Luke 4:18 - Nouveau Testament bété de Gagnoa

¹⁸ Anyinɛnyɔ 'na zuzu -ko -ame "ku, sɛko -wɛ nea, 'ɔ 'ŋwɛnɛ- -ame, -se 'e "kɛ 'Denaade 'nyɛzenya -sɛle. 'Ɔ -lebhe -ame -se 'e "kɛ -jiɛnya 'lu 'wlime -sɛ, -se 'e "kɛ -kpelɔbhɔnya 'na 'yli "ku vulu-, -se 'e "kɛ -ye 'wa ziɛ 'nyɛze -wɛ 'na galu 'di.

Luke 4:18 Iomraidhean Croise

Matie 11:5

-Kpelɔbhɔnya 'ye 'siɛ, "ne bhogbeyibhlinya 'nɔŋo, 'Zlɛlɔbhɔnya yamale "ne 'yukwligbɔgbɔnya 'no 'gbo, 'kwia 'wlo gluzɔ, 'nyɛzenya 'no Lagɔ 'na 'Denaade.

Matie 12:18

Lagɔ nɛɛ: 'Neɛ "kulɔbhɔnyɔ -ye 'e -sɛ lɔbhɔ ne lɛ, 'neɛ -wawayu -ɔ -kɛ 'neɛ 'dle kɔ ne lɛ. 'Ɔyi 'ye 'e -sɛ -lɔ lɔbhɔ 'ŋwɛnɛsɛ. 'E yu 'neɛ Zuzu Wlewle "ku 'kwlialea-, -se 'ɔ "kɛ -glɔnya "meŋwinɛleɛ sloa-.

Matie 12:20

'Ɔ -ka "zeezu -ɛ -bhli "kle -wɛ guɔ 'di, 'ɔ -ka 'napɛ -ɛ "ne le nɛne -wɛ "ku 'nyimɔ, sɔbhɔ 'ye 'ɔ 'cɛ -lɔ sa -kaa "ne "meŋwinɛleɛ "kɛ -lɔ -glɔ ŋwɛne-.

Matie 4:16

"Naa-, 'nyakpa -wa -ko nɛ titiɛ "me -wɛ, 'ye- zle "yitɛ 'ylime, -wa -yɛ "ne Lagɔ 'yliku wa "ku- -wɛ, zle 'le moa "ku.

Matie 5:3

«'Ŋwɛnɛ "lɔbhɔ -ye 'dlezɔ -ko foo, "naa-, Lagɔ 'na 'Kamalezikpɛ 'wanɛɛ yɛ -lɔ.

Luke 4:17

"Ne 'wa yu -lɔ "guɔkwɔmenyɔ Ezayi 'na "bɔgo kɔ 'je, "ne 'ɔ 'yi -lɔ vulu-, "ne 'ɔ yi -lɔ 'cibhɛ ne 'na -dee 'ɛ kɛleɔ- -wɛ yle:

Luke 6:20

"Ne Zezu yi -lɔ 'ɔnɛɛ gɛlenya "ku wolo-, 'ɔ nɛɛ: 'Ŋwɛnɛ "lɔbhɔ 'anye 'nyɛzenya, "naa-, Lagɔ 'na 'Kamalezikpɛ 'anye nɛ yɛ -lɔ.

Luke 7:22

"Ne 'ɔ bhulɛle -lɔ "ɛ -ye 'wa -lebhe -wɛ nɛɛ: «'A me -se 'a -sɛle Zaa -ye 'a 'ye- 'ylime "ne -ye 'a 'no- -wɛ 'na 'de: -Kpelɔbhɔnya 'ye 'siɛ, "ne 'bhogbeyibhlinya 'nɔŋo. 'Zlɛlɔbhɔnya -yamale "ne 'yukwligbɔgbɔnya 'no gbo, 'kwia 'wlo gluzɔ. "Ne 'nyɛzenya 'no Lagɔ 'na 'Denaade "me.

Zezu Kli 'na 'Denaade ‑ye Zaa kɛle‑ ne lɛ 1:41

'Ɔ -me 'ɔ "nɔwli Simɔ "bhle yle -ka, "ne 'ɔ yu -lɔ bhulɛle- nɛɛ: «-A -yle Klise, Lagɔ 'na ŋwɛnɛŋwɛnɛyu!»

Zezu Kli 'na 'Denaade ‑ye Zaa kɛle‑ ne lɛ 12:46

-Ame zle, 'e -yi zikpɛ ne "ku, -se -wa "kɛ -ame 'dleku kɛle- 'klekle -wɛ te -kɛ titiɛ "me ko.

