Luke 3:3 - Nouveau Testament bété de Gagnoa

³ Zaa -me Zludɛbɔ yɔko. 'Ɔ bhulɛle 'nyakpa nɛɛ: «'A 'bhelia- 'anyɛɛ kosɛ -nyɛnye -wɛ kɔ. 'A yle batɛme -se Lagɔ "kɛ 'anyɛɛ 'nyinyonoli 'na gbo 'yi 'tale-.»

Luke 3:3 Iomraidhean Croise

Matie 3:11

«-Ame, 'ŋu nu 'ye 'e "nyɛle lɛ 'anye batɛme, -se 'a "kɛ kɔ 'bheliɔ-. -Mɔ, -ɔ 'bhale -ame 'beme -wɛ 'ɔ 'kpɔ- "ne 'ɔ -zi -ame "ku: 'E "ne 'bhɛle- "ne 'e "kɔ 'ɔnɛɛ 'kpɔkolo 'bho "me -sɛ. 'Ɔyi, Zuzu Wlewle "me, "ne -kosu "me, 'ɔ "kɛ -lɔ 'anye batɛme "nyɛle.

Luke 1:16

'Ɔ yi 'ce Izlayɛleyua 'na 'kwleyia, Anyinɛnyɔ 'wanɛɛ Lagɔ lo -nɛmelea.

Luke 1:77

-se -e "kɛ 'ɔnɛɛ -gligbɛnya 'wanɛɛ Popoɛ "ne 'nyinyonoli 'na gbo 'yi 'tale- -de -sɛle!

Luke 4:1

Zuzu Wlewle 'kwlile- Zezu "ku, 'ɔ 'bha- Zludɛbɔ "me. "Ne Lagɔ-zuzu yu -lɔ 'kɔsɛku kɔme-.

Zezu Kli 'na 'Denaade ‑ye Zaa kɛle‑ ne lɛ 1:28

-Ɛwɛ 'klekle ne, Betani 'ye 'ɛ -ylɛle -lɔ, bɔɔ -ye 'wa la Zludɛ -wɛ 'na pɛɛ -ce "ku, -dee Zaa 'nyɛle 'awɔ 'nyakpa batɛme -wɛ.

Zezu Kli 'na 'Denaade ‑ye Zaa kɛle‑ ne lɛ 3:26

"Ne "ɛ Zaa 'na gɛlenya yu -lɔ "bhle yle, "ne 'wa yu -lɔ bhulɛle- nɛɛ: «"Bhenyɔ, 'nyɔkpɔ -nyɔ "bhaa 'a -ko nɛ Zludɛbɔ keyi, "ne -e bhulɛ nɛ 'ɔnɛɛ "ku 'na weli -wɛ, -dɛmeda 'ɔ "nyɛ me 'nyakpa batɛme, "ne 'nyakpa 'klekle 'mo -lɔ "bhle yle -ka!»

Nonoli 13:24

Zezu -namlɛ yi "ne Zaa sɛle 'awɔ Izlayɛleyua 'de -gbɔ 'wa 'bheliɔ- kɔ, -se 'wa "kɛ batɛme yle-.

Nonoli 19:4

"Ne Pɔle yi -lɔ "kusɔ weli "ku libhile, 'ɔ nɛɛ: «Kɔ -bheliɔ batɛme -ye Zaa "nyɛ nɛ -lɔ 'nyakpa, "ne 'ɔ bhulɛle nɛ -lɔ "ɛ 'nyakpa -wɛ -gbɔ 'wa -kɛle 'ɔ "kɔ 'ce 'beme 'bhale -wɛ 'dleku, -ɛ -sɛ zɔ nɛɛ: Zezu!»

Nonoli 22:16

Sɔɔbɛɛza -e 'boɔ bhɔ? -A me! -Se -e "kɛ batɛme yle, -see -neɛ' 'nyinyonoli 'na 'gbo "kɛ "ku 'titliɔ- Anyinɛnyɔ Zezu 'na 'tɔ "me.