Luke 23:25 - Nouveau Testament bété de Gagnoa

²⁵ 'Ɔ -sɛ "bhle Balabase -ɔ -ko nɛ 'nyakpalɔbhɔjiɛ "me -wɛ. "Ne 'ɔ yi -lɔ Zezu "slojanya kɔ 'je, 'ɔ nɛɛ: -See 'a 'yɔbhɔ -wɛ, 'a 'sɔ sɔbhɔ!

Luke 23:25 Iomraidhean Croise

Matie 27:26

"Ne Pilate yi -lɔ Balabase 'yi 'tale. ''Ɛ kɛ Zezu yɔ, 'wa 'sɔpɔ- lɛ "bhuɔ ne, "slojanya 'wa 'jo- -lɔ kɔ, -se 'wa "kɔ klowa "klo kole-.

Malke 15:15

Pilate 'yɔbhɔ nɛ -gbɔ 'ɔ "kɛ "ɛ -zakpɛ -wɛ 'ŋwɛnɛ 'labha- za, 'ɔ -sɛ "bhle Balabase "ne 'ɔ yua -lɔ kɔ 'je. "Ne 'ɔ yi -lɔ no -gbɔ 'wa 'sɛpɔ Zezu, "ne 'ɔ yu -da -lɔ "slojanya kɔ 'je -gbɔ 'wa kolo- klowa "klo.

Luke 23:2

'Wa -ylɛ lɛ lɔbhɔ ne, "ne 'wa yi -lɔ Zezu gbo 'wlime "gbli nɛɛ: 'Nyɔkpɔ -ɔ nyimɔ 'anyɛɛ -glɔ, 'ɔɔ ne lɛ. 'Ɔ nɛɛ: 'Wa te 'Kamalenyɔ Sezale kɔ -lɛpo 'peɛle "ne 'ɔ la -lɔ 'ɔyi 'Fuɔnyɔ "ne -klɔgbɔnyɔ.

Luke 23:24

Zaa, Pilate nɛɛ -see 'a 'yɔbhɔ -wɛ, 'a "zo sɔbhɔ.

Luke 23:26

"Slojanya -lo kɔme- dɛku, "ne Silɛne 'na Simɔ 'bha nɛ 'kwlɛ "me "ne 'wa yi -lɔ "ku 'sibhɔle-. 'Wa -bhlulo "ku "ne 'wa yu -lɔ Zezu 'na klowa kɔ 'je -gbɔ 'ɔ 'slu- -se 'ɔ gɛle- Zezu.

Luke 23:5

«"Ɛ 'nyakpa -wɛ "ne "ku 'ŋunu-, ŋwɛnɛɛ: 'Ɔnɛɛ 'sloasɛ sɛ kpokpo glu -glɔnya 'glɛme. 'Ɔ 'bhale- Galile -kaa "ne 'ɔ sibhɔ- -lɔ Zude 'klekle "ku "ne 'ɛ yi -lɔ dɛne 'ylɛ.»

Zezu Kli 'na 'Denaade ‑ye Zaa kɛle‑ ne lɛ 18:40

Lɔbhɔ 'ye "ɛ 'nyakpa -wɛ 'kpa- -lɔ "me cuu. Ŋwɛnɛɛ: «'Bhɔ, 'to -kɛ 'yi 'tale-, -mɔ Balabase 'ye -e -na 'tale- 'yi!» "Ɛ Balabase -wɛ ne, 'nyɔkpɔ -nyɛnye yɔ 'awɔ -lɔ.

Zezu Kli 'na 'Denaade ‑ye Zaa kɛle‑ ne lɛ 19:16

Lɔbhɔ 'ye Pilaate 'joa- -lɔ Zezu kɔ, -se 'wa "kɔ klowa "klo kole-. Sɔbhɔ za 'wa yi -lɔ Zezu kɔme.

Nonoli 3:14

'A -sɛ -ɔ -ko 'wlewle "ne 'ɔ 'ŋwinɛle- "me -wɛ 'na lo, "ne 'a yi -lɔ no -gbɔ 'wa "tale 'nyɔkpɔ -lɔbhɔnyɔ 'yi.