Zezu Kli 'na 'Denaade ‑ye Zaa kɛle‑ ne lɛ 3:34

'Nyɔkpɔ 'na -ye Lagɔ -lebhe -wɛ, Lagɔ 'na "ku 'na weli 'ye 'ɔ bhulɛ -lɔ; "Naa-, Lagɔ 'kwlialeɔ Zuzu Wlewle "ku zɛ.

Nonoli 10:38

"Ɛ Nazalɛte 'na Zezu -wɛ, 'a -yi 'se sɛ -gbɔ Lagɔ -ŋwɛnɛlo Zuzu Wlewle "me, "ne 'ɔ jo- 'se 'bhɛloɛ kɔ ne, 'ɛza, -mee 'ɔ -ylɛle 'klekle -wɛ, 'ɔ -no 'nɛne, "ne 'ɔ -yamalea 'nyakpa -ye zuzu -nyɛnyea lia 'yalɛ -wɛ, "naa-, Lagɔ "bhaa 'wa -kole "ku zɛ.

Nonoli 26:18

-Se -e "kɛ 'wanɛɛ 'yli "ku -vulu, -se 'wa "kɛ titiɛ "me 'bha, 'se 'wa "kɛ zle "ku 'sibhɔ. -Se 'wa te -kɛ -la Sata 'na 'bhɛloɛ "me ko, -se 'wa "kɛ Lagɔ lo 'yli. -Wa -kɛ -ame 'dleku -wɛ, 'wanɛɛ 'nyinyonoli 'na gbo yi "ku 'titliɔ-. "Ne 'wa yi Lagɔ 'na "gugbɛ 'na 'cibhɛ yle -me, -wa -kɛ -ame 'dleku -wɛ 'nasɛ.

Nonoli 4:26

Dodo ne "ku 'na -klɔgbɔnya 'nonole- "ku "me, "ne "cifia yi -lɔ 'wli "zo, -se 'wa "kɛ Anyinɛnyɔ gbo "me yle -ka me, 'ɔ -nyɛ 'ɔnɛɛ -ye 'ɔ -sɛ lɔbhɔ -wɛ "bhaa.

Nonoli 4:27

'Diɛɛ, 'wa "zole- 'diɛɛ "ɛ 'du ne "me 'wli, Elode "ne 'kamalenyɔ "yitɔ "Pɔse Pilate, 'wa -nyɛ 'lowlinya "ne Izlayɛleyua "bhaa, -se 'wa "kɛ Zezu, -neɛ' "kulɔbhɔnyɔ -ɔ -ko 'wlewle "ne -ye -e -ŋwɛnɛ -wɛ to -nɛme.

Kolɔsenya 1:13

'Ɔ -sɛ -anye titiɛ "me, "ne 'ɔ yi -lɔ -anye 'ɔnɛɛ -wawayu 'na 'Kamalezikpɛ "me 'ylalea-.

Zake 2:5

'A 'fo 'yukwli, -awale 'wanye, Lagɔ "ne bhɔ -glɔnya 'yliku "ɛ 'nyɛzenya -wɛ lɔbhɔ -sɛ 'a? 'Ɔ 'yɔbhɔ -gbɔ 'ɔ "koa -klɔgbɔnya "zoa- 'dlekukɛleɛ "me, -se 'wa "kɛ Lagɔ 'na 'Kamalezikpɛ -ye 'ɔ -sɛ lɔbhɔ -wa -kɛ 'ɔnɛɛ 'ŋwɛnɛ "me -wɛ za yle.

1 Piɛle 2:9

-Mɔ, 'anye, 'anye -noɔ -lɔ 'ɔnɛɛ 'nyakpa -ye 'ɔ -tɔ 'waa, 'anye -noɔ -lɔ -klɔgbɔnyɔ 'na bɔbɔnya 'na -gligbɛ 'waa. 'Anye -noɔ -lɔ 'nyakpa 'wlewle 'waa. 'Anye -noɔ -lɔ 'nyakpa 'ye Lagɔ -tɔ 'waa, -se 'a "kɛ -li 'na "yitɛ -ye 'ɔ no -wɛ 'na 'de -sɛ. 'Ɛza, 'ɔ la- -lɔ 'anye -gbɔ 'a 'bha- titiɛ "me, -se 'a "kɛ 'ɔnɛɛ zle -namanɔ "ku yi.