Luke 3:22 - Nouveau Testament bété de Gagnoa

²² "Ne Zuzu Wlewle yi -lɔ Zezu 'wli 'kwile- sɛgbɛɛ -kobhlele, "ne weli yi -lɔ "nɔgɔ "me 'bhale-, 'ɛ nɛɛ: «'Neɛ -wawayu 'ye -e -noɔ -lɔ. -Eyi 'ye 'e -sɛ -lɔ 'ŋwɛnɛsɛ "ku lɔbhɔ. 'Mɔɔ -gwɛle -lɔ -zeka 'na zle "ne "me -eyi.»

Luke 3:22 Iomraidhean Croise

Matie 12:18

Lagɔ nɛɛ: 'Neɛ "kulɔbhɔnyɔ -ye 'e -sɛ lɔbhɔ ne lɛ, 'neɛ -wawayu -ɔ -kɛ 'neɛ 'dle kɔ ne lɛ. 'Ɔyi 'ye 'e -sɛ -lɔ lɔbhɔ 'ŋwɛnɛsɛ. 'E yu 'neɛ Zuzu Wlewle "ku 'kwlialea-, -se 'ɔ "kɛ -glɔnya "meŋwinɛleɛ sloa-.

Matie 17:5

-Mɔ, 'ɔ -le bhulɛ dɛku, "ne "nɔgɔjatlɛ yua -lɔ 'wli mlɔa-, "ne "ɛ "nɔgɔjatlɛ -wɛ "me weli yi -lɔ "bhle 'bhale-, 'ɛ nɛɛ: «-Ɔne 'neɛ -wawayu -ye 'e -sɛ lɔbhɔ 'ŋwɛnɛ -sɛku yɔ -lɔ, 'a 'fo 'yukwli!»

Matie 27:43

'Ɔ -kɛ Lagɔ 'dleku, zaa, Lagɔ yi -dɛme 'ɔ "kɔ -kɛ -wa -se 'ɔ "kɔ 'fuɔ, "naa- sɛne 'ye 'ɔ lɛ- -lɔ nɛɛ: «'Mɔɔ -noɔ -lɔ Lagɔ 'na yu yɔ!»

Matie 3:13

"Ne Zezu yi -lɔ Galile 'bha-, "ne 'ɔ yi -lɔ Zludɛbɔ "me Zaa yɔko yi, -se 'ɔ "kɔ batɛme "nyɛ.

Matie 3:16

Zezu -yle lɛ batɛme "bhuɔ ne, 'ŋu "me 'ye 'ɔ 'bha- -lɔ. "Ne "nɔgɔ "me yi -lɔ nuɔ 'diɔ, "ne 'ɔ yi -lɔ Lagɔ Zuzu -ɛ 'bhale "nɔgɔ "me -wɛ 'ylime 'ye sɛgbɛɛ -kobhlele, "ne 'ɔ yu -lɔ "ku 'kwile-.

Matie 3:17

"Ne weli yi -lɔ "nɔgɔ "me 'bhale- nɛɛ: «-Ɔne 'neɛ -wawayu yɔ -lɔ, 'ɔyi 'ye 'e -sɛ -lɔ 'ŋwɛnɛsɛ "ku lɔbhɔ.»

Malke 1:11

"Ne weli yi -lɔ "nɔgɔ "me 'bhale-, 'ɛ nɛɛ: «'Neɛ -wawayu 'ye -e -noɔ -lɔ. -Eyi 'ye 'e -sɛ -lɔ 'ŋwɛnɛsɛ "ku lɔbhɔ.»

Malke 1:9

'Ɛ dɛ -wɛ "ku, Zezu 'bha- Galile-glɔ "me 'na 'du -ye 'wa la Nazalɛte -wɛ "ne Zaa yu -lɔ Zludɛbɔ "me batɛme 'nyɛle.

Malke 9:7

"Ne "nɔgɔjatlɛ yua -lɔ 'wli mlɔa-, "ne weli yi -lɔ "bhle 'bhale- 'ɛ nɛɛ: «'Neɛ -wawayu yɔ -lɔ, 'a 'fo 'yukwli.»

Luke 2:14

Lagɔ me "nɔgɔ "me 'ŋlu -se dodo ne "ku 'na konya -ye 'ɔ -wa -wɛ 'wa yle "kuwɛtɛ.

Luke 4:21

"Ne 'ɔ yi -lɔ 'wanɛɛ bhulɛle- -ku ci. 'Ɔ nɛɛ: -Zeka ne "me, -ɛ kɛleɔ- -wɛ 'wlole- -lɔ 'yli, 'anye -wa 'no- "me -wɛ za.

Zezu Kli 'na 'Denaade ‑ye Zaa kɛle‑ ne lɛ 1:32

"Ne "ɛ Zaa yi -lɔ -ye 'ɔ 'ye- 'ylime -wɛ 'na weli bhulɛ-; 'Ɔ nɛɛ: «'E 'ye- Zuzu Wlewle 'ylime, 'ɔ -le sɛgbɛɛ -kobhlele, "ne 'ɔ yi -lɔ "nɔgɔ "me 'bhale-, "ne 'ɔ yi -lɔ Zezu "ku 'kwile-, "ne 'ɔ yi -lɔ lɔbhɔ tole-.

Zezu Kli 'na 'Denaade ‑ye Zaa kɛle‑ ne lɛ 12:28

To, -neɛ' Tɔ me 'ŋlu!» Lɔbhɔ 'ye weli -cibhɛ 'bhale- -lɔ "nɔgɔ "me nɛɛ: «'E -kwɛ 'ŋlu, "ne 'e 'yi -nazɛ 'ŋlu kwa- -godogodo.»

Zezu Kli 'na 'Denaade ‑ye Zaa kɛle‑ ne lɛ 5:37

"Ne "ɛ To -ɔ -lebhe -ame -wɛ 'nabhɛ -bhulɛ me 'neɛ "kukoweli. -Mɔ, 'a -na 'ce -zɛ 'ɔnɛɛ weli 'yukwli fo, "ne 'a -na 'ce -zɛ 'ɔnɛɛ klo 'ylime 'ye,

Nonoli 10:38

"Ɛ Nazalɛte 'na Zezu -wɛ, 'a -yi 'se sɛ -gbɔ Lagɔ -ŋwɛnɛlo Zuzu Wlewle "me, "ne 'ɔ jo- 'se 'bhɛloɛ kɔ ne, 'ɛza, -mee 'ɔ -ylɛle 'klekle -wɛ, 'ɔ -no 'nɛne, "ne 'ɔ -yamalea 'nyakpa -ye zuzu -nyɛnyea lia 'yalɛ -wɛ, "naa-, Lagɔ "bhaa 'wa -kole "ku zɛ.

Kolɔsenya 1:13

'Ɔ -sɛ -anye titiɛ "me, "ne 'ɔ yi -lɔ -anye 'ɔnɛɛ -wawayu 'na 'Kamalezikpɛ "me 'ylalea-.

1 Piɛle 2:4

'A 'nyiɔ- Anyinɛnyɔ Zezu yɔko. 'Ɔɔ -noɔ -lɔ -yɛyɛ -tiyi yɔ. 'Nyakpa 'pɔ- 'kwlɛ "me, -mɔ, Lagɔ -tɔ. "Ne 'ɔ 'kɛlele Lagɔ gbo.