Luke 20:16 - Nouveau Testament bété de Gagnoa

¹⁶ 'Ɔ kɛ -yi, 'ɔ yi "ɛ libhɔnonya -wɛ 'lɔbhɔ "ne 'wa yi "ku, "ne 'ɔ yi "ɛ vinyelɛɛ -wɛ -vinya kɔ 'je. -Mɔ, 'wa 'no- lɛ "ɛ weli -wɛ "me, ŋwɛnɛɛ: «'Bhɔ, 'ɛ te -kɛ sɔbhɔ ylɛle- gou.»

Luke 20:16 Iomraidhean Croise

Matie 21:34

-Mɔ, ylɛzɛ 'na -sɛ dɛku -ylɛ lɛ ne, 'lɛɛbhenyɔ yi -lɔ 'ɔnɛɛ "kulɔbhɔnya, libhɔnonya "ku 'lebhele- nɛɛ: 'Wa 'jo 'ɛnɛɛ -ye 'wa -ylele keyi -wɛ kɔ.

Matie 21:41

"Ne lagɔnya 'na "cifia yi -lɔ Zezu bhulɛle- nɛɛ: «'Ɔ -ka "ɛ konyinɛnya -wɛ 'na 'nyɛzedle "pɔ, 'ɔ yua 'lɔbhɔ 'klekle, "ne 'wa yi "ku, "ne 'ɔ yi 'lɛɛ -vinya kɔ 'je. "Ne 'ɛnɛɛ 'di dɛku kɛ -yi ne, "ɛ libhɔnonya -wɛ yu 'ɛnɛɛ -ye 'wa -ylele keyi -wɛ kɔ 'je.»

Matie 22:7

"Ɛ -klɔgbɔnyɔ "kɛ "ɛ weli -wɛ "me 'no ne, 'kɛle 'ye 'ɔ 'pɔ- -lɔ "ne 'ɔ yi -lɔ 'ɔnɛɛ "slojanya 'lebhe- -gbɔ 'wa me -se 'wa 'lɔbhɔ "ɛ 'nyakpa -wɛ -se 'wa 'siɛ- 'wanɛɛ 'du "yitɛ -wɛ.

Malke 12:9

Zezu nɛɛ: -See "ɛ 'lɛɛbhenyɔ -wɛ "kɛ bhɔ "zo 'a? 'Ɔ yi yi, "ne 'ɔ "kɛ -lɔ 'lɛɛslunya -wɛ 'lɔbhɔ 'klekle. "Ne 'ɔ yi 'lɛɛ -vinya kɔ 'je.

Luke 19:27

Zaa, 'ɛ kɛ 'neɛ -gblenya, -wa "ne nɛ "ku 'ŋunu- -gbɔ 'e 'kamaloa- nɛ -wɛ, 'a -nɛmoa -dɛne, -se 'a 'diloa -ame 'yliku 'wli "ku.

Luke 20:15

"Ne 'wa yu -lɔ "ɛ 'lɛɛ "me -sɛ, "ne 'wa yu -lɔ 'lɔbhɔ- "ne 'ɔ yi -lɔ "ku. "Ne Zezu yua -lɔ lo 'yɔbhɔ nɛɛ : 'Lɛɛbhenyɔ kɛ -yi ne, -see 'ɔ "koa bhɔ 'sa 'a?

Nonoli 13:46

"Ne Pɔle -nyɛ Banabase "bhaa 'wa yua -lɔ 'dle -wɔtɛsɛ bhulɛle nɛɛ: «'Anye 'wa "kɛ nɛ -lɔ "ɛ Lagɔweli bhulɛle- tɛɛ! -Mɔ, 'a -sɛ 'ɛnɛɛ lo "ne 'a 'bhlele -lɔ 'ayigɛsɛ 'ayi gbo nɛɛ: 'A "ne 'bhɛle- "ne 'a "kɛ -zikpɛ 'na -ɛ -ka "kubhiɛ -wɛ yle. 'Ɛza, -a mele- -da -lɔ -wa "ne Lagɔ -yi -wɛ lo.

Wlomɛnya 11:1

Zaa, lo 'e 'yɔbhɔ -kɛ: Lagɔ yi nɛ "kɛ bhɔ Izlayɛleyua 'kwlɛ "me 'pɔ? 'Bhɔ gou! "Naa- -ame, Izlayɛleyu 'ye 'e -noɔ -lɔ, Ablame 'na ŋeyi "me 'ye 'e 'bhale -lɔ, "ne 'e -noɔ -lɔ Bɛzamɛ 'na -gligbɛ "ku -nɔ yɔ.

Wlomɛnya 11:11

Zaa lo 'e 'yɔbhɔ -kɛ: Zufonya -bhli bhɔ -gbotu 'yli -godogodo 'na dɛ 'a? 'Bhɔ gou! -Mɔ, 'wanɛɛ 'ye 'wa "ne 'plome "zo -wɛ 'na 'ylime, -wa "ne zufonya 'waa -wɛ -yle -lɔ 'popoɛ. Sɔbhɔ za Izlayɛleyua, 'walua yua 'lelee -lɔ 'ylime -kamale.

Wlomɛnya 3:31

Zaa, -a kɛ 'dleku -kɛ ne, -Lɔ 'ye -a -na bhɔ foo pla bha? 'Ɛ "ne -soɔ yɛ gou! -Mɔ, -Lɔ 'ye -a "zo -lɔ -bhlegbi "me.

