Luke 3:11 - Nouveau Testament bété de Gagnoa

¹¹ Zaa nɛɛ: -Ɔ kɛ 'koti "sɔ -kɛ, 'ɔ 'nyɛ -ɔ "ne -kɛ -wɛ -bholo. -Ɔ -kɛ lilibɛɛ -kɛ, 'ɔ 'nyɛ me -wa "ne -kɛ -wɛ.

Luke 3:11 Iomraidhean Croise

Matie 25:40

"Ne "ɛ -klɔgbɔnyɔ "koa -lɔ bhulɛle- nɛɛ: Gbɛklɛklɛ 'ye 'e bhulɛle lɛ 'anye, -ye 'a -no "ɛ yua -wɛ -wa -noɔ -ame "nowlia 'waa 'na 'glɛme 'na -bholo 'wli -wɛ, -ame 'ye 'a -no -lɔ 'wli!

Luke 11:41

Zaa, -ye -a -kɛ -wɛ, 'a 'nyɛ 'alua -se 'a "kɛ 'wlele ko.

Luke 18:22

"Ɛ 'nyɔkpɔ "kɛ bhulɛ "bhuɔ ne, "ne Zezu yu -lɔ no nɛɛ: «'Ɛ -to "bhle -bɛɛ' -bholo 'na -ye -e "ne lɛ -no ne. Me, -se -ye -e -kɛ -wɛ 'pɛ 'pɔlo "ku. -Se 'ɛnɛɛ 'dlasi -wɛ 'je "nyɛzenya kɔ -se -e "kɛ -kɛ "nɔgɔ "me 'na -klɔgbɔ yle. -E "kɛ 'ɛyi -wɛ kɔ -bhiɛ ne, yi -se 'gɛle- -ame.»

Luke 19:8

-Mɔ, Zase "kɛ "ku -sɔ ne, Anyinɛnyɔ 'ye 'ɔ bhulɛle- -lɔ nɛɛ: «"Bhenyɔ, 'e yi 'neɛ -li 'na 'cibhɛ nyɛzenya kɔ 'je, "ne -ye 'e -no ylo "ne 'e yi 'ɔnɛɛ 'dlasi li -wɛ, 'e 'yi ki -mɔɔnɔ "ku 'beme "zole.»

Zezu Kli 'na 'Denaade ‑ye Zaa kɛle‑ ne lɛ 13:29

"Ɛ Zuda kulɛ nɛ -lɔ 'wanɛɛ 'dlasi zaa, -bedia 'pɔ- 'dle -gbɔ sɛne Zezu bhulɛlo- -lɔ nɛɛ 'ɔ me -se 'ɔ "kɛ -jajo 'na -li pea-, -se 'ɔ me 'lelee -se 'ɔ "kɛ nyɛzenya -bɛɛ' kɔ 'je.

Nonoli 10:2

'Ɔ tɛle- Lagɔ 'dle "ne 'ɔ gu Lagɔ -gɛ, 'ɔ -nyɛ 'ɔnɛɛ -bhudu "me 'na -konya "bhaa. 'Ɔ 'kwɛle "nyɛzenya, "ne 'ɔ bhubhɔ Lagɔ zle 'klekle "me.

Nonoli 10:31

"Ne 'ɔ yi -lɔ -ame bhulɛle- nɛɛ: Kɔlenɛye, Lagɔ 'sa- -neɛ' bhubhɔweli "ne -neɛ' 'nɛne -ye -e no 'nyɛzenya 'wli -wɛ kɔ.

Nonoli 10:4

"Ne Kɔlenɛye yu -lɔ "ku wolo vlee, "ne -nyanɔ yu -lɔ lɔbhɔ, "ne 'ɔ yi -lɔ no nɛɛ: «Anyinɛnyɔ, sɛko bha? 'Ɔ nɛɛ: -Neɛ' bhubhɔweli, "ne -neɛ' 'nɛne -ye -e no 'nyakpa 'wli -wɛ, Lagɔ sɛ- kɔ.

