Luke 22:22 - Nouveau Testament bété de Gagnoa

²² "Naa-, 'Nyɔkpɔ Yowli yi "ku, -see Lagɔ lɛ- -wɛ yɛ -lɔ. -Mɔ kpilɛkpilɛ "yitɛ -ɔ ple 'Nyɔkpɔ Yowli -wɛ 'na dɛku!

Luke 22:22 Iomraidhean Croise

Matie 26:24

'Nyɔkpɔ Yowli yi 'ce "ku, -see 'ɛ kɛleɔ- Lagɔbɔgo "me 'ɔnɛɛ dɛku. 'Kpilɛkpilɛ "yitɛ! -Ɔ ple 'Nyɔkpɔ Yowli -wɛ 'na za. Sɔbhɔ 'na 'nyɔkpɔ -wɛ, 'ɔ "mɔ nɛ -gwɛleɔ 'ɛ nɛne nɛ.»

Matie 27:5

Zuda 'pɔ- 'dlasi "Mebɔbɔle-bhudu "me, "ne 'ɔ yi -lɔ 'ɔyi glɛ -ka me.

Malke 14:21

'Nyɔkpɔ Yowli yi 'ce "ku, -see 'ɛ kɛleɔ- -lɔ Lagɔbɔgo "me. 'Kpilɛkpilɛ "yitɛ! -Ɔ ple 'Nyɔkpɔ Yowli -wɛ za. Sɔbhɔ 'na 'nyɔkpɔ -wɛ, 'ɔ "mɔ nɛ -gwɛleɔ 'ɛ nɛne nɛ.»

Luke 22:23

"Ne 'wa 'yɔbhɔyɔbhɔle -lɔ lo nɛɛ: «-Anye 'glɛme 'na nyɔ 'yɔbhɔ -tia 'a?»

Luke 24:46

"Ne 'ɔ yua -lɔ bhulɛle- nɛɛ: «-see 'ɛ kɛleɔ- Lagɔbɔgo "me ne lɛ: 'Fuɔnyɔ yi 'awɔ 'ce 'gbape, "ne 'ɔ yi 'awɔ 'ce "ku, "ne 'ɔ yi 'awɔ 'ce gluzɔ 'wlo, 'yli ta kɛ 'awɔ 'ple- ne.

Zezu Kli 'na 'Denaade ‑ye Zaa kɛle‑ ne lɛ 17:12

-Sɔɔdɛku 'e -koa nɛ 'glɛme -wɛ, 'e -slua nɛ -neɛ' 'tɔ 'na "me tamaleɛ "me. Tɔ 'na -ye -e 'je- -ame kɔ -wɛ. 'E -koloa "klo, "ne 'wanɛɛ 'glɛme 'na -bholo "ne "kwlɛ -bhli, 'ɛ "mɔ -ɔ "kɛ nɛ "kwlɛ bhli -wɛ yɔ. -Se -ɛ 'kɛleɔ- Lagɔbɔgo "me -wɛ "kɛ 'yli 'wlole.

Nonoli 10:42

'Ɔ -bhulɛle -anye -gbɔ -a -sɛle 'nyakpa 'Denaade, -se -a bhulɛ -ye -a 'ye- 'ylime -wɛ 'na weli. 'Ɔyi Zezu, 'ye Lagɔ -sɛ -lɔ lɔbhɔ -wa -yɛ "ne 'wa "ku- -wɛ 'na 'gbobhlenyɔ "ku.

Nonoli 17:31

"Naa-, Lagɔ -sɛ lɔbhɔ 'yli 'na 'ye 'ɔ "kɛ 'nyakpa 'gbobhlele "meŋwinɛlesɛ -wɛ. 'Ɔ -sɛ lɔbhɔ 'nyɔkpɔ -bholo 'ɛza "ne 'ɔ yu -lɔ gluzɔ 'wloa-. Sɔbhɔ 'ye 'ɔ -tuɔ -lɔ nyakpa 'ylime -gbɔ 'ɔyi -noɔ -lɔ gbobhlenyɔ -ye 'ɔ -sɛ lɔbhɔ -wɛ yɔ.»

Nonoli 2:23

"Ɛ 'nyɔkpɔ -wɛ, 'a -plolo 'nyakpa -gbeyia kɔ, "ne 'wa yu -lɔ klowa "klo kole-. -See Lagɔ 'yɔbhɔ nɛ 'kle -gbɔ 'ɛ ylɛle- nɛ -wɛ yɛ -lɔ.

1 Piɛle 1:11

Klise 'na Zuzu -koa 'awɔ "me, "ne 'ɔ yu 'awɔ -lɔ Klise 'na 'gbapeɛ 'ylime -tua "kle, 'ɛ -nyɛ 'ɔnɛɛ 'ŋlumeɛ -ye 'ɔ "kɛ nɛ -yle -wɛ "bhaa. "Guɔkwɔmenya -tɛle -sɔɔdɛku "ne -see 'ɛ -li -wɛ 'wɔ "kɛ -ylɛle -wɛ 'siɛ.

2 Piɛle 2:3

"Ne 'wa 'yɔbhɔ -gbɔ 'wa "kɛ -kɛ 'se 'dlasi yle cuu za, 'wa yi 'ce 'anye bhulɛweli -ye 'wa -sɛ 'wayi 'wlime -wɛ "me ylo nole-. -Mɔ, -ɛ "ne 'awɔ -la -dɛme yɛ, 'wanɛɛ 'gbobhleleɛ -ko 'awɔ lɔbhɔ "kle, "ne 'wa yi -kpilɛkpilɛ sibhɔle- cuu.