Luke 22:53 - Nouveau Testament bété de Gagnoa

⁵³ -Sɔɔdɛku zle o -zle 'anye 'wɔ "bhaa -a -ko nɛ "Mebɔbɔlebhudu "me -wɛ, 'a "ne -ame 'sa-, -mɔ, 'anyɛɛ 'gle -ylɛ -lɔ -dɛme ne, -dee Zuzu -nyɛnyea kamalea titiɛ "me -wɛ.»

Luke 22:53 Iomraidhean Croise

Matie 21:23

Zezu "kɛ "Mebɔbɔlebhudu "me plɛ ne, 'ɔ -ko Lagɔweli sloa dɛku "ne bɔbɔnya 'na "cifia -nyɛ 'du "me 'na -gligbɛyitia "bhaa yu -lɔ yɔko 'nyiɔ-, ŋwɛnɛɛ: «-Ɔ 'nyɛ- bhɔ -eyi 'bhɛloɛ "ne -e no bhɔ "ɛ soɔ 'a? Sɔɔbɛɛza, -e no bhɔ "ɛ soɔ -tia 'a?»

Luke 22:52

Bɔbɔnya "yitia, "Mebɔbɔlebhudu 'na "klokolenya 'na "cifia "ne -gligbɛyitia, -wa yu -lɔ 'sa 'ka -wɛ Zezu yua -lɔ bhulɛle- nɛɛ: «'Nyɔkpɔ -gbeyi 'ye 'e -noɔ bhɔ za 'a su -jijigbɛlɛ "ne sucibhi 'neɛ za?

Luke 22:54

"Slojanya 'sa- 'awɔ Zezu "ne 'wa yu 'awɔ -lɔ bɔbɔnyɔ "yitɔ 'na -bhudu "me kɔme-. Piɛle -ko nɛ -gboji "ne 'ɔ 'ylɛ nɛ "ɛ -li -wɛ 'wɔ.

Zezu Kli 'na 'Denaade ‑ye Zaa kɛle‑ ne lɛ 12:27

«-Dɛme 'na dɛku, 'neɛ dle "ne -duku 'gli-. Zaa, 'se 'e "kɛ bhɔ lɛ -tiaa? Sɛne 'e "kɛ bhɔ no nɛɛ: To -lɛ, 'ylialea- -ame "ɛ gbapegbapeɛ 'na 'gle ne guɔ 'a? -Mɔ, "ɛ 'gle ne za 'e -yi 'se ne.

Zezu Kli 'na 'Denaade ‑ye Zaa kɛle‑ ne lɛ 13:30

"Ne "ɛ Zuda yi -lɔ "ɛ "fɔlɔ -cibhɛ "ku 'libhi "ne 'ɔ yi -lɔ zɔ 'wlo cuu. 'Titiɛ "me yɛ nɛ -lɔ.

Zezu Kli 'na 'Denaade ‑ye Zaa kɛle‑ ne lɛ 14:30

'Ɛ 'bhale lɛ dɛne ne, 'e -ka -la 'anye weli 'na "kwleyi bhulɛle-. "Naa-, dodo ne "ku 'na "cifi -nyɛnye yi zɛ. 'Ɔ "ne -ame 'bhɛle-,

Zezu Kli 'na 'Denaade ‑ye Zaa kɛle‑ ne lɛ 7:30

Lɔbhɔ 'ye 'wa tɛlo 'awɔ -lɔ 'siɛ -see 'wa "kɔ "nyegbea-, -mɔ, 'nyɔkpɔ "no 'sa-. Sɛko -wɛ, 'ɔnɛɛ glee -namlɛ ylɛ zɛ.

Zezu Kli 'na 'Denaade ‑ye Zaa kɛle‑ ne lɛ 7:45

"Ɛ "slojanya "kɛ 'wlizɔ zi "bhuɔ ne, "ne bɔbɔnya "yitia -nyɛ Faliziɛnya "bhaa yua -lɔ lo 'yɔbhɔ nɛɛ: «Sɔɔbɛɛza 'a "ne bhɔ "ɛ Zezu -nɛme 'a?»

Nonoli 26:18

-Se -e "kɛ 'wanɛɛ 'yli "ku -vulu, -se 'wa "kɛ titiɛ "me 'bha, 'se 'wa "kɛ zle "ku 'sibhɔ. -Se 'wa te -kɛ -la Sata 'na 'bhɛloɛ "me ko, -se 'wa "kɛ Lagɔ lo 'yli. -Wa -kɛ -ame 'dleku -wɛ, 'wanɛɛ 'nyinyonoli 'na gbo yi "ku 'titliɔ-. "Ne 'wa yi Lagɔ 'na "gugbɛ 'na 'cibhɛ yle -me, -wa -kɛ -ame 'dleku -wɛ 'nasɛ.

Efɛzenya 6:12

'Bhɔ, 'nyakpa "bhaa "ne -a -gba "kɛ -kɛ 'gwe. -Mɔ, zuzu -nyɛnyea 'na 'bhɛloɛ -ɛ -ŋnɛ kpɛnyee -wɛ "bhaa yɛ -lɔ. -Wa -kɛ 'bhɛloɛ "ne 'wa 'kamalea "ne -wa -su 'sabo -titiɛ "me zikpɛ -wɛ 'waa -lɔ, zuzu -nyɛnyea -wa -ko "nɔgɔ -nyɛ dodo "bhaa 'na gbanyede -wɛ "bhaa "ne -a 'gwe -lɔ.

Kolɔsenya 1:13

'Ɔ -sɛ -anye titiɛ "me, "ne 'ɔ yi -lɔ -anye 'ɔnɛɛ -wawayu 'na 'Kamalezikpɛ "me 'ylalea-.