Efɛzenya 4:28

-Ɔ 'yli nɛ 'wi -wɛ te kɛ -la 'wi 'yli, 'ɔyi 'ye 'ɔ "kɛ -lɔ kɔ gwele, "ne 'ɔ "kɛ -lɔ 'ɔyigɛsɛ 'na libhɔ no 'tee. 'Ɛ kɛ -soɔ -ko, 'ɔ yi 'ce 'nyɔkpɔ 'na -ɔ 'tɛle 'kwɛle-kwɛleɛ 'siɛ -wɛ "ku yi.

1 Timote 6:17

Bhulɛle -glɔ ne zɔ 'na -klɔgbɔnya -se 'titliloa 'yukwli "me, 'wa te -kɛ bha. 'Wanɛɛ 'dlekukɛleɛ, 'wa "zo Lagɔ "me. -Mɔ, 'wa te -kɛ -klɔgbɔ -ɛ "ne gwlɛ -wɛ "me "zo. Lagɔ -bholo -kpee 'nyɛ -lɔ "fu -anye -li 'klekle -ye -a -su -wɛ -se 'ŋwɛnɛ "kɛ -anye lɔbhɔ.

1 Timote 6:18

'Nyoa 'de -gbɔ 'wa no -li 'na -li 'nyakpa 'wli -se 'wanɛɛ 'nɛnoɛ zimale-. 'Wa nyɛle 'walua 'dlewɛtɛ "me. 'Wa yibhlele- dli sɛ.

Eblenya 6:10

Lagɔ "ne -ɔ "ne "me ŋwinɛle- yɔ, 'ɔ -ka -ye 'a no -wɛ "ku 'dlu, -see 'a -wɔ -wɛ 'a -tuɔ 'ylime, 'ɛ "ne "ku -dlu -nɛ yɛ. Bhlɛme, 'a -tua 'awɔ "ɛ -waleɛ -wɛ 'ylime -dee 'a lɔbhɔ nɛ -wa -noa Lagɔ -noa 'waa -wɛ "ku, "ne 'a 'no -nazɛ -dɛme 'yiɛ.

Zake 1:27

-A To Lagɔ 'yliku 'na bɔbɔbɔboɛ gbaa ne lɛ: -A slu -kɛ "kuyua -nyɛ -kwiziŋwenea -wa -ko 'nyɛze "me -wɛ 'tee, -se -a te -kɛ dodo ne "ku 'na -li -ɛ 'pla 'fe -wɛ mamale-.

Zake 2:14

-Nyɔsɔwanye, 'nyɔkpɔ kɛ no nɛɛ: «'E -kɛ Lagɔ 'dleku.» "Ne 'ɔ "mɔ 'ɔnɛɛ 'dlekukɛlesɛ tua ne, -ye 'ɛ -ko bhɔ "me 'a? 'Ɔnɛɛ 'dlekukɛleɛ -wɛ yu bhɔ 'fuɔ 'a?

1 Zaa 3:17

'Nyɔkpɔ kɛ klɔgbɔ pɔ, "ne 'ɔ kɛ 'ɔ "nɔwli -ɔ -mea -wɛ keyi glɛ ne, 'ɔ yi bhɔ no -gbɔ 'ɔ -wa Lagɔ 'a?

1 Zaa 4:20

'Nyɔkpɔ kɛ no -gbɔ: «'E -wa Lagɔ» "ne 'ɔ kɛ 'ɔ "nɔwli -gble, yowlɛnyɔ yɔ -lɔ. "Naa-, -ɔ "ne 'ɔ "nɔwli -ye 'ɔ -gɛ 'yli -wɛ -wa, 'ɔ "ne 'bhɛle- "ne 'ɔ "kɛ Lagɔ -ye 'ɔ "ne 'yli -gɛ -wɛ wamale-.