Luke 2:51 - Nouveau Testament bété de Gagnoa

⁵¹ 'Ɔ "zoa- 'plome "ne 'ɔyi 'wɔ "bhaa 'wa yi -lɔ Nazalɛte me, "ne 'ɔ "nɔ kulɛle nɛ -lɔ -ɛ ple 'awɔ -wɛ 'klekle 'dlezɔ.

Luke 2:51 Iomraidhean Croise

Matie 12:46

Zezu -ko -na 'nyakpa bhulɛle- dɛku, "ne 'ɔ "nɔ -nyɛ 'ɔ "nowlia 'wɔ "bhaa yi -lɔ 'du ylɛ-, 'wa -ko zikpoku, 'wa 'yɔbhɔ -gbɔ 'wa "kɔ bhulɛle-.

Matie 3:15

-Mɔ, Zezu nɛɛ: «'Tale- -namlɛ soɔ 'yi, "naa- soɔ 'ye -a "kɛ -lɔ -ye Lagɔ 'yɔbhɔ lo -wɛ no.» "Ne Zaa yi -la -lɔ "ku 'ŋunu.

Malke 1:9

'Ɛ dɛ -wɛ "ku, Zezu 'bha- Galile-glɔ "me 'na 'du -ye 'wa la Nazalɛte -wɛ "ne Zaa yu -lɔ Zludɛbɔ "me batɛme 'nyɛle.

Malke 6:3

'Ɔ "ne Mali yowli -ɔ sli -bhudu -wɛ yɔ? Zake, "ne Zoze, "ne Zude, "ne Simɔ, 'wa "ne 'ɔ "nowlia 'waa? 'Ɔ "nɔyoa 'wɔ "ne bhɔ -dɛne -anye 'glɛme -ko! -Ɛwɛza 'nyakpa "no -lɔ 'dleku -kɛle.

Luke 18:37

"Ne 'wa yu -lɔ bhulɛle- nɛɛ: «Nazalɛte 'na Zezu 'ple -lɔ.»

Luke 2:19

Mali kulɛle 'awɔ "ɛ weli -wɛ 'klekle 'dlezɔ, "ne 'ɔ 'tɛle 'awɔ -lɔ 'ɛnɛɛ zɔsɛsɛ 'siɛ.

Luke 2:39

Zezu 'ɔ 'to -nyɛ 'ɔ "nɔ "bhaa 'wa -no lɛ "Bhenyɔ 'na -Lɔ "me 'na -ye 'wa no -gbɔ 'wa no -wɛ "bhuɔ ne, 'wa -zi 'awɔ Galile -glɔ "me 'wlizɔ, 'wa "luku Nazalɛte.

Luke 4:16

'Ɔ -yi Nazalɛte -mee 'ɔ 'bhoɔle- -wɛ, 'ɔ -plɛ -gbajɛ -zle "mebhubhɔlebhudu "me, -see 'ɔ 'sɛ "kle -wɛ, "ne 'ɔ yi -lɔ "ku -sɔ, -se 'ɔ "kɛ Lagɔbɔgo "me zɛle.

Luke 4:23

"Ne Zezu yua -lɔ bhulɛle- nɛɛ: «'Diɛɛ 'a yi -ye 'a 'yɔbhɔ -wɛ bhulɛ-, "ne 'a yi no nɛɛ: Dotlɛyu, yamalea- -eyi -eyigɛsɛ.» Li 'klekle -ɛ -ylɛle Kafanaɔme -wɛ, 'no -me 'se -neɛ' zoku!

Efɛzenya 5:21

'A "zozole 'plome -se -a "zo Klise 'plome -wɛ.

1 Piɛle 2:21

'Diɛɛ, -ɛwɛza Lagɔ la- -lɔ 'anye. Klise 'nabhɛ 'gbape me 'lelee 'anyɛɛ za, -se 'ɔ "kɛ 'anye -gwe dɛ -sloa, -se 'a "kɛ 'ce 'ɔnɛɛ -gbudu bhli.