Luke 19:47 - Nouveau Testament bété de Gagnoa

⁴⁷ 'Ɔ -ko nɛ zle 'klekle "Mebɔbɔlebhudu "me "ne 'ɔ 'sloale "bhle Lagɔweli. Bɔbɔnya "yitia "ne -Lɔsloanya -nyɛ kamalenya "yitia "bhaa, 'wa 'tɔlo siɛ -se 'wa "kɔ 'lɔbhɔ -se 'ɔ "kɛ "ku.

Luke 19:47 Iomraidhean Croise

Matie 21:23

Zezu "kɛ "Mebɔbɔlebhudu "me plɛ ne, 'ɔ -ko Lagɔweli sloa dɛku "ne bɔbɔnya 'na "cifia -nyɛ 'du "me 'na -gligbɛyitia "bhaa yu -lɔ yɔko 'nyiɔ-, ŋwɛnɛɛ: «-Ɔ 'nyɛ- bhɔ -eyi 'bhɛloɛ "ne -e no bhɔ "ɛ soɔ 'a? Sɔɔbɛɛza, -e no bhɔ "ɛ soɔ -tia 'a?»

Matie 26:55

"Ne Zezu yi -lɔ "ɛ 'nyakpa 'na -zakpɛ -wɛ bhulɛle- nɛɛ: «-Ame, 'a -yi -lɔ 'sa 'ka, "ne 'a -su -lɔ -jijigbɛlɛ, "ne sucibhi kɔ. 'Nyɔkpɔ -gbeyi 'ye 'e -noɔ bha? Zle o -zle, 'anye 'wɔ "bhaa -a -ko nɛ "Mebɔbɔlebhudu "me, 'e sloa nɛ Lagɔweli "ne 'a "ne -ame -bɛɛ' -no.

Malke 11:18

Bɔbɔnya "yitia "ne -Lɔsloanya 'wa "kɛ -see 'ɛ -ylɛle -wɛ "me 'no ne, -see 'wa "kɛ "zo "ne 'wa "kɛ Zezu 'lɔbhɔ -se 'ɔ "kɛ "ku -wɛ 'na -gwe 'ye 'wa -tɛle -lɔ 'siɛ. -Mɔ, 'wa "gu -gɛ. "Naa-, 'nyakpa 'na 'kwleyia -wa nɛ 'ɔnɛɛ sloasɛ.

Malke 12:12

Zufonya 'na "cifia tɛle 'awɔ -see 'wa "kɛ "zo "ne 'wa "kɛ Zezu 'sa -wɛ 'siɛ. "Naa-, 'wa -yibhlele nɛ sɛ -gbɔ nunɛ -ye 'ɔ pɔ- -wɛ 'wayi 'ye 'ɔ ga nɛ -lɔ. -Mɔ, 'wa 'gu nɛ -zakpɛ -gɛ za, 'wa 'tale- -lɔ Zezu 'yi "ne 'wa yi -lɔ me.

Malke 14:1

'Yli "sɔ -to "bhle -se 'wa "kɛ Paake "ne "Fɔlɔ -ɛ "ne manyɔ "me -ko 'na -jajo 'gwlɛle-. -Lɔsloanya -nyɛ bɔbɔnya "yitia "bhaa 'wa "zo- 'wli. 'Wa 'tɛle -see 'wa "kɛ ylɛle- -kplɛkplɛsɛ "ne 'wa "kɛ Zezu 'nyegbea-, "ne 'wa "kɔ 'lɔbhɔ -se 'ɔ "kɛ "ku -wɛ 'siɛ.

Malke 14:49

Zle o -zle, 'anye 'wɔ "bhaa -a -ko nɛ "Mebɔbɔlebhudu "me -wɛ, 'e sloa nɛ Lagɔweli, "ne 'a "ne nɛ -ame 'sa-. -See 'wa kɛle- Lagɔbɔgo "me -wɛ, 'ɛ "kɛ 'yli 'wlole za yɛ -lɔ.»

Luke 19:48

-Mɔ, 'wa "ne 'awɔ -see 'wa "kɛ 'awɔ "zo "ne 'wa kɔ 'awɔ 'sa -yi. "Naa- 'nyakpa -kɛ 'awɔ 'ɔnɛɛ 'yukwli 'fo libhɔ, 'ɔnɛɛ bhulɛweli ze 'awɔ 'wanɛɛ 'dle kɔ zɛ.

Luke 20:19

-Lɔsloanya "ne bɔbɔnya 'na "cifia, 'wa 'yɔbhɔ nɛ -gbɔ 'wa "kɛ nɛ Zezu 'sa cuu. -Mɔ, 'wa 'gu nɛ -zakpɛ -gɛ, "naa-, 'wa -yibhlele nɛ sɛ -gbɔ nunɛ -ye 'ɔ pɔ- -wɛ 'wayi 'ye 'ɔ ga nɛ -lɔ.

Zezu Kli 'na 'Denaade ‑ye Zaa kɛle‑ ne lɛ 10:39

'Ɛza 'wa 'tɛle 'awɔ -lɔ "kusɔ Zezu siɛ -se 'wa "kɔ "nyegbea-, "ne 'ɔ yua -lɔ 'ylime zizɔle-.

Zezu Kli 'na 'Denaade ‑ye Zaa kɛle‑ ne lɛ 18:20

"Ne Zezu yu -lɔ bhulɛle- nɛɛ: «-Glɔ -bhiɛ "bhle "ne 'e sɛle nɛ -lɔ "me. 'E -sloale -godogodo "mebhubhɔlebhudu "me "ne "Mebɔbɔlebhudu "me 'na -dee Zufonya 'yɔbhɔle 'wli -wɛ. 'E "ne -la 'diɛɛ "me weli -bhulɛle.

Zezu Kli 'na 'Denaade ‑ye Zaa kɛle‑ ne lɛ 7:19

Moyize "ne bhɔ 'anye gbagbɛ kɔ 'je-? "Ne 'anye 'glɛme -ɔ "zo 'plome "ne -le zɛ. Zaa, sɔɔbɛɛza 'a 'tɛle bhɔ -ame 'siɛ -se 'a "kɛ -ame lɔbhɔ -se 'e "kɛ "ku 'a?»

Zezu Kli 'na 'Denaade ‑ye Zaa kɛle‑ ne lɛ 7:44

-Bedia 'yɔbhɔ nɛ -gbɔ 'wa "kɔ "nyegbea-, -mɔ, 'nyɔkpɔ "no kɔ 'sa-.