Luke 22:17 - Nouveau Testament bété de Gagnoa

¹⁷ "Ne 'wa yu -lɔ leylislɔ "kɔ 'je, "ne 'ɔ yi -lɔ Lagɔ 'ŋlukwa- "ne 'ɔ yi -lɔ no nɛɛ: «'A 'libhi "ku, 'a dli -se 'a "nɛmɛ.

Luke 22:17 Iomraidhean Croise

Matie 14:19

"Ne Zezu yi -lɔ "ɛ -zakpɛ -wɛ no -gbɔ 'wa 'gli -duku -piti "klo. "Ne 'ɔ yi -lɔ "ɛ "fɔlɔ -bhi 'umgbu -nyɛ zibhia yɛ "sɔ "bhaa "ku 'libhi, "ne 'ɔ yi -lɔ "nɔgɔ "me 'wolo-, "ne 'ɔ yi -lɔ bhubhɔ, "ne 'ɔ yi "ɛ "fɔlɔ -wɛ "me didile-, "ne 'ɔ 'yi -lɔ 'ɔnɛɛ gɛlenya kɔ 'je -se 'wa 'cɛ -zakpɛ 'dlilia.

Matie 15:36

"Ne 'ɔ yi -lɔ "ɛ "fɔlɔbhi gbɔsɔ -nyɛ zibhiajeyua -wɛ "bhaa "ku 'libhi, "ne 'ɔ yi -lɔ Lagɔ bhɛle-, "ne 'ɔ 'yi -lɔ "me didile-, "ne 'ɔ 'yi -lɔ gɛlenya kɔ 'je, -se 'wa 'cɛ "ɛ 'nyakpa -wɛ 'dlile-.

Matie 26:26

'Wa -ko li dɛku, "ne Zezu yi -lɔ "fɔlɔ "ku 'libhi, "ne 'ɔ yi -lɔ Lagɔ bhɛle-, "ne 'ɔ 'yi -lɔ "me 'didile- "ne 'ɔ 'yi -lɔ 'ɔnɛɛ gɛlenya kɔ 'je, 'ɔ nɛɛ: «'A 'libhi "ku -se 'a 'li, -ɛne 'neɛ ku yɛ -lɔ.»

Malke 14:22

'Wa -ko li dɛku, Zezu libhi- "fɔlɔ "ku, "ne 'ɔ yi -lɔ Lagɔ bhɛle-, 'ɔ 'yi -lɔ "me 'didile- "ne 'ɔ 'yi -lɔ 'ɔnɛɛ gɛlenya kɔ 'je, 'ɔ nɛɛ: «'A 'libhi "ku, -ɛne 'neɛ ku yɛ -lɔ.»

Luke 22:19

"Ne 'ɔ yi "fɔlɔ "ku 'libhi, 'ɔ "kɛ Lagɔ bhɛle- "bhuɔ ne, "ne 'ɔ 'yi -lɔ "me didile-, "ne 'ɔ yua "kɔ 'je, 'ɔ nɛɛ: «-Ɛne 'neɛ ku -ye 'e -ple 'anyɛɛ za yɛ -lɔ, 'a cɛ no, 'anyɛɛ 'dle sibhɔ -ame "ku.»

Luke 9:16

Zezu libhi- "ɛ "fɔlɔbhi 'umgbu "ne zibhia sɔ -wɛ "ku. "Ne 'ɔ yi "nɔgɔ "ku wolo-, "ne 'ɔ yi Lagɔ bhɛle-. "Ne 'ɔ yi "fɔlɔ -nyɛ zibhia "bhaa "me 'didile-. "Ne 'ɔ yi gɛlenya "kɔ 'je 'klekle. -Se 'wa 'cɛ 'nyakpa 'dlile-.

Wlomɛnya 14:6

'Nyɔkpɔ 'na -ɔ seselia zle 'yli "me -wɛ, Anyinɛnyɔ za 'ɔ 'no -lɔ. "Ne 'nyɔkpɔ 'na -ɔ li -li 'klekle -wɛ, Anyinɛnyɔ za 'ɔ 'no -lɔ, "naa-, Lagɔ -ye 'ɔ bhɛle -lɔ zɛ. "Ne 'ɔ "ne li gou -wɛ, Anyinɛnyɔ za 'ɔ "ne li -lɔ, "ne 'ɔ bhɛle me 'lelee -lɔ Lagɔ.

1 Kolɛtenya 10:16

-Sɔɔdɛku, -a li Lagɔ 'na lilɛ -wɛ 'Leyli 'slɔ nyɔ za -a 'bhɛle Lagɔ "ne -a "nɔmɔ -wɛ "ɛ -na bhɔ gbɔ "ne Klise 'na dlu "bhaa -a "ne bhɔ "ku -kole. "Ne "fɔlɔ -ye -a 'didile "me "ne -a li -wɛ "ɛ -na bhɔ gbɔ "ne Zezu 'na ku "bhaa -a "ne bhɔ "ku -kole.

1 Kolɛtenya 11:23

'A -gɛ 'yli, gbagbɛ -ye Anyinɛnyɔ -sloa -ame, "ne 'e -sloa -me 'anye ne lɛ: "Ɛ 'sabo -wɛ "me -dee 'wa "kɛ Anyinɛnyɔ Zezu 'ple -ka me -wɛ, 'ɔ libhi- "fɔlɔ "ku.