Luke 24:30 - Nouveau Testament bété de Gagnoa

³⁰ -Sɔɔdɛku 'wa -ko nɛ lilɛ -li -dɛme -wɛ, Zezu yi -lɔ "fɔlɔ "ku 'libhi, "ne 'ɔ 'yi -lɔ 'ŋu 'pɔ, "ne 'ɔ 'yi -lɔ "me 'didile-, "ne 'ɔ yua -lɔ kɔ 'je.

Luke 24:30 Iomraidhean Croise

Matie 14:19

"Ne Zezu yi -lɔ "ɛ -zakpɛ -wɛ no -gbɔ 'wa 'gli -duku -piti "klo. "Ne 'ɔ yi -lɔ "ɛ "fɔlɔ -bhi 'umgbu -nyɛ zibhia yɛ "sɔ "bhaa "ku 'libhi, "ne 'ɔ yi -lɔ "nɔgɔ "me 'wolo-, "ne 'ɔ yi -lɔ bhubhɔ, "ne 'ɔ yi "ɛ "fɔlɔ -wɛ "me didile-, "ne 'ɔ 'yi -lɔ 'ɔnɛɛ gɛlenya kɔ 'je -se 'wa 'cɛ -zakpɛ 'dlilia.

Matie 15:36

"Ne 'ɔ yi -lɔ "ɛ "fɔlɔbhi gbɔsɔ -nyɛ zibhiajeyua -wɛ "bhaa "ku 'libhi, "ne 'ɔ yi -lɔ Lagɔ bhɛle-, "ne 'ɔ 'yi -lɔ "me didile-, "ne 'ɔ 'yi -lɔ gɛlenya kɔ 'je, -se 'wa 'cɛ "ɛ 'nyakpa -wɛ 'dlile-.

Matie 26:26

'Wa -ko li dɛku, "ne Zezu yi -lɔ "fɔlɔ "ku 'libhi, "ne 'ɔ yi -lɔ Lagɔ bhɛle-, "ne 'ɔ 'yi -lɔ "me 'didile- "ne 'ɔ 'yi -lɔ 'ɔnɛɛ gɛlenya kɔ 'je, 'ɔ nɛɛ: «'A 'libhi "ku -se 'a 'li, -ɛne 'neɛ ku yɛ -lɔ.»

Malke 14:22

'Wa -ko li dɛku, Zezu libhi- "fɔlɔ "ku, "ne 'ɔ yi -lɔ Lagɔ bhɛle-, 'ɔ 'yi -lɔ "me 'didile- "ne 'ɔ 'yi -lɔ 'ɔnɛɛ gɛlenya kɔ 'je, 'ɔ nɛɛ: «'A 'libhi "ku, -ɛne 'neɛ ku yɛ -lɔ.»

Malke 6:41

Zezu yi -lɔ "ɛ "fɔlɔbhi 'umgbu -nyɛ zibhia "sɔ -wɛ "bhaa "ku 'libhi. 'Ɔ "kɛ 'wli 'ya "pɔ ne, "nɔgɔ "ku 'ye 'ɔ -wolo -lɔ, "ne 'ɔ yi -lɔ Lagɔ bhɛle-. "Ne 'ɔ yi -lɔ "ɛ "fɔlɔ -wɛ "me 'didile-, "ne 'ɔ yi -lɔ gɛlenya kɔ 'je -se 'wa 'cɛ 'nyakpa 'dlile-. "Ne 'ɔ yi -lɔ "ɛ zibhia "sɔ -wɛ 'nyakpa 'klekle 'dlile-.

Malke 8:6

"Ne 'ɔ yi -lɔ 'nyakpa bhulɛle- nɛɛ: 'A gli -duku. "Ne 'ɔ yi -lɔ "ɛ "fɔlɔbhi gbɔsɔ -wɛ "ku 'libhi-, "ne 'ɔ yi -lɔ Lagɔ bhɛle-, "ne 'ɔ 'yi -lɔ "me 'didile-, "ne 'ɔ 'yi -lɔ 'ɔnɛɛ gɛlenya kɔ 'je, -se 'wa 'cɛ 'nyakpa 'dlile-. "Ne 'wa yua -lɔ 'dlile-.

