Luke 24:27 - Nouveau Testament bété de Gagnoa

²⁷ "Ne 'ɔ yi -lɔ Moyize "ku cile-, "ne "guɔkwɔmenya 'klekle 'wɔ. "Ne 'ɔ yua -lɔ -ɛ kɛleɔ- Lagɔbɔgo "me 'ɔnɛɛ za -wɛ zɔ sibhalea- 'tee.

Luke 24:27 Iomraidhean Croise

Malke 4:34

-See 'ɔ bhulɛloa -wɛ, sɔbhɔ 'ɔ 'pɔloa 'ce -lɔ nunɛ -godogodo 'ɛ "mɔ "ɛ nunɛ yɛ, 'ɔ "ne bhulɛloa nɛ -visɛ. -Mɔ, 'ɔ kɛ -la 'ɔnɛɛ gɛlenya 'na -kpakpɛ 'glɛme -ko ne, "ɛ nunɛ -wɛ 'wɔ 'ye 'ɔ -sɛloa -lɔ zɔ 'klekle.

Luke 24:25

"Ne Zezu yua -lɔ sɛne bhule- nɛɛ: «'Wli "me -ko 'anye foo. "Ne 'dlezɔ -ko 'anye -bhetlii, 'ye "guɔkwɔmenya -bhulɛ 'klekle -wɛ 'a "ne 'dleku -kɛle!

Luke 24:44

"Ne Zezu yua -lɔ bhulɛle- nɛɛ: «-sɔɔdɛku 'e -ko -na nɛ 'anye 'glɛme -wɛ 'na weli -ye 'e -bhulɛle nɛ 'anye ne lɛ: -Ye 'wa kɛle- 'klekle 'neɛ za Moyize 'na gbagbɛ "me, "guɔkwɔmenyɔ "ne bhubhɔweli "me "kɛ 'yli 'wlole za yɛ -lɔ.»

Zezu Kli 'na 'Denaade ‑ye Zaa kɛle‑ ne lɛ 1:45

"Ne Filipo -nyɛ Natanayɛle "bhaa 'wa yi -lɔ "ku sibhɔle-, "ne 'ɔ yu -lɔ bhulɛle- nɛɛ: «-Nyɔ za 'wa 'kɛle- Moyize 'na gbagbɛ -bɔgo, "ne -nyɔ 'na "kukoweli "guɔkwɔmenya -bhulɛ -me -wɛ, -a -ylo: Nazalɛte 'na Zozɛfo Yowli Zezu yɔ -lɔ.»

Zezu Kli 'na 'Denaade ‑ye Zaa kɛle‑ ne lɛ 12:41

"Ɛ weli -wɛ, Ezayi -bhulɛ, "naa- 'ɔ 'ye- Zezu 'na 'ŋlu 'ylime. 'Ɛnɛɛ za 'ɔ -bhulɛ -lɔ 'ɔnɛɛ "ku 'na weli.

Zezu Kli 'na 'Denaade ‑ye Zaa kɛle‑ ne lɛ 5:37

"Ne "ɛ To -ɔ -lebhe -ame -wɛ 'nabhɛ -bhulɛ me 'neɛ "kukoweli. -Mɔ, 'a -na 'ce -zɛ 'ɔnɛɛ weli 'yukwli fo, "ne 'a -na 'ce -zɛ 'ɔnɛɛ klo 'ylime 'ye,

Zezu Kli 'na 'Denaade ‑ye Zaa kɛle‑ ne lɛ 5:39

'A 'vea Lagɔweli "me 'tee, "naa- 'a -kɛ 'dleku -gbɔ 'a 'yi zikpɛ 'na -ɛ -ka "kubhiɛ -wɛ "me ylele-. "Ne "ɛ Lagɔweli -bhele -wɛ, 'ɛɛ bhulɛ -lɔ 'neɛ "kukoweli.

Nonoli 10:43

"Guɔkwɔmenya 'klekle -wa bhulɛ 'ɔnɛɛ dɛku -wɛ nɛɛ: 'Nyɔkpɔ 'na 'ɔ -kɔ 'dleku, 'ɔnɛɛ 'tɔ "me, 'ɔ nyɔ -wɛ 'na 'nyinyonoli 'na gbo yi 'ce 'yi 'taleɔ-.»

Nonoli 3:18

-Mɔ, "guɔkwɔmenya 'klekle 'na nuɛ "me Lagɔ -bhulɛle 'awɔ -gbɔ 'Fuɔnyɔ yi 'awɔ 'ce 'gbape. 'Ɛɛ 'wlole -lɔ doɔ 'yli.

Nonoli 3:22

"Klee, Moyize -bhulɛ 'awɔ nɛɛ: Anyinɛnyɔ Lagɔ yi 'anye 'glɛme 'neɛ sɛne 'na "guɔkwɔmenyɔ -sɛ, 'ɔ -noɔ 'a "nɔwli yɔ -wɛ. -Ye 'ɔ "kɛ 'ce 'anye bhulɛle -wɛ, 'a 'fo 'ce 'yukwli.

Nonoli 3:24

"Naa-, "guɔkwɔmenya 'klekle, 'ɛ 'bhale Samiɛle "ku -nyɛ -wa 'bhalo 'beme 'klekle -wɛ "bhaa -bhulɛ "me "ɛ weli ne, -ye -a -ko -zeka "ku 'klekle ne.

Nonoli 7:37

'Ɔyi Moyize -wɛ, 'ɔ -bhulɛle -lɔ Izlayɛleyua nɛɛ: Lagɔ yi 'anye 'glɛme "guɔkwɔmenyɔ -sɛ, sɛgbɛɛ -ame.

Nonoli 8:35

"Ne Filipo yi -lɔ bhulɛweli "ku 'libhi, "ne 'ɔ 'bhale- "ɛ Lagɔweli -ye "ɛ Etiopiɛyu -wɛ zɛle nɛ "me -wɛ "ku "ne 'ɔ yu -lɔ Zezu Kli 'na 'Denaade 'na weli bhulɛle-.

'Ylikloylɛleweli 19:10

"Ne 'e yi -lɔ "nɔgɔzilɔ -kokomini 'yli "ku "pɔle, -se 'e "kɔ "zo. ''Ne 'ɔ yi -lɔ no nɛɛ: Te -kɛ 'soɔ no. "Kulɔbhɔnyɔ 'ye 'e -noɔ -me -lɔ -neɛ' sɛ, sɛgbɛɛ "nowlia -nyɛ -e "nɔyoa 'wɔ "bhaa -wa tɛle- Zezu Kli 'na bhulɛweli -ɛ -ko gbaa 'dle, "ne 'ɔ -tua 'nyakpa 'ylime -wɛ. Lagɔ 'ye -e "kɛ -lɔ "zo. Zezu 'na bhulɛweli -ye 'ɔ -tua 'nyakpa 'ylime -wɛ "me 'ye "guɔkwɔmenya 'na bhuleweli 'bhale -lɔ.