Luke 21:8 - Nouveau Testament bété de Gagnoa

⁸ Zezu nɛɛ: «'A 'luɔle- -kɛ 'ayi "ku, 'nyɔkpɔ te -kɛ 'anye ylo no.» "Naa-, 'nyakpa -kwleyia yi 'ce yi 'neɛ 'tɔ "me, ne 'wa yi no nɛɛ: «'Mɔɔ ne lɛ, lɔbhɔ -ylɛ, 'a toa 'ce 'gɛle-.

Luke 21:8 Iomraidhean Croise

Matie 24:11

'Nyakpa 'na -wa -noɔ "guɔkwɔmenya -gbeyia 'waa -wɛ yi 'ce yi "ne 'wa yi 'ce 'nyakpa -kwleyia ylo no.

Matie 3:2

«'A 'bheliɔ- kɔ, -mɔ, Lagɔ 'na 'Kamalezikpɛ "ne -la 'anye dɛ tlole-.»

Matie 4:17

'Ɛ dɛ -wɛ "ku, 'ye Zezu 'ci- -lɔ Lagɔ 'na 'Denaade 'na -sɛ -ku, 'ɔ nɛɛ: «'A 'bhelia- 'anyɛɛ kosɛ kɔ, -mɔ, Lagɔ 'na 'Kamalezikpɛ "ne -la 'anye dɛ tlole-.»

Luke 17:23

'Wa yi 'ce 'anye bhulɛle- nɛɛ: 'Ɔ -ko mɛce, "ne 'ɔɔ ne lɛ dɛne, "ɛ "tɛnye -wɛ "me 'wa kɛ 'anye bhulɛle-, 'a 'toa 'ce gɛlele-.

Luke 21:7

Gɛlenya 'yɔbhɔ- Zezu lo nɛɛ: «"Bhenyɔ, -sɔɔdɛku 'ɛ "kɛ bhɔ yi, 'ɛ "kɛ bhɔ yi tɛɛ?»

Luke 21:9

-Sɔɔdɛku 'wa "kɛ 'ce to 'na weli bhulɛ-, "ne "kpokponya kɛ lɔbhɔ -ylɛ, 'a te "gu. "Naa-, -ɛwɛ ne, 'ɛɛ "kɛ -lɔ lɔbhɔ ylɛ 'tɛ-. Zikpɛ 'na "kubhiɛ dɛku 'ɛ "ne -kɛ -noɔ cuu.»

Zezu Kli 'na 'Denaade ‑ye Zaa kɛle‑ ne lɛ 5:43

-Ame ne, -ame To 'na 'tɔ "me 'ye 'e -yi -lɔ, -mɔ 'a "ne 'yɔbhɔ -gbɔ 'a "kɛ -ame kɔ sa. -Mɔ, 'nyɔkpɔ 'na -vinɔ kɛ nɛ 'ɔyigɛsɛ -yi, 'a yu nɛ kɔ 'sa.

Zezu Kli 'na 'Denaade ‑ye Zaa kɛle‑ ne lɛ 8:24

-Ɛwɛza 'e -bhulɛle -lɔ 'anye nɛɛ: 'A yi 'anyɛɛ 'nyinyonoli "me "kule. -Ɛɛ, 'a yi 'anyɛɛ 'nyinyonoli "me "kule, 'a "mɔ 'dleku -kɛ -gbɔ 'e -noɔ -ɔ -le -wɛ yɔ.»

Zezu Kli 'na 'Denaade ‑ye Zaa kɛle‑ ne lɛ 8:28

"Ne Zezu yua -lɔ bhulɛle- nɛɛ: «-Sɔɔdɛku 'wa "kɛ 'ce 'Nyɔkpɔ Yowli 'ŋlukwa- -wɛ, lɔbhɔ 'ye 'a "kɛ 'ce -lɔ "me 'no -gbɔ 'mɔɔ -noɔ -lɔ -Ɔ -Le yɔ "ne 'a "kɛ 'ce -lɔ sɛ yibhlele- -gbɔ 'e "ne no 'neɛ -tia -bɛɛ': -Mɔ, -ye -ame To -sloa -ame -wɛ, 'ɛyi 'ye 'e bhulɛle -lɔ 'nyakpa.