Luke 22:19

"Ne 'ɔ yi "fɔlɔ "ku 'libhi, 'ɔ "kɛ Lagɔ bhɛle- "bhuɔ ne, "ne 'ɔ 'yi -lɔ "me didile-, "ne 'ɔ yua "kɔ 'je, 'ɔ nɛɛ: «-Ɛne 'neɛ ku -ye 'e -ple 'anyɛɛ za yɛ -lɔ, 'a cɛ no, 'anyɛɛ 'dle sibhɔ -ame "ku.»

Luke 24:29

Gɛlenya nɛɛ: «-A 'ko dɛne -eyi "bhaa. Te "ple. "Naa-, titiɛ -yi. "Ne zle 'ya flale-.» "Ne Zezu yi -lɔ 'wanɛɛ -bhudu "me plɛ "ne 'ɔ yua -lɔ yɔko to-.

Luke 24:35

"Ne "ɛ gɛlenya "sɔ ne yi -la -see 'ɛ -ylɛle Emayuse 'na -gwe "ku "ne 'wa -yibhlelo -sɔɔdɛku 'ɔ 'didile- "fɔlɔ "me -wɛ.

Luke 9:16

Zezu libhi- "ɛ "fɔlɔbhi 'umgbu "ne zibhia sɔ -wɛ "ku. "Ne 'ɔ yi "nɔgɔ "ku wolo-, "ne 'ɔ yi Lagɔ bhɛle-. "Ne 'ɔ yi "fɔlɔ -nyɛ zibhia "bhaa "me 'didile-. "Ne 'ɔ yi gɛlenya "kɔ 'je 'klekle. -Se 'wa 'cɛ 'nyakpa 'dlile-.

Zezu Kli 'na 'Denaade ‑ye Zaa kɛle‑ ne lɛ 6:11

"Ne Zezu yi -lɔ "ɛ "fɔlɔ "ku 'libhi, "ne 'ɔ yi -lɔ Lagɔ 'ŋlu kwa-, "ne 'ɔ yi -lɔ "ɛ 'nyakpa -wɛ 'wa -ko lɔbhɔ -wɛ dlile-. "Ne 'ɔ yi -lɔ zibhia "ku 'libhi, "ne 'ɔ yi -lɔ "ɛ sɛbhele -wɛ 'sa, "ne 'wa yi -lɔ -see 'wa -wa -wɛ li.

Nonoli 2:42

'Ɛ 'bhale 'ce -la lɛ -doɔ ne, 'wa 'fole 'awɔ 'gɔme "kɔlepɔnya 'na -sloaweli 'yukwli, "ne 'wa -kole 'awɔ "ku sɛgbɛɛ 'nayua, "ne 'wa lili 'awɔ 'gɔme, "ne 'wa bhubhɔle 'awɔ 'gɔme zle oo -zle.

Nonoli 2:46

Zle 'klekle "me, 'wa "zole 'awɔ "Mebɔbɔlebhudu "me 'wli, "ne 'dlekukɛlesɛ "ku, 'wa lile 'awɔ -lɔ 'gɔme sueme, 'ŋwanasɛ "ne 'dlezɔ foo "ku.

Nonoli 27:35

'Ɛyi -wɛ "ple lɛ "bhuɔ ne, Pɔle 'libhi "fɔlɔ "ku, "ne 'wayi 'klekle 'yliku, 'ɔ -bhɛle Lagɔ. "Ne 'ɔ yi -lɔ "fɔlɔ "me 'didile, "ne 'ɔ 'yi -lɔ dli-, "ne 'ɔ 'yi -lɔ li.