Luke 21:34 - Nouveau Testament bété de Gagnoa

³⁴ Zezu nɛɛ: «'A 'luɔle- -kɛ 'ayi "ku, 'a te -kɛ 'ayi 'dle nuɔ 'yiɛ, no -nɛmɛ -mɔ, "ne zikpɛ ne "ku 'na -li za. -Ɛ "kɛ yi -wɛ te kɛ 'anye vu zɛ.»

Luke 21:34 Iomraidhean Croise

Matie 13:22

Yo 'na -ɛ -bhli 'kpɛcɛ "me -wɛ, 'nyɔkpɔ, -ɔ 'no- Lagɔ 'na weli "me, -mɔ dodo ne "ku 'na -li nyimɔ 'wlime, "ne 'ɔnɛɛ 'dle -glɛ -klɔgbɔ 'klekle -ɛ no ylo -wɛ glɛ, "ne 'ɛ ziɔ 'nyɔŋɔ "ku, "ne 'ɔ "ne tlo bhi yɔ -lɔ.

Malke 13:9

'A 'fo 'ce -ɛ "kɛ 'anye yle -wɛ 'na weli 'yukwli 'tee! "Naa-, 'wa yi 'ce 'anye gbobhle-bhudu "me "ne "mebhubhɔlebhudu "me kɔme-, "ne 'wa yi 'ce 'anye 'lɔbhɔ, 'wa yi 'ce 'anye 'kamalenyɔ "yitɔ -nyɛ -klɔgbɔnya 'wɔ "bhaa 'yliku kɔme- 'neɛ za, "ne 'a yi 'ce 'neɛ -wayeɛdɛ "zo 'wayi 'yliku.

Malke 4:19

-mɔ 'wanɛɛ 'wli -zu zikpɛ ne "ku 'na -li 'klekle 'na mɔ kpɛnyee: "Bhle 'na -klɔgbɔ -ɛ no ylo -wɛ, "ne 'wanɛɛ 'dle 'yɔbhɔ dodo ne "ku 'na -li 'klekle. -Ɛwɛ 'klekle ploa -lɔ "me "ne 'ɛ wale -lɔ Lagɔweli "ku. -Ɛwɛza Lagɔweli "ne 'bhɛle- "ne 'ɛ "kɛ bhi tlo.

Luke 10:41

"Ne Anyinɛnyɔ yu -lɔ bhulɛle- nɛɛ: «Mate, Mate, 'dlebhɛ 'lɔbhɔ -eyi "ne -e 'pɔ "ku -li 'na -bedi za.

Luke 12:40

'Anye ne, 'a luɔ-, "naa-, 'a "ne -sɔɔdɛku 'Nyɔkpɔ Yowli "kɛ yi -wɛ -yi zɛ.»

Luke 17:3

Zaa, 'a 'luɔle- -kɛ 'ayi "ku.

Luke 21:35

'Ɛ te -kɛ 'anye vu 'ŋudɔsokwli 'nasɛ. "Naa- -wa -ko dodo ne "ku 'klekle -wɛ 'ye 'ɛ "kɛ -lɔ 'wlime gbli 'sokwli 'nasɛ.

Luke 21:8

Zezu nɛɛ: «'A 'luɔle- -kɛ 'ayi "ku, 'nyɔkpɔ te -kɛ 'anye ylo no.» "Naa-, 'nyakpa -kwleyia yi 'ce yi 'neɛ 'tɔ "me, ne 'wa yi no nɛɛ: «'Mɔɔ ne lɛ, lɔbhɔ -ylɛ, 'a toa 'ce 'gɛle-.

Luke 8:14

'Ɛnɛɛ -ɛ -bhli -kpɛcɛ -jijɛ "ku -wɛ, -wa 'no- Lagɔ 'na weli "me "ne -wa 'pɔ zikpɛ "ku 'na -li 'klekle "ku 'dle sɛgbɛɛ -klɔgbɔ "ne zikpɛ "ku 'na 'ŋwanali 'na 'dletɛleɛ gbɔ "ne 'wa "ne tlo bhi.

