Luke 20:24 - Nouveau Testament bété de Gagnoa

²⁴ «'A tua- -na -ame "ɛ 'tamayɛ -wɛ 'ylime! -Nyɔ 'na 'wli -ko bhɔ "klo, "ne -nyɔ 'na 'tɔ 'wa kɛle- bhɔ "klo?» Ŋwɛnɛɛ: «"Naa-, 'Kamalenyɔ Sezale yɔ -lɔ.»

Luke 20:24 Iomraidhean Croise

Matie 18:28

"Ɛ 'nyɔkpɔ ne 'wlo- lɛ zɔ ne, 'ɔluyu -nyɔ "bhaa 'wa -no libhɔ "ne -ɔ -kɛ 'ɔnɛɛ 'dlasi 'tekeyi 'na 'gɛgbo "bhaa 'wa yi -lɔ "ku 'sibhɔle-. "Ne 'ɔ yu -lɔ 'sa -gli! "Ne 'ɔ yu -lɔ blo "ku 'sale klekle, 'ɔ nɛɛ: 'Flee- 'na 'gɛgbo.

Matie 20:2

"Ne 'wayi 'wɔ "bhaa, 'wa yi -lɔ 'ɛnɛɛ 'kpɛ 'di, 'lɛɛbhenyɔ nɛɛ: 'Tamayɛ -bholo 'ye 'e "kɛ -kɛ -lɔ -ɔkɔkokɔko 'peɛle 'yli -bholo "me, "ne 'wa yua -lɔ "ɛ vinyelɛ "me kɔme-.

Matie 22:20

"Ne 'ɔ yua -lɔ lo 'yɔbhɔ nɛɛ: «"Ɛ 'tamayɛ ne "klo, -nyɔ 'na 'wli "ne -nyɔ 'na 'tɔ -ko bhɔ lɔbhɔ -tia 'a?»

Malke 12:16

'Wa -tua Zezu 'tamayɛ 'ylime. 'Ɔ nɛɛ: «"Ɛ 'tamayɛ ne -nyɔ 'na 'wli -ko bhɔ "klo, "ne -nyɔ 'na 'tɔ 'wa kɛle- bhɔ "klo?» Ŋwɛnɛɛ: «"Naa-, 'Kamalenyɔ Sezale yɔ -lɔ.»

Luke 2:1

'Ɛ dɛ -wɛ "ku, 'ye 'kamalenyɔ Ojute 'pɔ- 'awɔ -lɔ "bɔgo -gbɔ 'wa "zo 'ɔnɛɛ -glɔ "me 'na 'konya 'klekle "bɔgo "me.

Luke 20:22

-A yi bhɔ -lɛpo 'peɛle 'Kamalenyɔ Sezale kɔ? -Mɔ, -a -cɛ bhɔ 'peɛle?»

Luke 20:23

Zezu -yibhlele sɛ -gbɔ, 'nyakpa -gbeyia 'waa -lɔ "ne 'ɔ yua -lɔ bhulɛle- nɛɛ:

Luke 20:25

"Ne 'ɔ yua -lɔ bhulɛle- nɛɛ: «-Ɛ -noɔ 'Kamalenyɔ Sezale -nɛ yɛ -wɛ, 'a 'je Sezale kɔ. -Ɛ -noɔ Lagɔ -nɛ yɛ -wɛ 'a 'je Lagɔ kɔ.»

Luke 23:2

'Wa -ylɛ lɛ lɔbhɔ ne, "ne 'wa yi -lɔ Zezu gbo 'wlime "gbli nɛɛ: 'Nyɔkpɔ -ɔ nyimɔ 'anyɛɛ -glɔ, 'ɔɔ ne lɛ. 'Ɔ nɛɛ: 'Wa te 'Kamalenyɔ Sezale kɔ -lɛpo 'peɛle "ne 'ɔ la -lɔ 'ɔyi 'Fuɔnyɔ "ne -klɔgbɔnyɔ.

Luke 3:1

-Sɔɔdɛku 'Kamalenyɔ Tibɛle Sezale me 'awɔ 'ŋlu 'na 'ylobɛ kogbɔ 'umgbu nɛ -wɛ "me, Pɔse Pilate 'kamalea Zude -glɔ. Elode Atipa 'kamalea Galile-glɔ 'ɔ "nɔwli Filipo 'kamalea Itule "ne Tlakonitide, Lizaniase 'kamalea Abilɛne.

Nonoli 11:28

"Ne 'wanɛɛ 'glɛme 'na -bholo -ye 'wa la Agabuse -wɛ, "ne 'ɔ yi -lɔ Zuzu Wlewle "me bhulɛle- nɛɛ: Ŋɔŋo 'na "yitɛ yi -kɛ -glɔ 'klekle "ku yi, -diɛnadiɛ, wlɔmo 'na -klɔgbɔnyɔ "yitɛ Klode 'na "tɛnye -wɛ "me 'ye 'ɛ -yi 'awɔ -lɔ.

Nonoli 26:32

"Ne Aglipa yi -lɔ Fesetuse bhulɛle- nɛɛ: «"Ɛ 'nyɔkpɔ ne -a yu nɛ -kɛ 'yi 'tale, 'ɔ "mɔ nɛ -kɛ -anyɛɛ -Klɔgbɔnyɔ "yitɔ Sezale bhulɛle -gbɔ 'ɔ "kɛ 'ɔnɛɛ gbo 'bhle ne.»

Filiponya 4:22

Lagɔ 'na yua 'klekle -wa -ko "ɛ 'du ne "me -wɛ 'bhɛle 'anye. 'Wa bhɛle -tiaa -wa lɔbhɔ 'Kamalenyɔ Sezale "ku -wɛ.