Luke 22:32 - Nouveau Testament bété de Gagnoa

³² -Mɔ, 'e -bhubhɔ -neɛ' za, -se -neɛ' 'dlekukɛleɛ te -kɛ 'wlimɔnɔ. -Se -eyi, -zle -e kɛ 'ce "kusɔ -ame lo -yli, 'e "kɛ -kɛ 'e "nowlia 'na 'dlekukɛleɛ "me "tamalea-.»

Luke 22:32 Iomraidhean Croise

Matie 18:3

'Ɔ nɛɛ: «Gbɛklɛklɛ 'ye 'e bhulɛle lɛ 'anye, 'a "mɔ kɔ 'bheliɔ- "ne 'a "mɔ yua ne 'nasɛ -ko ne, 'a -ka -kɛ Lagɔ 'na 'Kamalezikpɛ "me bhɔlɔ-.

Matie 26:75

"Ne Piɛle yi -lɔ Zezu 'na weli -ye 'ɔ -bhulɛlo -wɛ "ku 'luɔle-, "naa-, Zezu -bhulɛlo 'awɔ nɛɛ: «Nunu -namlɛ weli "pɔ, "ne -e "kɛ -lɔ 'na lo -sɛ "ku ta.» -Ɛwɛza Piɛle 'wlo- -lɔ zɔ, "ne 'ɔ yi -lɔ 'tu "kɛlesɛ.

Malke 14:72

'Ɛ -ko Piɛle nu cuu, "ne nunu yi -lɔ weli 'pɔ "kusɔ 'na dɛ. "Ne Piɛle yi -lɔ Zezu 'na weli -ye 'ɔ -bhulɛlo -wɛ "ku 'luɔle-. "Naa-, Zezu "nyɔ- nɛ 'de nɛɛ: «'Nunu -gba 'pɔle "kusɔ weli, -e 'ya 'na lo -sɛ "ku ta 'na dɛ.» 'Ɛza, Piɛle 'wlo- -lɔ zɔ "ne 'ɔ yi -lɔ "tu.

Malke 16:7

-Dɛmeda, 'a me -se 'a "kɛ Piɛle "ne gɛlenya 'na -bedia bhulɛle-. 'A -wole 'anye Galile. "Bhle -ce 'ye 'a "kɔ -lɔ 'ylime 'yele. -See 'ɔ bhulɛle- 'anye -wɛ.»

Luke 8:13

'Ɛnɛɛ -ɛ -bhli 'kpɛslɛ "klo -wɛ, -wa 'no- Lagɔweli "me "ne 'wa 'sɛ- kɔ 'ŋwɛnɛsɛ 'waa -lɔ. -Mɔ, 'wa "ne -kpulu zɔ -ko, zaa, 'wa -kɛle 'dleku 'tekeyi, -mɔ, "mebeɛ kɛ -la lɔbhɔ -ylɛ ne, keyi 'wa gɛlɛ -lɔ.

Zezu Kli 'na 'Denaade ‑ye Zaa kɛle‑ ne lɛ 14:19

-Dee -glɔnya -ka -la -ame 'ylime 'yele -wɛ "ne -la dɛtlo. -Mɔ, 'anye, 'a yi 'ce 'neɛ -yɛyɛnɔ 'ylime 'ye "ne 'a yi 'ce yamale- -me.

Nonoli 3:19

'A 'bhelia- 'anyɛɛ -kosɛ -nyɛnye kɔ. -Se 'a 'yli Lagɔ lo, -se 'ɔ "kɛ 'anyɛɛ 'nyinyonoli 'na 'gbo "ku 'titli.

Wlomɛnya 8:32

'Ɔ Yowli 'nabhɛ, Lagɔ "no -kɛ 'kplɛkplɛɛ 'na -gwe "ku -sɛ, -mɔ, 'ɔ -plo -anye 'klekle za. Zaa, sɔɔbɛɛza 'ɔ -ka bhɔ -li 'klekle -anye "fu kɔ 'je, 'ɔ Yowli "bhaa.

Wlomɛnya 8:34

-Ɔ "koa bhɔ gbo 'lua-? 'Nyɔkpɔ "ne 'bhɛle! "Naa-, Zezu Kli "ku- "ne 'ɔ 'wlo- 'lelee gluzɔ, 'ɔ -ko Lagɔ 'na lilikwlɛ -gbɔsɔ "ku, "ne 'ɔ bhubhɔ -anyɛɛ za.