1 Kolɛtenya 5:11

'E kɛle- nɛ 'anye "ku -gbɔ: «'Klecɛnyɔ -ɔ -noɔ 'gbozlɛnyɔ yɔ -wɛ "bhaa 'a te "ku kole.» 'E -bhulɛ nɛ 'klecɛnyɔ 'na -ɔ -noɔ 'winyɔ yɔ, "ne -ɔ bɔbɔ "fu 'na lagɔ, "ne -ɔ 'yli 'ɔlua, nogbinɔmɔnyɔ, "ne 'ɔ 'tɛ- -wɛ. Sɔbhɔ 'na nyɔ -wɛ "bhaa 'a te 'gɔme lile- gou!

1 Kolɛtenya 6:10

'winya, -wa 'tɛ- -wɛ, nogbinɔmɔnya, -wa 'yli 'walua, 'kpokponya, sɔbhɔ -nɛɛ' 'nya -wɛ 'na 'glidɛ "ne 'ce Lagɔ 'na 'Kamalezikpɛ "me -ko!

Galatenya 5:20

"Ne 'wa bɔbɔ -lɔ "fu 'na lagɔ, "ne 'wa -ko me 'lelee -lɔ gu 'na mɔ, 'wa "ne sɔbhɔ 'walua 'yli, 'wa no -lɔ gbo, "ne 'wa no -lɔ lɔbhɔzo, "ne 'wa 'pɔ -lɔ 'kɛle, "ne 'wa 'tɛle -lɔ 'walua 'na yɔkomepleɛ siɛ, "ne 'wa dliɔdliɔle -lɔ "me -zakpɛ -zakpɛ "ku, "ne 'wa 'glɛglɛle -lɔ keyi.

Filiponya 4:6

-Bɛɛ' 'na 'dlebhɛ te 'anye 'lɔbhɔ, -mɔ, -dee 'ɛ "mɛ -ko "ne -dee 'ɛ kɛ -ko, 'a zlɛ Lagɔ -ye 'a 'yɔbhɔ -wɛ, bhubhɔweli "me, "ne 'dle 'na -dle kɔ, -se 'a 'bhɔlo-.

Eblenya 12:15

'A luɔ- -kɛ, -se Lagɔ 'na -jɔlɔ -ye 'ɔ 'nyɛ 'anye -wɛ 'nyɔkpɔ te -kɛ 'ɛnɛɛ "ku to-! 'Anye 'glɛme, su -ɛ 'kɛle nu -wɛ te -kɛ mi, -se -ɛnɛɛ 'kɛkɛle -wɛ te -kɛ 'anyɛɛ -zakpɛ -babadi pla-.

2 Piɛle 3:10

Anyinɛnyɔ 'na yi -zle yi 'anye 'vu sɛgbɛɛ 'winyɔ. "Ɛ -zle -wɛ, "nɔgɔ yi 'ce "kubhiɛ 'kple "yitɛ "me, -kosu yi "nɔgɔ "me 'na -zeli "ku bhia-, dodo "ne -li 'klekle 'ɛ -ko "ɛ dodo ne "ku -wɛ -kosu 'yi siɛ 'fefe, dodo -nyɛ dodo ne "ku 'na nyakpa 'na nonoli 'klekle yi 'ce gbobhleleɔ-.

2 Piɛle 3:14

-Ɛwɛza, 'dle -glɛ 'titoa nye, -dee 'a -wo -mlɛ "ɛ 'yli -wɛ, 'a 'gwele- kɔ -se 'a "kɛ 'wlele ko, -se 'a te -kɛ 'nuɔsɔbhɔledɛ kɛle- Lagɔ 'yliku, "kuwɛtɛ "me.

'Ylikloylɛleweli 3:3

-Neɛ' 'dle 'sibhɔ -kɛ -ye 'wa -sloa -eyi "ne -ye -e 'no- "me -wɛ "ku. Slule- -eyi "me -se 'bheliɔ kɔ. -E "mɔ -kɛ 'yla "me 'bha- ne, 'e yi -eyi "ku 'libhi vuvusɛ sɛgbɛɛ 'winyɔ, -e -ka -sɔɔdɛku 'e "kɛ yi -wɛ yibhlele-.