Luke 4:1 - Nouveau Testament bété de Gagnoa

¹ Zuzu Wlewle 'kwlile- Zezu "ku, 'ɔ 'bha- Zludɛbɔ "me. "Ne Lagɔ-zuzu yu -lɔ 'kɔsɛku kɔme-.

Luke 4:1 Iomraidhean Croise

Matie 3:16

Zezu -yle lɛ batɛme "bhuɔ ne, 'ŋu "me 'ye 'ɔ 'bha- -lɔ. "Ne "nɔgɔ "me yi -lɔ nuɔ 'diɔ, "ne 'ɔ yi -lɔ Lagɔ Zuzu -ɛ 'bhale "nɔgɔ "me -wɛ 'ylime 'ye sɛgbɛɛ -kobhlele, "ne 'ɔ yu -lɔ "ku 'kwile-.

Luke 2:27

Zuzu -kɔmo "Mebɔbɔlebhudu "me, "ne Zezu 'ɔ 'to -nyɛ 'ɔ "nɔ "bhaa 'wa -nɛme yu, -see -Lɔ no -gbɔ 'wa no -wɛ, 'wa 'cɛ no.

Luke 3:3

Zaa -me Zludɛbɔ yɔko. 'Ɔ bhulɛle 'nyakpa nɛɛ: «'A 'bhelia- 'anyɛɛ kosɛ -nyɛnye -wɛ kɔ. 'A yle batɛme -se Lagɔ "kɛ 'anyɛɛ 'nyinyonoli 'na gbo 'yi 'tale-.»

Luke 3:38

Kenane 'ɔ 'to 'pa- Enɔse. Enɔse 'ɔ 'to 'pa- Sɛte. Sɛte 'ɔ 'to 'pa- Ada. Ada 'ɔ 'to 'pa- Lagɔ.

Luke 4:14

"Ne Zuzu Wlewle -ko Zezu "ku, "ne 'ɔ yi -lɔ -glɔ -ye 'wa la Galile -wɛ 'wlizɔ zi, "ne 'ɔnɛɛ 'tɔ yi -lɔ "bhle ŋwɛne- 'klekle.

Luke 4:18

Anyinɛnyɔ 'na zuzu -ko -ame "ku, sɛko -wɛ nea, 'ɔ 'ŋwɛnɛ- -ame, -se 'e "kɛ 'Denaade 'nyɛzenya -sɛle. 'Ɔ -lebhe -ame -se 'e "kɛ -jiɛnya 'lu 'wlime -sɛ, -se 'e "kɛ -kpelɔbhɔnya 'na 'yli "ku vulu-, -se 'e "kɛ -ye 'wa ziɛ 'nyɛze -wɛ 'na galu 'di.

Zezu Kli 'na 'Denaade ‑ye Zaa kɛle‑ ne lɛ 1:32

"Ne "ɛ Zaa yi -lɔ -ye 'ɔ 'ye- 'ylime -wɛ 'na weli bhulɛ-; 'Ɔ nɛɛ: «'E 'ye- Zuzu Wlewle 'ylime, 'ɔ -le sɛgbɛɛ -kobhlele, "ne 'ɔ yi -lɔ "nɔgɔ "me 'bhale-, "ne 'ɔ yi -lɔ Zezu "ku 'kwile-, "ne 'ɔ yi -lɔ lɔbhɔ tole-.

Zezu Kli 'na 'Denaade ‑ye Zaa kɛle‑ ne lɛ 3:34

'Nyɔkpɔ 'na -ye Lagɔ -lebhe -wɛ, Lagɔ 'na "ku 'na weli 'ye 'ɔ bhulɛ -lɔ; "Naa-, Lagɔ 'kwlialeɔ Zuzu Wlewle "ku zɛ.

Nonoli 1:2

-kaa "ne Lagɔ yu -lɔ "nɔgɔ "me gbla-. 'Nyakpa 'na -ye 'ɔ -tɔ 'ɔnɛɛ "kɔlepɔnya "ku -wɛ, "ne 'ɔ yua -lɔ Zuzu Wlewle 'na 'bhɛloɛ "me -ye 'wa "kɛ no -wɛ sloa-.

Nonoli 10:38

"Ɛ Nazalɛte 'na Zezu -wɛ, 'a -yi 'se sɛ -gbɔ Lagɔ -ŋwɛnɛlo Zuzu Wlewle "me, "ne 'ɔ jo- 'se 'bhɛloɛ kɔ ne, 'ɛza, -mee 'ɔ -ylɛle 'klekle -wɛ, 'ɔ -no 'nɛne, "ne 'ɔ -yamalea 'nyakpa -ye zuzu -nyɛnyea lia 'yalɛ -wɛ, "naa-, Lagɔ "bhaa 'wa -kole "ku zɛ.

Nonoli 8:39

'Wa "kɛ "ɛ 'ŋu "me 'bha- ne, "ne Anyinɛnyɔ 'na Zuzu Wlewle yi -lɔ Filipo "ku 'libhi. "Ɛ 'nyɔkpɔ -wɛ "no 'awɔ -la 'ylime 'ye-, -mɔ, 'ɔyi, 'ŋwɛnɛ 'lɔbhɔ "ne 'ɔ me 'awɔ -lɔ 'yiɛ.