Wlomɛnya 3:4

'Bhɔ gou! -Ye -a "kɛ yibhlele- ne lɛ: Lagɔ bhulɛ gbaa, "ne 'nyakpa 'klekle yonya 'waa -lɔ. "Naa-, Lagɔbɔgo nɛɛ: -Neɛ' bhulɛweli "me 'wa "kɛ -lɔ 'sɛ yibhlele- -gbɔ -e ŋwinɛle- "me. 'Wa kɛ -eyi 'gbobhlele ne, -eyi 'ye 'ɛ "kɛ -lɔ kɔ 'namale-.

Wlomɛnya 3:6

'Bhɔ gou! "Naa-, Lagɔ "mɔ "me ŋwinɛle- ne, -se 'ɔ "kɛ bhɔ -glɔnya 'gbobhlele 'a?

Wlomɛnya 6:15

-Mɔ, -se -a "kɛ -da lɛ 'a? -A "ne -la -Lɔ 'na zikpɛ "ku 'nɔŋo, "naa-, Lagɔ 'na -jɔlo -zikpɛ "ku -ye -a -ko -da -lɔ, 'ɛza, -a "kɛ bhɔ 'nyinyonoli no 'yiɛ? 'Bhɔ gou!

Wlomɛnya 6:2

'Bhɔ gou! 'Kwiɛ "me 'ye -a -ylɛle -lɔ, 'ɛ -gbɔ "ne -anyɛɛ 'nyinyonoli "bhaa -a yi -lɔ yɔko -seliɔ. -Se -a kɛ -na bhɔ -zɛ 'nyinyonoli "me ko 'yiɛ?

Wlomɛnya 7:13

Zaa, -bɛɛ' 'na -ɛ 'nɛne -wɛ yi bhɔ 'nyɔkpɔ 'lɔbhɔ, "ne 'ɔ yi bhɔ "ku? 'Bhɔ gou! -Mɔ, -bɛɛ' 'na -ɛ 'nɛne -wɛ 'ye 'nyinyonoli -ylɛle -lɔ "me, "ne 'ɛ yi -lɔ -ame 'lɔbhɔ. "Ɛ sɛbhele -wɛ 'ye gbagbɛ -gbɔ -lɔ "ne -a yi -lɔ 'sɛ yibhlele- -gbɔ 'nyinyonoli -bɛɛ' 'na "nyɛnye yɛ -lɔ. "Ne 'ɛ yi -lɔ -ame 'ɛnɛɛ 'kpokpo 'klekle 'ylime tua-.

Wlomɛnya 7:7

Zaa, -se -a "kɛ bhɔ lɛ? -Lɔ, 'nyinyonoli yɛ bha? 'Bhɔ gou! -Mɔ, -Lɔ -gbɔ, "ne 'e yi -lɔ 'nyinyonoli yibhlele-. -Lɔ "mɔ nɛ kɛ no -gbɔ 'e 'luyu 'na -bɛɛ' te -eyi 'ylime 'kamale- ne, -e -ka nɛ kɛ 'sɛ yibhlele- -gbɔ -eluyu 'na -bɛɛ' 'na 'ylime 'kamaleɛ 'nyinyonoli yɛ.

Wlomɛnya 9:14

Se -a "kɛ bhɔ lɛ? Lagɔ "ne bhɔ "me ŋwinɛle-? 'Bhɔ gou!

1 Kolɛtenya 6:15

'Anyɛɛ ku, Klise 'na ku 'na 'cibhɛ yɛ -me -lɔ. 'A "ne bhɔ sɔbhɔ za 'sɛ -yi 'a? Zaa, 'e yi bhɔ 'lelee Klise 'na ku 'na 'cibhɛ "ku 'libhi "ne 'e yi bhɔ 'tutu li -ku "zoa? 'Bhɔ -kɛ!

Galatenya 2:17

-Mɔ, -a kɛ -kɛ no -gbɔ -a "kɛ "meŋwinɛlenya "zo Klise 'na 'dlekukɛleɛ "me ne, "ne -a kɛ 'lelee "nyinyonolinonya 'waa ne, Klise, 'nyinyonoli "me 'ye 'ɔ 'sile bhɔ -anye 'a? "Bhɔɔ!

Galatenya 3:21

Zaa, -se 'ɛ sɛ bhɔ zɔ 'a? -Lɔ -nyɛ Lagɔ 'na weli -ye 'ɔ -ple -wɛ "bhaa keyi 'ye 'ɛ -glɛglɛle bha? 'Bhɔ gou! -Lɔ kɛ nɛ kɛ 'bhɛle -se 'ɛ "kɛ zikpɛ "nyɛ, "ne 'nyakpa kɛ nɛ -kɛ 'ɛ -Lɔ -wɛ kɔ sa- ne, ɛɛ -diɛɛ, -Lɔ yua nɛ "meŋwinɛlea.

Galatenya 6:14

-Ame Pɔle, 'e yi 'ayi "kuzia -bɛɛ' -bholo za: Anyinɛnyɔ Zezu Kli 'na klowa -wɛ za. Klowa "klo zikpɛ ne "ku 'na -li kule- -lɔ 'neɛ za, -ame 'lelee, 'e "ku- -me -lɔ zikpɛ ne "ku 'na -li za.