'zɛnyee.

Malke 1:26

Zuzu -nyɛnye -zuzuɔ 'kpokposɛ "me, "ne 'ɔ yi -lɔ "me 'kpa, "ne 'ɔ yu -lɔ keyi 'bha-.

Malke 4:39

Zezu -glɔ lɛ ne, 'ɔ -gbɔtɔle -pepe "ku, "ne 'ɔ yi jinyɛ 'klo glɛ, 'ɔ nɛɛ: «'Tli -dɛme doɔ "ku, -se ko -vlee!» "Ne -pepe yi -lɔ 'diɔle- "ne 'ŋu "klo yi -lɔ -vlee ko.

Malke 9:26

"Ne "ɛ demo yi -lɔ "me 'kpa, "ne 'ɔ yi -lɔ "ɛ yu "me zuzua- "yitɛ "ku, "ne 'ɔ yu -lɔ "me 'bha-. "Ɛ yu -le sɛgbɛɛ -ɔɔ "ku-, "ne 'nyakpa no -lɔ nɛɛ: «'Ɔ "ku- -kɛ 'ceɛ.»

Luke 11:22

-Mɔ, 'ɔnɛɛ -ɔ 'tɛ- "me "ne 'ɔ -zu "ku -wɛ kɛ -yi, 'ɔ yi 'ɔnɛɛ togwe -li -ye 'ɔ -kɛ 'dleku -wɛ kɔ -sɛ, "ne 'ɔ 'yi dli. -Ɔ "ne -ame -gɛle -wɛ, -ame 'ye 'ɔ -gble -lɔ.

Luke 4:23

"Ne Zezu yua -lɔ bhulɛle- nɛɛ: «'Diɛɛ 'a yi -ye 'a 'yɔbhɔ -wɛ bhulɛ-, "ne 'a yi no nɛɛ: Dotlɛyu, yamalea- -eyi -eyigɛsɛ.» Li 'klekle -ɛ -ylɛle Kafanaɔme -wɛ, 'no -me 'se -neɛ' zoku!

Luke 4:39

"Ne 'ɔ yu -lɔ 'wli "ku bhliale-, "ne 'ɔ yi -lɔ "ɛ wɔtlɔ "ku 'gbɔtɔle-, "ne 'ɔnɛɛ ku yi -lɔ "ku wɔtɔ-, "ne 'ɔ yi -lɔ "ku -sɔ cuu, "ne 'ɔ yua -lɔ "ku lɔbhɔ-.

Luke 4:41

Zuzu -nyɛnyea 'bha- nɛ 'nyakpa -kwleyia keyi, "ne 'wa 'kpa nɛ -lɔ "me nɛɛ: Lagɔ 'na Yu 'ye -e -noɔ -lɔ! -Mɔ, 'ɔ "ne 'taloa- nɛ yi "ne 'wa kɛ 'gbo 'di, "naa-, 'wa -yi -see 'ɔ -noɔ Klise yɔ zɛ.

Luke 8:24

"Ne 'wa yu -lɔ yɔko 'nyiɔ-, "ne 'wa yu -lɔ golia-. Ŋwɛnɛɛ: «"Bhenyɔ, "Bhenyɔ 'a ku -kɛ 'se ɛɛ?» "Ne 'ɔ yi -lɔ glɔ-, "ne 'ɔ yi -lɔ 'ŋu -nyɛ -pepe "bhaa "ku 'gbɔtɔle-, "ne 'ɛ yi -lɔ "ku tli "ne lɔbhɔ yi -lɔ plɛ vlee.

Luke 9:39

-Zlewɛ, -a -ko lɔbhɔ "ne zuzu -nyɛnye bhlilo "ku. 'Ɔ gbɔ ne 'ɔ 'kpa "me, "ne 'ɔ 'lɔtɔ, "ne 'pipli 'bhalo -lɔ nu. "Ne 'ɔ 'kplɔ -lɔ "yitɛ "ku. "Ne 'ɔ 'bhɔ- -la -lɔ yɔko.

Luke 9:42

Yu no -gbɔ 'ɔ ylɛ lɔbhɔ cuu ne, zuzu -nyɛnye "pɔ -lɔ dodo "ku "ne 'ɔ zuzuɔ -lɔ "me, 'ɔ 'lɔtɔ. -Mɔ, Zezu "kpale- zuzu -nyɛnye "ku. 'Ɔ -yamalea "ɛ yu, "ne 'ɔ yu -lɔ 'ɔ 'to kɔ 'je.

'Ylikloylɛleweli 12:12

Zaa, 'a no 'se 'ŋwɛnɛ, "Nɔgɔ "ne "bhle 'na konya "bhaa! -Mɔ, kpilɛkpilɛ -yle -lɔ 'anye, Dodo -nyɛ jinyɛ "bhaa! Sata 'kwlile- 'anyɛɛ moɔ, "ne 'kɛle 'lɔbhɔ kpɛnyee, "naa-, 'ɔ -yi -sɛ -gbɔ 'ɔnɛɛ "tɛnye -ɛ -to "bhle -wɛ "ne -la zu.