1 Kolɛtenya 6:9

'Nyakpa -wa no "nyɛnye -wɛ -ka 'ce 'glidɛ yle Lagɔ 'na 'kamale zikpɛ "me. 'A "ne bhɔ sɔbhɔ za 'sɛ -yi 'a? 'A 'no -kɛ welicibhɛ ne "me 'tee: 'Nyakpa 'na -wa -nyɛ 'kpeteklinya "bhaa 'wa go -wɛ, 'nyakpa 'na -wa "zo "fu 'na Lagɔ -wɛ, 'nyakpa 'na -wa zlɛ gbo, "ne 'nyakpa -wa -nyɛ 'walua "bhaa 'wa go -wɛ,

Efɛzenya 5:6

'Nyɔkpɔ te 'ce 'anye bhulɛweli -ɛ "ne -bɛɛ' "me -ko -wɛ "me ylo nole. 'Ɛwɛ 'klekle za, Lagɔ 'pɔle- -lɔ -wa 'sɛ 'ɔnɛɛ 'plome -zo -lo -wɛ 'kɛle yɔko.

2 Tesalonikenya 2:3

'Nyɔkpɔ te 'ce 'anye ylo no -visɛ, "naa-, 'yli -ye 'nyɔkpɔ "kɛ Lagɔ 'na lo -sɛ -wɛ "ne -mlɛ -dɛme -yiɔ. -Gblenyɔ -ɔ "kɛ -jiɛ plɛ -wɛ -namlɛ 'ɔyi 'nyakpa 'ylime tua- zɛ, -glɔ kɛ "me -zuzuɔ "yitɛ "ku "bhuɔ "ne Zezu "kɛ -lɔ yi.

2 Timote 3:13

-Mɔ, 'nyakpa -gbeyia, Yowlɛnya yi 'ce "nyɛnye -no -za kɔ me -me ne 'yiɛ. 'Wa yi 'ce 'nyakpa ylo no. -Mɔ, 'wa yua 'ce 'lelee ylo no me.

1 Zaa 4:1

'Na 'dleglɛ -titoa nye, 'a te 'se -wa no nɛɛ: «Zuzu Wlewle -ko -anye "me» -wɛ 'dleku kɛle-. -Mɔ, 'a woloa -kɛ "me 'tee, -se 'a "kɛ -kɛ 'sɛ yibhlele- -gbɔ Lagɔ Zuzu -ko -diɛnadiɛ "ɛ 'nyakpa -wɛ "me. "Naa- "guɔkwɔmenya -gbeyia 'na 'kwleyia yiɛ- -kɛ zikpɛ ne "ku.

2 Zaa 1:7

Yowlɛnya 'na 'kwleyia -ŋwɛne -glɔ 'klekle "ku. 'Wa "ne yibhlele- -gbɔ Zezu Kli -yili -diɛnadiɛ 'nyɔkpɔ "me. "Ɛ 'nyakpa -wɛ, yowlɛnya "ne Klise 'na -gblenya 'waa -lɔ.

'Ylikloylɛleweli 1:3

'Ŋwɛnɛ 'lɔbhɔ -ɔ zɛle "ɛ "bɔgo ne "me! "Ne -wa fo weli -ɛ 'bhale Lagɔ nu 'yukwli -wɛ, "ne -wa -cɛ kɔ -wɛ, "naa- 'ɛnɛɛ 'yliwloledɛ "ne -la dɛtlo.

'Ylikloylɛleweli 12:9

"Ne 'wa yi -lɔ "ɛ -gbogbomɛnɛgɔ -gwli -wɛ zikpoku 'pɔ. "Ɛ -gbogbomɛnɛgɔ ne, bhlɛgɔgɔtɛbhɛ yɛ -lɔ. 'Ɔyi 'wa la me -lɔ zuzu-nyɛnyea 'na "cifi "ne Sata. 'Ɔɔ no -lɔ -glɔ ne zɔ 'na 'nyakpa 'klekle ylo. 'Wa 'pɔ- dodo "ku 'ɔnɛɛ -zilia 'wɔ "bhaa.