2 Timote 2:18

'Wa -ylile gbɛklɛklɛ 'na -gwe 'guɔ. 'Wa nɛɛ Lagɔ -sɛ -anye -glukonya 'glɛme "bhuɔ, "ne 'wa yi -lɔ 'nyakpa -kwleyia 'na 'dlekukɛleɛ "klo 'siɛ gbli-.

Tite 1:1

-Ame Pɔle, Lagɔ 'na "kulɔbhɔnyɔ "ne Zezu Kli 'na "kɔlepɔnyɔ 'ye 'e -noɔ -lɔ. 'Ɔ -sɛ -lɔ -ame lɔbhɔ -se 'e "kɛ Lagɔ 'na 'nyakpa -ye 'ɔ -tɔ -wɛ 'dlekukɛleɛ kɔme- -se 'wa "kɛ gbɛklɛklɛ yibhlele-, -se 'wa "kɛ Lagɔ 'dle 'tɛle.

Eblenya 12:15

'A luɔ- -kɛ, -se Lagɔ 'na -jɔlɔ -ye 'ɔ 'nyɛ 'anye -wɛ 'nyɔkpɔ te -kɛ 'ɛnɛɛ "ku to-! 'Anye 'glɛme, su -ɛ 'kɛle nu -wɛ te -kɛ mi, -se -ɛnɛɛ 'kɛkɛle -wɛ te -kɛ 'anyɛɛ -zakpɛ -babadi pla-.

Eblenya 7:25

-Ɛwɛza, 'ɔ "kɛ -lɔ -wa 'nyiɔ Lagɔ yɔko -wɛ 'fuɔ -godogodo 'ɔnɛɛ 'kwɛle-kwɛleɛ "me. "Naa-, Zezu -yɛ 'gbligbli -godogodo, 'ɔ yi 'wanɛɛ za Lagɔ bhubhɔ -godogodo.

1 Piɛle 1:1

-Ame, Piɛle, Zezu Kli 'na "kɔlepɔnyɔ, 'mɔɔ 'kɛle lɛ Lagɔ 'na 'nyakpa -ye 'ɔ -sɛ lɔbhɔ "ne 'wa 'glile- 'lowlime "ne 'wa -ŋwɛne Pɔɔ, Galasi, Kapadɔse, Azi "ne Bitini -glɔ "me.

1 Piɛle 1:13

'Ɛnɛɛ za, 'a 'luɔ- -kɛ! 'A 'fo 'yukwli! -Se 'a "zo 'anyɛɛ 'dletɛleɛ 'nyɛnyɛ -bɛɛ' -ye 'a "kɛ yle -wɛ "me, -sɔɔdɛku Zezu Kli "kɛ 'anye 'yliku 'sibhɔ.

1 Piɛle 1:5

"Ne 'anye 'nabhɛ, 'a kɛ 'dleku -kɛ, Lagɔ -ɔ -kɛ 'bhɛloɛ -kole 'anye "klo -se 'ɔ "kɛ 'anye 'fuɔ. "Ɛ 'popoɛ ne, zikpɛ 'na "kubhiɛ -zle 'ye 'wa 'cɛ 'ce -lɔ yibhlele-.

2 Piɛle 3:14

-Ɛwɛza, 'dle -glɛ 'titoa nye, -dee 'a -wo -mlɛ "ɛ 'yli -wɛ, 'a 'gwele- kɔ -se 'a "kɛ 'wlele ko, -se 'a te -kɛ 'nuɔsɔbhɔledɛ kɛle- Lagɔ 'yliku, "kuwɛtɛ "me.

1 Zaa 2:19

"Ɛ 'nyakpa -wɛ, -anyɛɛ -gligbɛ "me 'wa 'bhale -lɔ, -mɔ, 'wa "ne nɛ -a "nowlia 'waa, -mɔ. 'Wa kɛ nɛ -anyɛɛ -gligbɛnya 'waa ne, 'wa yi nɛ -anye 'glɛme to-. -Dɛmeda, 'ɛ -ko gbɛklɛklɛ: "Ɛ 'nyakpa -wɛ "ne nɛ -anyɛɛ -gligbɛnya 'waa.