Luke 22:42 - Nouveau Testament bété de Gagnoa

⁴² «-A To, -e kɛ 'yɔbhɔ 'ylilea- -ame "ɛ 'gbapegbapeɛ ne guɔ, -mɔ 'ɛ te -kɛ 'neɛ -see 'e -wa -wɛ ylɛle-, -mɔ, -neɛ' -see 'e 'yɔbhɔ -wɛ, 'ɛɛ -na tole- -kɛ lɔbhɔ!»

Luke 22:42 Iomraidhean Croise

Matie 11:25

Lɔbhɔ "kɛ 'ple 'tekeyi ne Zezu nɛɛ: «To Lagɔ, "nɔgɔ -nyɛ dodo "bhaa 'na "Bhenyɔ, 'e kwa -eyi 'ŋlu. "Naa- -ye -e zizile- 'ylimeyamalenya "ne "bɔgoyibhlelenya "bhaa 'ylime -wɛ, 'ɛyi 'ye -e -tuɔ -lɔ -wa "ne -bɛɛ' "me -ko -wɛ 'ylime.

Matie 11:26

To Lagɔ -see -e 'yɔbhɔ -neɛ' 'nɛne -ko -ylime -wɛ sɔbhɔ 'ye 'ɛ -ylɛle -lɔ.

Matie 20:22

"Ne Zezu yua -lɔ sɛne bhulɛle- nɛɛ: «'A "ne -ye 'a zlɛ -wɛ -yi, 'leylislɔ -ye 'e "kɛ "me 'nɔmɔle -wɛ, 'a 'yi bhɔ "me 'nɔmɔle -me 'a? Ŋwɛnɛɛ: -Ɛɛ, -a 'bhɛle-.»

Matie 26:39

'Ɔ -me 'yuku 'tekeyi, "ne 'ɔ yi -lɔ -kokomini "pɔ, "ne 'ɔ yi -lɔ Lagɔ bhubhɔ- nɛɛ: «-A To, 'ylilea- -ame 'gbapegbapeɛ ne "guɔ, 'ɛ kɛ -kɛ 'bhɛle-. -Mɔ te -kɛ -ye 'e 'yɔbhɔ -wɛ no, -mɔ, -neɛ' -ye 'e 'yɔbhɔ -wɛ, 'ɛɛ -na 'tole- -kɛ sɔbhɔ.»

Matie 26:42

Zezu -yliloa "kusɔ guɔ, "ne 'ɔ yi -lɔ bhubhɔ- nɛɛ: «-A To, -e "kɛ 'sɛ -yi -gbɔ -e -ka -ame "ɛ 'leylislɔne "guɔ 'ylilea- ne, -neɛ' -see -e 'yɔbhɔ -na tole- lɔbhɔ!»

Matie 26:44

"Ne 'ɔ yua -lɔ yɔko 'bha- "ne 'ɔ yi 'lelee -lɔ dɛ 'tlomale-, "ne 'ɔ yi -lɔ bhubhɔ- "ku ta 'na dɛ "ɛ sɛbhele -wɛ.

Matie 6:10

-Nɛme -neɛ' 'kamaleɛ. Gbɔ -se -ye -e 'yɔbhɔ -wɛ, 'ɛ ko sɔbhɔ dodo ne "ku -see 'ɛ -ko "nɔgɔ "me -ce.

Malke 14:36

Zezu nɛɛ: «Abba, To, -e 'bhɛle- -li 'klekle. 'Yliale- -ame "ɛ 'gbapegbapeɛ 'na 'leylislɔ ne "guɔ. -Mɔ te -kɛ -ye 'e 'yɔbhɔ -wɛ no, -mɔ, -neɛ' -ye 'e 'yɔbhɔ -wɛ, 'ɛɛ -na 'tole- -kɛ sɔbhɔ.»

Luke 23:34

Zezu la- -lɔ sɛne nɛɛ: -A To, "pɔ -kɛ 'wanɛɛ nyɛzedle, -mɔ 'wa "ne -kɛ -ye 'wa no -yi. 'Wa "kɛ -kɛ 'ɔnɛɛ 'koti "ku 'libhi za "ne 'wa 'yi -lɔ -negbe "ku "pɔ.

Zezu Kli 'na 'Denaade ‑ye Zaa kɛle‑ ne lɛ 18:11

"Ne Zezu yi -lɔ Piɛle bhulɛle- nɛɛ: «"Zo -neɛ' -gbɛlɛ 'bɛ "me! To 'na "kleye -slɔ -ye 'ɔ 'je- -ame kɔ -wɛ, 'e 'te bhɔ "nɔmɔ 'a?»

Zezu Kli 'na 'Denaade ‑ye Zaa kɛle‑ ne lɛ 4:34

"Ne Zezu yua -lɔ bhulɛle- nɛɛ: «'Neɛ lilɛ -noɔ -lɔ -gbɔ 'e no -ɔ -lebhe -ame 'na -ye 'ɔ 'yɔbhɔ, "ne 'e no 'ɔnɛɛ libhɔ -se 'ɛ bhiɛ 'wlizɔ.

Zezu Kli 'na 'Denaade ‑ye Zaa kɛle‑ ne lɛ 5:30

«-Ame, 'e "ne 'bhɛle- "ne "kɛ 'neɛ -tia -bɛɛ' no: -Mɔ, -ye 'e 'no- "me -wɛ 'na gbo 'ye 'e bhle -lɔ, "ne 'neɛ gbobhlesɛ 'je- "me. "Naa-, -ayigɛsɛ 'na -ye 'e 'yɔbhɔ -wɛ, 'ye 'e -na no, -mɔ -ɔ -lebhe -ame -wɛ 'na -ye 'ɔ 'yɔbhɔ -wɛ 'ye 'e no -lɔ.

Zezu Kli 'na 'Denaade ‑ye Zaa kɛle‑ ne lɛ 6:38

"Naa- "nɔgɔ "me 'ye 'e 'bhale -lɔ -se 'e "kɛ -ɔ -lebhe -ame 'na -ye 'ɔ 'yɔbhɔ -wɛ no za 'e -yi -lɔ. -Mɔ, 'e "ne -kɛ -ye 'e 'yɔbhɔ -wɛ no -ka -yi.

Nonoli 21:14

-Ye 'ɔ bhulɛ -wɛ "me 'dleku 'za, -a "ne -la "bhle weli -kwɔ. "Ne -a yi -lɔ no- nɛɛ: «Anyinɛnyɔ 'na -see 'ɔ 'yɔbhɔ- -wɛ 'ɛ 'ko- sɔbhɔ!»