Luke 24:19 - Nouveau Testament bété de Gagnoa

¹⁹ "Ne Zezu yua -lɔ lo 'yɔbhɔ nɛɛ: «-Ɛ 'ple bhɔ "bhle 'a?» 'Wa nɛɛ: «-Ɛ -yle Nazalɛte 'na Zezu -wɛ. "Guɔkwɔmenyɔ -ɔ -kɛ nɛ 'bhɛloɛ "ne -nyɔ 'na "mesɛleweli me Lagɔ 'yliku "ne 'nyakpa 'klekle 'yliku.

Luke 24:19 Iomraidhean Croise

Matie 21:11

"Ne 'nyakpa yi -lɔ no nɛɛ: «Nazalɛte, Galile -glɔ "me 'na "guɔkwɔmenyɔ Zezu 'ple -lɔ.»

Malke 1:24

«Nazalɛte 'na Zezu, -ye -e 'yɔbhɔle bhɔ -anye "me -tia 'a? -E "kɛ -anye "kwlɛ 'bhilia- zaa -e -yi bha? -Ame, 'e -yi "neɛmɔ -ye -e -noɔ: Lagɔ 'na lebhelebhleyu -ɔ -ko 'Wlewle 'ye -e -noɔ -lɔ.»

Luke 24:18

'Wanɛɛ 'glɛme 'na -bholo -ɔ 'pa- Kleopase yu -lɔ bhulɛle- nɛɛ: «-eyi -bholo -kpee, -mɔɔ -ko -lɔ Zeluzalɛme "ne -e "ne -lɔ -ɛ 'ple- "bhle "ɛ 'yli ne "me -yi?»

Luke 7:16

Nyanɔ 'lɔbhoa- 'klekle "ne 'wa kwa nɛ -lɔ Lagɔ 'ŋlu nɛɛ "guɔkwɔmenyɔ "yitɔ 'wlole- -anye 'glɛme zɔ, "ne Lagɔ -yi 'ɔnɛɛ 'nyakpa "ku 'be -ka.

Zezu Kli 'na 'Denaade ‑ye Zaa kɛle‑ ne lɛ 3:2

'Ɔɔ -yi -lɔ 'sabo "me Zezu 'ylime 'ye ka, "ne 'ɔ yi -lɔ Zezu bhulɛle- nɛɛ: «"Bhenyɔ -a -yi sɛ -gbɔ Lagɔ -lebhe -lɔ -eyi; "Naa-, -li 'klekle -ye -e no doɔ -wɛ, 'nyɔkpɔ 'na -ɔ -nyɛ Lagɔ "bhaa 'wa "mɔ "ku -kole ne, 'ɔ "ne 'bhɛle- 'ɔ 'cɛ no- zɛ.»

Zezu Kli 'na 'Denaade ‑ye Zaa kɛle‑ ne lɛ 4:19

"Ne "ɛ 'ŋɔnɔ -wɛ yu -lɔ bhulɛle- nɛɛ: «Anyinɛnyɔ, 'e -yi -la -dɛme sɛ -gbɔ "guɔkwɔmenyɔ 'ye -e -noɔ -lɔ.

Zezu Kli 'na 'Denaade ‑ye Zaa kɛle‑ ne lɛ 6:14

'Nyakpa 'ye- lɛ "ɛ zɛzɛ -ye Zezu 'pɔ- -wɛ 'ylime ne, ŋwɛnɛɛ: «'nyɔkpɔ 'na -ɔne, "guɔkwɔmenyɔ yɔ -lɔ 'diɛ, -ɔ "kɛ nɛ zikpɛ "ku yi -wɛ.»

Zezu Kli 'na 'Denaade ‑ye Zaa kɛle‑ ne lɛ 7:52

"Ne 'wa yu -lɔ bhulɛle- nɛɛ: «-Eyi, "ɛ Galile -nɔ 'ye -e -noɔ -me bhɔ 'lelee 'a? 'Be Lagɔbɔgo "me 'tee -se -e 'cɛ 'ylime 'ye -gbɔ "guɔkwɔmenyɔ -ka Galile 'bhale-.»

Nonoli 10:38

"Ɛ Nazalɛte 'na Zezu -wɛ, 'a -yi 'se sɛ -gbɔ Lagɔ -ŋwɛnɛlo Zuzu Wlewle "me, "ne 'ɔ jo- 'se 'bhɛloɛ kɔ ne, 'ɛza, -mee 'ɔ -ylɛle 'klekle -wɛ, 'ɔ -no 'nɛne, "ne 'ɔ -yamalea 'nyakpa -ye zuzu -nyɛnyea lia 'yalɛ -wɛ, "naa-, Lagɔ "bhaa 'wa -kole "ku zɛ.

Nonoli 2:22

Piɛle nɛɛ: «Izlayɛleyua 'nye, 'a 'fo -ame 'yukwli: 'A -yi 'se sɛ ne, Nazalɛte 'na Zezu, 'ɔɔ -noɔ -lɔ 'nyɔkpɔ 'na -ye Lagɔ -nɛme 'anye 'glɛme -wɛ yɔ. 'Ɔ "pɔle- 'anye zɛzɛ 'yliku, "ne 'ɔ yi -lɔ -li 'na -ɛ zi "ku -wɛ no, "ne 'ɔ yi -lɔ 'anye 'be 'ylime 'tuɔ-.

Nonoli 7:22

"Ne 'wa yi -lɔ "ɛ Moyize, Ezipte 'na 'nyakpa 'na nonoli -nyɛ 'wanɛɛ "nanoɛ "bhaa sloa-, "ne 'ɔ yi -lɔ 'bhɛloɛ "yitɛ yle, 'ɔnɛɛ bhulɛweli "me, "ne 'ɔnɛɛ nonoli "me.