Luke 3:16 - Nouveau Testament bété de Gagnoa

¹⁶ "Ne Zaa yi -lɔ no nɛɛ: «-Ame, 'ŋu "me 'e 'nyɛle -lɔ 'anye batɛme.» -Mɔ, 'nyɔkpɔ -bholo 'bhale -ame 'beme. 'Ɔ 'kpɔ- -kakaka "ne 'ɔ -zi -ame "ku. 'E "ne 'bhɛle- "ne 'e "kɛ 'ɔnɛɛ -kpɔklo 'na 'lu vulu-. 'Ɔyi, Zuzu Wlewle -nyɛ -kosu "bhaa "me 'ɔ "kɛ -lɔ 'anye batɛme 'nyɛle.

Luke 3:16 Iomraidhean Croise

Matie 3:11

«-Ame, 'ŋu nu 'ye 'e "nyɛle lɛ 'anye batɛme, -se 'a "kɛ kɔ 'bheliɔ-. -Mɔ, -ɔ 'bhale -ame 'beme -wɛ 'ɔ 'kpɔ- "ne 'ɔ -zi -ame "ku: 'E "ne 'bhɛle- "ne 'e "kɔ 'ɔnɛɛ 'kpɔkolo 'bho "me -sɛ. 'Ɔyi, Zuzu Wlewle "me, "ne -kosu "me, 'ɔ "kɛ -lɔ 'anye batɛme "nyɛle.

Matie 3:12

'Ɔ -su -kɛ -bitɛ, 'ɔ "kɛ "me fo. -Ɛ 'nɛne -wɛ, 'ɔ 'cɛ 'wlo "me "zo -se 'ɔ "kɛ -didi -kosu 'na -ɛ "ne nyimɔ -wɛ "me siɛle-.»

Zezu Kli 'na 'Denaade ‑ye Zaa kɛle‑ ne lɛ 1:26

"Ne Zaa yua -lɔ bhulɛle- nɛɛ: «-Ame, 'ŋu nu 'ye 'e "nyɛle -lɔ batɛme. -Mɔ, 'nyɔkpɔ -bholo -ko 'anye 'glɛme 'a "no -yi.

Zezu Kli 'na 'Denaade ‑ye Zaa kɛle‑ ne lɛ 1:27

'Ɔɔ 'bhale -lɔ -ame 'beme. 'Ɔyi -wɛ ne, 'e "ne 'bhɛle- -se 'e "kɛ 'ɔnɛɛ -kpɔklo 'na lu vulu.»

Zezu Kli 'na 'Denaade ‑ye Zaa kɛle‑ ne lɛ 1:33

-Ame 'nabhɛ, 'e "no nɛ -yi "klee, -mɔ, Lagɔ -ɔ -lebhe -ame -gbɔ 'e "nyɛle 'nyakpa batɛme 'ŋu nu -wɛ, 'ɔɔ -bhulɛle -lɔ -ame nɛɛ: -E yi Zuzu Wlewle 'ylime 'ye "ne 'ɔ yi 'nyɔkpɔ -bholo -kopi "ku 'gli; 'Ɔyi -wɛ 'ɔɔ "kɛ -lɔ 'nyakpa batɛme Zuzu Wlewle "me "nyɛle.

Zezu Kli 'na 'Denaade ‑ye Zaa kɛle‑ ne lɛ 7:38

"Naa- sɛne 'ye Lagɔbɔgo -gbɔ -lɔ nɛɛ: 'Nyɔkpɔ 'na -ɔ kɛ -ame 'dleku -kɛ, 'ŋuwli "yitɛ yu 'ce 'dlezɔ 'plele.»

Nonoli 1:5

Zaa "nyɛle- 'nyakpa batɛme 'ŋu "me, -mɔ, 'anye, 'yli "ne -la dɛtlo -se 'a "kɛ Zuzu Wlewle "me batɛme yle -le.»

Nonoli 10:44

Piɛle -ko -namlɛ bhulɛ dɛku, "ne Zuzu Wlewle yi -lɔ -wa -fo Lagɔweli 'yukwli -wɛ "ku 'kwlile- 'klekle.

Nonoli 2:33

Lagɔ -kɔmo "nɔgɔ "me 'ɔyi yɔko, lilikwɛlɛ -gbɔsɔ "ku. "Ne 'ɔ 'nyɔ- Zuzu Wlewle -nyɔ 'na weli -ye 'ɔ -bhulɛ 'awɔ -wɛ. "Ne "ɛ Zezu 'nabhɛ yi 'lelee -lɔ -anye "ɛ Zuzu Wlewle -wɛ "nyɛ -me. Sɛgbɛɛ -ye 'a -gɛ 'yli, "ne -ye 'a 'no "me -wɛ.

1 Kolɛtenya 12:13

Zufonya, Glɛkenya, 'juyua, "ne -wa -yele kɔ -wɛ "bhaa "ne -a -yle -lɔ batɛme Zuzu Wlewle 'ɔyikɔ "me, "ne -a yi -lɔ ku -bholo -kpee "zo. "Ɛ Zuzu -bholo -wɛ 'na 'ŋuwli 'ye -a 'nɔmɔle- -lɔ 'gɔme 'klekle.