Luke 22:8 - Nouveau Testament bété de Gagnoa

⁸ "Ne Zezu yi -lɔ Piɛle "ne Zaa lebhe, 'ɔ nɛɛ: «'A me -se 'a "kɛ Paake 'na -jajolilɛ 'pi -se -a 'cɛ li.»

Luke 22:8 Iomraidhean Croise

Matie 3:15

-Mɔ, Zezu nɛɛ: «'Tale- -namlɛ soɔ 'yi, "naa- soɔ 'ye -a "kɛ -lɔ -ye Lagɔ 'yɔbhɔ lo -wɛ no.» "Ne Zaa yi -la -lɔ "ku 'ŋunu.

Luke 1:6

Zakali -nyɛ 'ɔ "nɔŋɔ "bhaa 'wa ŋwinɛle- 'awɔ "me Lagɔ 'yliku "ne 'wa -gɛle 'awɔ Anyinɛnyɔ 'na gbagbɛ 'klekle, 'wa -kɛ 'awɔ kɔ, "ne 'wa "ne 'awɔ 'nuɔsɔbhɔledɛ -kɛ.

Luke 22:9

"Ne 'wa yu -lɔ lo 'yɔbhɔ nɛɛ: «-Dee -e 'yɔbhɔ bhɔ -gbɔ -a pile- 'a?»

Nonoli 3:1

'Yli -bholo "me, Piɛle "ne Zaa -me 'awɔ -lɔ "Mebɔbɔlebhudu "me, kugbɛdɛ glee 'na tanɛ- "me bhubhɔ -ka. Glee -ye 'wa bhubhɔle "me "klee -godogodo -wɛ.

Nonoli 3:11

'Gwizinyɔ -yamale lɛ "bhuɔ ne, 'ɔ "ne -la Piɛle -nyɛ Zaa "bhaa "guɔ -yli 'kplokplo. "Ne 'nyakpa 'na -zakpɛ 'yliloa 'awɔ lo, geji 'bhoa 'awɔ "ku. Glidɛ "yitɛ -dee 'wa la «Salomɔ 'na -glidɛ -wɛ yɔko.»

Nonoli 3:3

"Ɛ 'gwizinyɔ -wɛ 'ye- lɛ Piɛle -nyɛ Zaa "bhaa 'na "Mebɔbɔlebhudu "me 'na -plɛ -noa 'ylime ne, zloa 'ye 'ɔ -zloa -lɔ.

Nonoli 4:13

'Wa -gɛyli -gbɔ Piɛle -nyɛ Zaa "bhaa 'wa kɛ bhulɛ 'wa "ne 'gu "ne 'wa bhulɛ -wa -kɛ 'wayi 'dleku -wɛ 'nasɛ, "ne 'wa -yi sɛ -gbɔ 'wa "ne -suklu -plɛ, "ne 'nyakpa 'na -ye 'dlezɔ -ko foo 'waa -lɔ. "Ne 'ɛ yua -lɔ nyea-. "Ne 'wanɛɛ 'dle yi -lɔ lɔbhɔ 'sibhɔ -gbɔ Zezu 'na gɛlenya 'waa -lɔ.

Nonoli 4:19

"Ne Piɛle -nyɛ Zaa "bhaa yua -lɔ bhulɛle- nɛɛ: «-Ɛ 'ŋwinɛle- bhɔ Lagɔ 'yliku "me 'a? -A 'fo 'anye 'yukwli? -Mɔ, Lagɔ -ye -a -na 'fo bhɔ 'yukwli 'a? 'Ayigɛsɛ 'a sɛ lɔbhɔ -ye 'a 'yɔbhɔ -wɛ!

Nonoli 8:14

"Kɔlepɔnya -wa -ko Zeluzalɛme -wɛ 'no- "me -gbɔ Samali 'na konya 'sa- Lagɔweli kɔ ne, 'wa yi -lɔ "bhle Piɛle -nyɛ Zaa "bhaa lebhele-.

Galatenya 2:9

Zake, Sefase "ne Zaa, 'wayi 'wa zɛle -lɔ Lagɔgligbɛ 'na "cifia "ku. 'Ɛ 'wayi -wɛ 'wa -yibhlele -lɔ Lagɔ 'na -jɔlo -ye 'ɔ 'nyɛ- -ame -wɛ, 'wa -tuɔ -lɔ -anye 'kwlɛ, -ame "ne Banabase, -se -a "kɛ 'sɛ yibhlele- -gbɔ 'wayi 'wɔ "bhaa -a -kole "ku. -Anye, -a "kɛ nɛ -lɔ -wa "ne Zufonya 'waa -wɛ lo mele- "ne 'wayi, 'wa "kɛ nɛ -lɔ -wa -noɔ Zufonya 'waa -wɛ lo mele- -me.