Luke 20:17 - Nouveau Testament bété de Gagnoa

¹⁷ "Ne Zezu yua -lɔ "ku 'wolo- -vlee, "ne 'ɔ yi -lɔ no- nɛɛ: Weli -ye 'wa kɛle- -wɛ, -see 'ɛ sɛ bhɔ zɔ 'a? 'Tiyi 'na -ye -bhudusɔbhɔnya 'pɔ- 'kwlɛ "me -wɛ, 'ɛɛ "zo- -da -lɔ -bhudu 'na jijɛtiyi.

Luke 20:17 Iomraidhean Croise

Matie 21:42

"Ne Zezu yua -lɔ bhulɛle- nɛɛ: «'A -zɛle -lalɛce welicibhɛ ne Lagɔbɔgɔ "me "me. 'Tiyi 'na -ye -bhudusɔbhɔnya 'pɔ- 'kwlɛ "me -wɛ, 'ɛɛ "zo- -da -lɔ -bhudu 'na jijɛtiyi. Anyinɛnyɔ Lagɔ -no -lɔ "ɛ -ɛwɛ 'klekle. -Bɛɛ' 'na -ɛ 'nɛne -anyɛɛ dɛku yɛ -lɔ.»

Malke 10:23

Zezu -wolo 'ɔnɛɛ gɛlenya -wa -blu -wɛ "ku, "ne 'ɔ yua -lɔ bhulɛle- nɛɛ: «Lɛkɛlenyɔ "kɛ Lagɔ 'na 'Kamalezikpɛ "me plɛ, 'ɛ 'tɛ- "me kpɛnyee!»

Malke 12:10

'A -zɛle -lalɛce welicibhɛ ne Lagɔbɔgɔ "me "me. 'Tiyi 'na -ye -bhudusɔbhɔnya 'pɔ- 'kwlɛ "me -wɛ, 'ɛɛ "zo- -da -lɔ -bhudu 'na jijɛtiyi.

Malke 3:5

"Ne 'ɔ yua -lɔ "kɛlesɛ 'ylime 'glole- 'klekle. 'Dle 'gbapelo "me -see 'wa 'tɛ- 'yukwli "me -wɛ za. "Ne 'ɔ yi -lɔ "ɛ sɔyɔkobhlinyɔ -wɛ bhulɛle- nɛɛ: «Glo -neɛ' sɔ -wɛ "me.» 'Ɔ 'cɛ "me 'glo ne, 'ɔnɛɛ sɔ -yamale.

Luke 19:41

-Sɔɔdɛku Zezu 'nyiɔ- Zeluzalɛme yɔko ne, 'ɔ 'cɛ 'ylime 'ye ne, 'tu 'ye 'ɔ 'tu- -lɔ 'ɛnɛɛ za.

Luke 22:37

"Naa- 'ɛ kɛleɔ- nɛɛ: 'Wa -zɛle -mo 'nyakpalɔbhɔnya 'glɛme. "Ne "ɛ welicibhɛ -wɛ, 'ɛ yi 'yli 'wlole 'neɛ za.»

Luke 22:61

"Ne Anyinɛnyɔ yi -lɔ 'beme 'yli "pɔ "ne 'ɔ yi -lɔ Piɛle "ku wolo-. "Ne Piɛle 'na 'dle yi -lɔ "Bhenyɔ 'na weli -ye 'ɔ -bhulɛlo -wɛ "ku 'luɔle-. «Nunu -gba "pɔ 'weli 'sabo ne "me, -e 'ya -lɔ "ku ta 'na lo -sɛle.»

Luke 24:44

"Ne Zezu yua -lɔ bhulɛle- nɛɛ: «-sɔɔdɛku 'e -ko -na nɛ 'anye 'glɛme -wɛ 'na weli -ye 'e -bhulɛle nɛ 'anye ne lɛ: -Ye 'wa kɛle- 'klekle 'neɛ za Moyize 'na gbagbɛ "me, "guɔkwɔmenyɔ "ne bhubhɔweli "me "kɛ 'yli 'wlole za yɛ -lɔ.»

Zezu Kli 'na 'Denaade ‑ye Zaa kɛle‑ ne lɛ 15:25

-Ɛ 'kɛleɔ- 'wanɛɛ gbagbɛbɔgo "me -wɛ "kɛ 'yli 'wlole za yɛ -lɔ: 'Wa -gble 'awɔ 'ce "fu -ame.

Nonoli 4:11

Lagɔbɔgo -bhulɛ 'ɔnɛɛ "kukoweli nɛɛ: 'Tiyi -ye 'anye -bhudusɔbhɔnya 'pɔ- 'kwlɛ "me -wɛ, 'ɛɛ "zo- -da -lɔ -bhudu 'na jijɛtiyi.

Efɛzenya 2:20

"Naa-, 'a -ko sɛgbɛɛ -bhudu -ye 'wa 'sɔbhɔle "kɔlepɔnya "ne "guɔkwɔmenya "klo -wɛ 'na -tikpɛ, Zezu Kli 'nabhɛ -ko sɛgbɛɛ 'ɛnɛɛ 'gwegwe "me 'na 'tiyi.

1 Piɛle 2:6

"Naa-, Lagɔ-bɔgo "me, Lagɔ nɛɛ: «'A 'wolo "ku! 'E -tɔ 'tiyi 'na -ɛ -kɛ 'neɛ 'dle kɔ. 'Ɛɛ -kɛ -lɔ -bhudu kɔ sɛgbɛɛ -jijɛgblɛ, "ne 'e "zo- -lɔ Sinyɔ -du "me. -Ɔ 'cɛ 'dleku -kɛ, zu -kɔ 'lɔbhɔ.»