Luke 20:47 - Nouveau Testament bété de Gagnoa

⁴⁷ 'Wa -sɛ 'kwiziŋwenea 'lɛɛ "me, 'wanɛɛ bhubhɔweli 'tloma "me kpɛnyee -ɛwɛza, 'gbobhle dɛku kɛ 'ce -yi, 'wa -nɛ yi 'ce "me "tamale- kpɛnyee.»

Luke 20:47 Iomraidhean Croise

Matie 23:13

'Kpilɛkpilɛ 'ye 'a lale -kɛ -lɔ 'ayi "ku -Lɔsloanya -nyɛ Faliziɛnya "bhaa, 'ylisiɛtelenya nye -lɛ! "Naa- 'a 'gba -lɔ Lagɔ 'na 'Kamalezikpɛ "me 'na -gbulɛ 'alua 'yliku. 'Anye 'nabhɛ 'a -ka "bhle plɛ, "ne -wa 'yɔbhɔ -gbɔ 'wa "kɛ "bhle plɛ -wɛ, 'a nɛɛ 'wa te "bhle 'plɛ.

Matie 23:14

['Kpilɛkpilɛ 'ye 'a lale -kɛ -lɔ 'ayi "ku. -Lɔsloanya "ne Faliziɛnya 'ylisiɛtɛlenya nye -lɛ, 'a sɛ 'kwiziŋwenea 'na -ye 'wa -kɛ 'klekle -wɛ kɔ, "ne "ɛ -gbabhuɛ -bhele -wɛ "me, 'a 'tlomalea -lɔ bhubhɔweli "me, 'wa kɛ -kɛ 'anye 'ylɛ zɛ, 'ɛnɛɛ za, 'anyɛɛ 'gbobhleleɛ "kɛ 'ce -lɔ "me "tamale- kpɛnyee.]

Malke 12:40

'Wa -sɛ 'kwiziŋwenea 'lɛɛ "me. 'Wanɛɛ bhubhɔweli 'tloma "me kpɛnyee, -ɛwɛza, 'gbobhle dɛku kɛ 'ce -yi, 'wa -nɛ yi 'ce "me "tamale- kpɛnyee.»

Luke 12:1

"Ɛ "tɛnye -wɛ "me, 'nyakpa 'na 'wulu -vlugbo 'yɔbhɔle- 'awɔ lɔbhɔ 'wli, "ne 'wa 'gwegwele 'awɔ yɔko "me. "Ne Zezu bhulɛle -lɔ 'ɔnɛɛ gɛlenya nɛɛ: «'A 'luɔle- -kɛ faliziɛnya 'na manyɔ "ku, "naa-, 'yli 'wa 'tɛle -kɛ siɛ zɛ.»

Luke 20:46

«'A 'luɔ- -kɛ, 'a te 'ce -Lɔsloanya 'na -li no! 'Wawɛ, 'wa -wa 'nyakpa 'na 'ylikunɔŋoɛ 'wanɛɛ "koti -glɛgbɛ "bhaa, -glɔ kɛ "bhle -bhiɛ, ŋwɛnɛɛ 'wa 'bhɛloa "ɛ 'digbɛ -wɛ "me, "mebhubhɔlebhudu "me, 'waa- 'gli- -lɔ 'yuku, lilɛlidɛ "me 'waa- -gɛ -lɔ 'yuku.

Luke 21:1

Zezu libhi- 'wli "ku. 'Ɔ 'wolo -wa 'piɛ bɔbɔli -dɔkɔ "me -wɛ "ku. Lɛkɛlenya yoa 'awɔ -lɔ.

1 Tesalonikenya 2:5

"Ne -a -yi 'lelee sɛ -gbɔ -a -na 'ce -zɛ 'nyakpa ylo no, "ne Lagɔ -yi sɛ -gbɔ -a -na 'ce -zɛ 'dle "pɔ -gbɔ 'wa 'je -anye 'dlasi kɔ.

Tite 1:16

'Wa no -lɔ -gbɔ 'wa -yi Lagɔ, -mɔ, 'wanɛɛ nonoli "me, 'wa "ne lagɔnya 'wlole-. 'Wa "ne "klo wolo -sɛ -kɛ, 'wa "ne "zo 'plome "ne 'wa "ne no -li 'na -li.

Zake 3:1

-Nyɔsɔwanye, 'anye 'klekle, 'a te sloanya "zo! 'A -yi sɛ -gbɔ -anye -wa sloa ne, -anyɛɛ gbobhleleɛ yi 'ce "me "tamale- "ne 'ɛ yi -alua nɛ "ku zi.