Luke 20:21 - Nouveau Testament bété de Gagnoa

²¹ "Ne 'wa yu -lɔ lo 'yɔbhɔ nɛɛ: «Slonyɔ, -a -yi sɛ -gbɔ -e bhulɛ gbaa "ne -e "ne 'gu 'nyɔkpɔ -gɛ, -ye Lagɔ no -gbɔ -a no, 'ɛyi 'ye -e bhulɛle -lɔ -anye.

Luke 20:21 Iomraidhean Croise

Matie 22:16

"Ne 'wa yi -lɔ 'wanɛɛ gɛlenya 'na yɛ "ne Elode 'na keyikonya 'na yɛ Zezu "ku 'lebhele- -gbɔ 'wa yi -se 'wa "kɔ bhulɛle- nɛɛ: «Slonyɔ, -a -yi sɛ -gbɔ -e bhulɛ gbaa, "ne -ye Lagɔ no -gbɔ -a no -wɛ, -e sloa -anye gbɛklɛklɛ "me, "ne -e "ne 'gu 'nyɔkpɔ -gɛ gou, "naa-, -e "ne 'wolo- 'nyɔkpɔ 'na kosɛ "ku.

Malke 12:14

Ŋwɛnɛɛ: «Slonyɔ, -a -yi sɛ -gbɔ -e bhulɛ gbaa "ne -e "ne 'gu 'nyɔkpɔ -gɛ "ne -e "ne 'wolo- 'nyɔkpɔ 'na kosɛ "ku. Gbɛklɛklɛ 'ye -e sloa -lɔ -ye Lagɔ -no -gbɔ -a no -wɛ, "nyɛ -anye 'de: -A yi bhɔ -lɛpo 'peɛle 'Kamalenyɔ Sezale kɔ? -Mɔ, -a -cɛ bhɔ 'peɛle?»

Luke 20:20

'Ɛ 'bhale- "ɛ doɔ -wɛ, 'wa gɛleɔ- nɛ yli "ne 'wa yu nɛ -lɔ faliziɛnya "ku 'lebhele-, 'wa "kɔ "me 'bea- zɛ. -Se 'wa "kɔ gbɔflɔnɔmɔ kɔme-.

Luke 20:22

-A yi bhɔ -lɛpo 'peɛle 'Kamalenyɔ Sezale kɔ? -Mɔ, -a -cɛ bhɔ 'peɛle?»

Zezu Kli 'na 'Denaade ‑ye Zaa kɛle‑ ne lɛ 3:2

'Ɔɔ -yi -lɔ 'sabo "me Zezu 'ylime 'ye ka, "ne 'ɔ yi -lɔ Zezu bhulɛle- nɛɛ: «"Bhenyɔ -a -yi sɛ -gbɔ Lagɔ -lebhe -lɔ -eyi; "Naa-, -li 'klekle -ye -e no doɔ -wɛ, 'nyɔkpɔ 'na -ɔ -nyɛ Lagɔ "bhaa 'wa "mɔ "ku -kole ne, 'ɔ "ne 'bhɛle- 'ɔ 'cɛ no- zɛ.»

2 Kolɛtenya 2:17

Lagɔ 'na 'Denaade -ye -a sɛ -wɛ, -a -na kɛ no -gbɔ 'wa "kɛ -anye 'dlasi "nyɛ -see 'nyakpa -kwleyia sɛ -wɛ. -Anye, 'gbaa 'ye -a bhulɛ -lɔ Lagɔ za, Lagɔ 'yliku, Klise 'na "kulɔbhɔnya 'nasɛ.

Galatenya 1:10

'Nyakpa 'na "kukoleɛ, -mɔ, Lagɔ -nɛ 'ye 'e 'tɛle bhɔ 'siɛ, -mɔ, 'nyakpa 'na -gɛnamaleɛ 'ye 'e 'tɛle bhɔ siɛ -a? 'Bhɔ. 'E kɛ nɛ no -gbɔ 'e "kɛ nɛ 'nyakpa -gɛ namale- ne, 'e -ka nɛ Klise 'na "kulɔbhɔnyɔ "zo.

Galatenya 2:6

Lagɔgligbɛ 'na 'ylikugɛlenya -ko -me nɛ lɔbhɔ. -Mɔ, 'wanɛɛ -ye 'wa -noɔ -wɛ 'ɛ "ne -ame 'ylime -bɛɛ' -noɔ -le. Sɛko -wɛ Lagɔ "ne seselia 'nyakpa "me. "Ne "ɛ Lagɔgligbɛ "me 'na 'ylikugɛlenya "ne -ame weli 'na -vinɛ -bhulɛle.