Luke 23:7 - Nouveau Testament bété de Gagnoa

⁷ Ŋwɛnɛɛ: -Ɛɛ Zezu Galile 'na 'nyɔkpɔ yɔ -lɔ. -Mɔ, Elode 'kamalea -lɔ "ɛ 'du -wɛ, "ne 'ɔ -ko -me nɛ Zeluzalɛme 'ɛ dɛ -wɛ "ku, 'ɛ za Pilate -kɔme -lɔ Zezu Elode 'na dɛce.

Luke 23:7 Iomraidhean Croise

Matie 14:1

"Ɛ tenye -wɛ "me, Galile 'na 'kamalenyɔ Elode Atipase 'no- 'awɔ -lɔ Zezu 'na 'de.

Matie 14:3

"Naa-, Elode 'nyegbea- 'awɔ Zaa Batise. 'Wa -glɔ 'awɔ 'gɔgɔ "ne 'wa 'pɔ- -jiɛ "me, Elodiade, 'ɔ "nɔwli Filipo 'na 'ŋɔnɔ 'na 'ylime.

Matie 14:6

Zaa, -sɔɔdɛku, 'wa no 'awɔ Elode 'na gwɛle-jajo -wɛ, "ne Elodiade 'na 'ŋuyu yi 'awɔ -lɔ 'nyakpa 'yliku 'sibhɔ, "ne 'ɔ yi -lɔ lo ye. 'Ɔ 'namale- nɛ Elode -gɛ.

Malke 6:14

Elode 'no- Zezu 'na "kukoweli, "naa-, 'ɔnɛɛ 'tɔ -ŋwɛne -glɔ, -bedia nɛɛ: «Zaa Batise 'wlo- -lɔ gluzɔ.» -Ɛwɛza, 'ɔ -kɛ -lɔ 'bhɛloɛ -se 'ɔ "kɛ zɛzɛ "pɔ.

Luke 13:31

'Ɛ dɛ -wɛ "ku 'ye Faliziɛnya 'na yɛ nyiɔ -lɔ Zezu yɔko "ne 'wa yu -lɔ bhulɛle- nɛɛ: «Me -se 'bha- "ɛ dɛne, "naa-, Elode 'yɔbhɔ -gbɔ 'ɔ "kɛ -eyi 'lɔbhɔ -se -e "kɛ "ku zɛ.»

Luke 23:6

"Ɛ weli -wɛ kɔ 'ye Pilate 'yɔbhɔ- -lɔ lo nɛɛ: «Galile 'na 'nyɔkpɔ 'ye 'ɔ -noɔ bha?»

Luke 3:1

-Sɔɔdɛku 'Kamalenyɔ Tibɛle Sezale me 'awɔ 'ŋlu 'na 'ylobɛ kogbɔ 'umgbu nɛ -wɛ "me, Pɔse Pilate 'kamalea Zude -glɔ. Elode Atipa 'kamalea Galile-glɔ 'ɔ "nɔwli Filipo 'kamalea Itule "ne Tlakonitide, Lizaniase 'kamalea Abilɛne.

Luke 9:7

Elode 'Kamalenyɔ "yitɔ 'no- "ɛ weli -wɛ 'klekle -ɛ -ylɛle "bhle -wɛ, 'dlebhɛ 'lɔbhɔ, 'ɔ "ne -see 'ɔ 'cɛ 'sa -yi. "Naa- 'nyakpa 'na -bedia nɛɛ: Zaa Batise 'wlo- -lɔ gluzɔ.

Nonoli 4:27

'Diɛɛ, 'wa "zole- 'diɛɛ "ɛ 'du ne "me 'wli, Elode "ne 'kamalenyɔ "yitɔ "Pɔse Pilate, 'wa -nyɛ 'lowlinya "ne Izlayɛleyua "bhaa, -se 'wa "kɛ Zezu, -neɛ' "kulɔbhɔnyɔ -ɔ -ko 'wlewle "ne -ye -e -ŋwɛnɛ -wɛ to -nɛme.