Luke 20:44 - Nouveau Testament bété de Gagnoa

⁴⁴ Soɔ za Davide lɔ- -lɔ Anyinɛnyɔ, sɔɔbɛɛza 'ɔ "kɛ bhɔ 'lelee Davide 'na yu "zo 'a?

Luke 20:44 Iomraidhean Croise

Matie 1:23

'A -gɛ 'yli, 'ŋuyu digbɔ -ɔ -namlɛ 'widi yibhlele- yi go 'ye, "ne 'ɔ yi 'widiyu gwɛle- "ne 'wa yu 'ce Emanuɛle la, 'Ɛ sɛ zɔ nɛɛ: Lagɔ "bhaa -a -kole "ku.

Luke 2:11

'Wa -gwɛle -zeka 'na zle ne "me, Davide 'ɔ 'luku, Fuɔnyɔ -ɔ -noɔ lɛ "Bhenyɔ Klise yɔ ne.

Luke 20:43

-Se 'e "kɛ -neɛ' -gblenya -eyi bhɔzɔ "zo "bhuɔ.

Luke 20:45

-Sɔɔdɛku -zakpɛ -fo nɛ 'yukwli 'ɔ yi -lɔ 'ɔnɛɛ gɛlenya bhulɛle- nɛɛ :

Wlomɛnya 9:5

'wa 'to 'wa 'to 'wɔ 'ŋlumenya "yitia 'waa -lɔ. 'Wanɛɛ -gligbɛ "ku 'wa -gwɛlele -lɔ Klise 'nyɔkpɔ sɛku, 'ɔyi, -ɔ -noɔ Lagɔ yɔ "ne -ɔ zi "ku 'klekle. 'Ɔ me 'ŋlu -godogodo! Amɛn.

Galatenya 4:4

-Sɔɔdɛku, "tɛnye -ylɛ lɛ ne, Lagɔ -lebhe 'ɔ Yowli. 'Ŋɔnɔ -gwɛlo -lɔ "ne 'ɔ "zo me nɛ Moyize 'na -Lɔ 'plome.

1 Timote 3:16

-Ɛɛ, -diɛɛ yɛ -lɔ. Lagɔ 'na -diɛweli -ɛ zizɔ- 'Denaade "me "ne -a yibhlele- 'dlekukɛleɛ "me -wɛ 'kpɔ kpɛnyee. Klise tua- -anye 'ɔyi 'ylime 'nyɔkpɔ sɛ; 'Ɔ ŋwinɛle- "me, Zuzu Wlewle 'ŋunu -me "ku, "nɔgɔzilia 'yo- 'ylime, "Ne 'wa -tuɔ -glɔ 'klekle 'ylime, 'Wa -kɛlo 'dleku dodo ne "ku, "Ne "nɔgɔ "me, 'ɔ -me 'ŋlu.

'Ylikloylɛleweli 22:16

-Ame Zezu, 'e -lebhe 'na "nɔgɔzilɔ -se 'ɔ "kɛ Lagɔgligbɛ "me 'na 'nyakpa bhulɛle- -gbɔ "ɛ weli -wɛ 'klekle 'diɛɛ yɛ -lɔ. -Klɔgbɔnyɔ Davide 'na ŋeyi "me 'ye 'ɛ 'bhale -lɔ "ne 'e -noɔ -lɔ 'ɔnɛɛ -gligbɛ "ku 'na yu yɔ, -mɔɔ -noɔ -lɔ 'zegbakpɔme 'na -zeli -ɛ 'le -wɛ yɔ.