Luke 20:36 - Nouveau Testament bété de Gagnoa

³⁶ 'Wa -ka 'ce -la "ku. "Naa- "nɔgɔzilia 'nasɛ 'wa "kɛ -lɔ ko. 'Wayi -wɛ Lagɔ 'na yua 'waa -lɔ, "naa- 'ɔ -soa glu zɛ.

Luke 20:36 Iomraidhean Croise

Matie 22:30

"Naa-, -glukonya kɛ 'ce gluzɔ 'wlo- ne, 'widi -nyɛ 'ŋɔnɔ "bhaa 'wa -ka -la 'kwɔkwɔle-. -Mɔ, 'wa yi 'ce "nɔgɔzilia 'nasɛ ko "nɔgɔ "me.

Malke 12:25

-Glukonya "kɛ 'ce gluzɔ 'wlo- ne, 'widi -nyɛ 'ŋɔnɔ "bhaa 'wa -ka -la 'kwɔkwɔle-. -Mɔ, 'wa yi 'ce "nɔgɔzilia 'nasɛ ko "nɔgɔ "me.

Wlomɛnya 8:16

Zuzu Wlewle 'ɔyigɛsɛ bhulɛle -lɔ -anye nɛɛ: Lagɔ 'na yua 'ye -a -noɔ.

1 Kolɛtenya 15:26

'Bebhiɛle 'gblenyɔ 'na 'ye Lagɔ "kɛ 'ce "ku 'bhia 'pa- -lɔ 'kwiɛ.

1 Kolɛtenya 15:42

Zle -glukonya kɛ 'ce gluzɔ 'wlo-, 'ɛ sɛbhele -wɛ 'ye 'ɛ "kɛ 'ce -lɔ ko, "naa-, 'ye -wa "zo dodo "me sɛgbɛɛ -bagu yɛ -wɛ, ku 'na 'ɛ "kɛ 'zu yɛ -lɔ. -Mɔ, 'ɛ "kɛ -la gluzɔ 'wlo "bhuɔ ne, 'ɛ -ka -la 'zu.

1 Kolɛtenya 15:49

"Ɛ sɛbhele -wɛ, -anye, -a 'wlole- -dɛme 'nyakpa -ye -wa -no 'bhibhi "ku -wɛ. -Mɔ, lɔbhɔ "kɛ "me 'gwlɛ ne, -a 'yi 'lelee 'nyɔkpɔ -ɔ 'bhale "nɔgɔ "me -wɛ 'wlole.

Filiponya 3:21

"Ne 'ɔ "kɛ -lɔ -anyɛɛ ku -ɛ gbape -wɛ, 'ɔnɛɛ 'ŋlumeku -ɛ "ne "ku -wɛ "me zigbalea-. 'Ɔnɛɛ 'bhɛloɛ "yitɛ -ɛ gbɔ "ne 'ɔ zi -li 'klekle "ku -wɛ "me 'ye 'ɔ "kɛ -lɔ "ɛ -li -wɛ 'klekle nole-.

'Ylikloylɛleweli 20:6

-Wa 'wlo- gluzɔ tɛɛ -wɛ, 'ŋwɛnɛ 'lɔbhoa, 'wa -noɔ Lagɔ -noa 'waa -wɛ. 'Kwiɛ 'na "sɔnɛ "ne -la 'wanɛɛ moɔ 'bhɛloɛ -kɛ. 'Wa yi Lagɔ -nyɛ Klise "bhaa 'na bɔbɔnya "zo, "ne Klise "bhaa 'wa yi 'kamalea- 'ylobɛ 'na -gɛmɛnɛ -wlulu -bholo (1.000) 'na dɛ.

'Ylikloylɛleweli 21:4

'Ɔ yi 'ce 'ylime 'na miɛ 'klekle siɛ- "ne 'kwiɛ -ka 'ce -la 'lele-, -gbuduwuɛ, "mekpɛɛ, "ne 'gbapegbapeɛ -ka 'ce -la 'lele-, "naa-, zikpɛ -gɔgɔ -bhiɛ "ku zɛ.

'Ylikloylɛleweli 22:9

-Mɔ, "nɔgɔzilɔ -bhulɛle -ame nɛɛ: "Luɔ -kɛ, te -kɛ sɔbhɔ no. "Kulɔbhɔnyɔ 'ye 'e -noɔ -me -lɔ -neɛ' sɛ, sɛgbɛɛ -e "nowlia -nyɛ -e "nɔyoa 'wɔ, "guɔkwɔmenya 'wɔ 'nasɛ, "ne -wa "zo -ɛ -ko "ɛ "bɔgo ne "me 'plome -wɛ 'nasɛ. Lagɔ 'ye -e "kɛ -lɔ "zo.