Luke 19:44 - Nouveau Testament bété de Gagnoa

⁴⁴ 'Wa yi 'ce -eyi dutɛmɛ "ku 'sule- -eyi -nyɛ -neɛ' yua "bhaa "ne 'wa yi 'ce -neɛ' za -bhudu 'klekle 'wlɛ "ne -bɛɛ' -ka 'ce lɔbhɔ 'to-. "Naa-, -sɔɔdɛku Lagɔ -yi -eyi "ku 'be 'ka -wɛ, -e "no -yibhlele zɛ.»

Luke 19:44 Iomraidhean Croise

Matie 24:2

Zezu libhi- weli "ku nɛɛ: «'A -gɛ -ɛwɛ 'klekle 'yli 'a? Gbɛklɛklɛ 'e bhulɛle lɛ 'anye, -ɛwɛ, "ɛ 'tiyi -wɛ 'wɔ -ka -la "ku 'pepele-. 'Ɛyi 'klekle yi 'wlɔ-.»

Malke 13:2

Zezu nɛɛ: «"Ɛ -bhudu "yiti -ye -e -gɛ doɔ 'yli -wɛ, 'wa 'yi wlɛ "ne "ɛ 'tiyi -wɛ 'wɔ -ka -la "ku 'pepele-. 'Ɛyi 'klekle yi 'wlɔ-.»

Luke 1:68

Anyinɛnyɔ 'pɔ- 'ŋu, Izlayɛle 'na Lagɔ. "Naa-, 'ɔ -yi 'ɔnɛɛ -gligbɛnya "ku 'be 'ka, "ne 'ɔ -soa galu 'yli.

Luke 1:78

"Naa-, 'anyɛɛ Lagɔ 'na -see 'ɔ -wa 'anye kpɛnyee yɛ -lɔ. 'Ɛnɛɛ 'ylime, -zeli 'bhale "nɔgɔ "me "ne 'ɛ 'le -lɔ 'anye "ku, sɛgbɛɛ gluzɔwloylo,

Luke 19:42

"Ne 'ɔ yi -lɔ sɛne lɛ nɛɛ: «-Eyi 'lelee, -e kɛ nɛ sɛ -yibhlele -gbɔ -e yi nɛ 'yli yɛ ne "me 'kuwɔtɛ yle. -Mɔ, -dɛmeda 'ɛ "ne 'bhɛle-! "Ɛ zizɔle- -eyi 'ylime zaa, -e -cɛ 'ylime 'ye.

Luke 21:6

«-Ye 'a ylɛ doɔ -wɛ, 'yli 'na -vinɛ yi yi, "ne "ɛ 'tiyi -wɛ 'wɔ -ka -la "ku 'pepele-. 'Ɛyi 'klekle yi 'wlɔ-.»

1 Piɛle 2:12

-Wa "ne Lagɔ -yi -wɛ -glɛme, 'a slu- 'ayi 'tee. Lɔbhɔ 'na dɛku, 'wa kɛ 'anyɛɛ "ku 'na weli -nyɛnye bhulɛ -gbɔ 'a no "nyɛnye ne, 'wa yi 'ce 'anyɛɛ -li -namanɔ -ye 'a no -wɛ 'ylime 'ye, "ne -zle Lagɔ -kɛ 'wanɛɛ zipkɛ "me -plɛ, 'wa yu 'ce 'ŋlu 'kwa-.