Luke 19:18 - Nouveau Testament bété de Gagnoa

¹⁸ "Ne 'ɔnɛɛ -vinɔ yi -lɔ yi, 'ɔ nɛɛ: Anyinɛnyɔ, -neɛ' 'dlasi -ye -e 'je- -ame kɔ -wɛ 'e -ylele 'dlasi 'umgbu keyi.

Luke 19:18 Iomraidhean Croise

Matie 13:23

'Yo 'na -ɛ -bhli dodo 'na dodo "me -wɛ, 'nyɔkpɔ 'na -ɔ -fo Lagɔ 'na weli 'yukwli "ne -ɔ 'no- "me 'tee -wɛ yɔ -lɔ. Zaa, 'ɔ tlo bhi "ne 'ɛnɛɛ -bholo -ko yɛ glo 'umgbu 'yli, -ɛwɛ -ko yɛ -glo ta 'yli, "ne -ɛwɛ -ko yɛ -glo -bholo yɛ kogbɔ 'yli.»

Matie 25:22

"Ne -ɔ -yle 'bhɔbhɔ "sɔ -wɛ yi 'lelee -lɔ yi, 'ɔ nɛɛ: "Bhenyɔ, -e 'je- -ame 'bhɔbhɔ "sɔ kɔ, -mɔ, 'bhɔbhɔ "sɔ 'na -vinɛ -ye 'e -yle ne lɛ.

Malke 4:20

'Yo 'na -bedi -ɛ -bhli dodo 'na -dodo "me, 'nyakpa -wa -fo Lagɔweli 'yukwli 'tee 'waa -lɔ. 'Wa 'sale- 'dle "namanɔ "me kɔ. 'Wa -ko lɛ lilɛ 'na -nyɔ 'na 'wlɛ -bholo -tlo yɛ -glo -bholo yɛ kogbɔ, -ɛwɛ -tlo yɛ -glo ta, "ne -ɛwɛ, yɛ -glo 'umgbu.

Luke 19:13

-Sɔɔdɛku 'ɔ "kɛ me -wɛ, 'ɔ la- 'ɔnɛɛ 'kulɔbhɔnya kogbɔ "ne 'ɔ yi -lɔ -badlɛ -gbuɛ 'na -ɛ tɛ- lɛ kpɛ "ku -ɔkɔkokɔko kɔ 'je-. "Ne 'ɔ yua -lɔ bhulɛle- nɛɛ: 'A nole- libhɔ "me 'ɛ -kaa 'neɛ 'wlizɔ -zi -dɛku "kɛ ylɛ.

Luke 19:17

"Ne "ɛ -klɔgbɔnyɔ yu -lɔ bhulɛle- nɛɛ: 'Ɛ 'nɛne, libhɔnonyɔ 'na "namanɔ 'ye -e -no -lɔ, "Naa- -e -no "ɛ libhɔ bhueyi ne 'tee zaa, me -se -e "kɛ 'du 'wli 'kɔgbɔ kamalea-.

Luke 19:19

"Ne 'ɔ yu -lɔ 'sɛbhele -wɛ bhulɛle-. -E yi 'du 'wli 'umgbu 'yliku.

2 Kolɛtenya 8:12

'A kɛ 'dle "namanɔ "me 'nyɛle-, 'nyakpa yi 'anye 'tee 'sa, 'ɛ -nyɛ 'anyɛɛ -ye 'a -su -wɛ "bhaa. 'Wa -ka 'anye -ye 'a "ne -kɛ -wɛ lo 'yɔbhɔle-.